Featured Post

Catatan Khotbah Minggu 12 Mei 2024

Oleh
Gambar
 Minggu Eksaudi : Begiken Min O Jahwe Warna Mbentar Invocatio          :  “(Pilipi 3 : 16)” Ogen                     :  Perbahanen Rasul Rasul 1 : 1 - 5  (Tunggal )     Khotbah            :  Masmur 31 : 1 – 5      (Responsoria )     Thema                 :  Pemindon Lako Iampang-ampangi Tuhan              Khotbah : Masmur 31 : 1 – 5     Masmur Daud. Ku Kam aku cicio o TUHAN ula pelepas aku kemalun. Kam kap Dibata si bujur, mindo aku, maka IkeliniNdu aku. Begiken min pertotonku pedas min Kam reh mulahi aku. Jadi min Kam deleng batu inganku cicio, kubungku si nteguh inganku terkawal. Kam kap ingan cebuni dingen bentengku, tegu-tegu dingen babai aku erkiteken GelarNdu. Tegu-tegu aku maka ula aku kena siding itogeng kalak man bangku. Ampang-ampangi aku maka ula aku kena cilaka. Pembukaan   Syalomm mejuah juah senina ras turang, Kidekah nggeluh manusia ibas doni enda, lit lalap perbeben.  Lit nge lalap kiniseran, kiniseraan si mengancam keselamatan ta.  Tapi lit ka nge jalan keluar,
Posting Komentar

NGALEMI SALAH

Oleh

 SIMAN UKUREN 

Mathias Berahmana

IBAS pertoton Tuhan, rusur ibelasken: alemi min salah kami bagi nialemi kami salah kalak kempak kami. Kinatana, Dibata enggo ngalemi salahta tapi salah kalak sangkut denga ibas babah, erjebal denga bas pusuh.

Pergalah siuga ngenda ibahan enjukjuksa segelah ndabuh. Oratna min sigalang ipekitik, sikitik ibeneken. Mbuesa sikitiken ukur pe erbahan mberat baban pusuh. Mungkuk enggo pusuh e maba-mabasa. Mekuah kal ate. 

Adi bage denga kin turi-turinna, erguru ka kita man Daud. Tersena, mesui kal ate Daud erkiteken seh kemalina perbahanen Saul man bana. Erlapis-lapis luka mbaru nindihi luka sindekah ibas pusuh Daud. Kurang lebihna lit 6 kali Saul menam-menam munuh Daud.

Oratna min kenca Daud jadi raja, ertaktak ia kerna perbahanen e man kesusuren Saul. Emaka idaramina ise nari singgeluh ibas keluarga Saul. 

Sumber photo : https://www.crosswalk.com/faith/spiritual-life/10-things-you-should-know-about-forgiving-others.html

Ikerahken intelijen istana, la ndekahsa dat me sada nari singgeluh eme Mepiboset, pupus Jonatan. Akap Mepiboset ipantem bagi belkih beru-beru menda ia sekalenda.  

Tapi nina Daud, “Kukelengi ateku kam erkiteken bapandu Jonatan. Kuulihken man bandu kerina taneh sikerajangen ninindu Saul, janah kam banci tetap man i istana.” (2 Samuel 9 : 7) 

Suraaaakkkk…. Lit denga nge jelma bagi Daud enda ulina? Janjina ras Jonatan tetap ijemakna meteguh (1 Samuel 20 :14-15). 

Kiniulin Daud e lateralang nilaina man Mepiboset. Minter kal ia erjimpuh. 

“La kap aku ulin asa biang mate, Tuan! Engkai maka bage kal ulina kam man bangku,” nina Mepiboset enggelari dirina biang.

Nahe Mepiboset duana cempang erkiteken ndabuh bas perembah Siba, pengasuh istana, sipaksasie erjibaku nelamatken Mepiboset waktu tentera Pilistin nerang istana Saul.

Pengampunen Daud erbahan Mepiboset endatken mulihi kerina erta bulangna Saul bage pe erta bapana Jonatan. Ia pe ipediat tading ibas istana, banci man minem ras raja. 

 Bage ari, lit kepe kalak, nahena cempang, lebih-lebihen ka perukurenna. Enggo iampuni ras ipesikap Daud geluhna tapi perbahanen Mepiboset bagi mulahi biang kicat. Ikaratna simulahisa. 

Mepiboset erpekat ras Absalom, anak Daud, labo gulingken raja. Daud kiam iungsiken ku sada ingan. Gendek ranan, dungna tentera si setia naluken ras munuh Absalom.

Daud mulihken ku Jerusalem. Mepiboset bagi biang la pet man manuk lemang-lemang. Nuri-nuri pabual ia maka waktu pemberontaken Absalom, ia ketadingen kiam erkiteken la lit sipenangkihsa kudatas kuda.

Ieteh Daud nge perbahanenna sigenjeng e tapi la iukumna. Mepiboset tetap ipediat  Daud bebas keluar masuk istana. 

Bagem mergana padan man Daud. Ibas pusuhna, adi Dibata pe perkuah, arah apai nari dalan manusia ngidoi kalak sideban. 

Emaka ibahanna sada lagu si sairna: Kesah TUHAN ngerana arah aku; pedahNa ibas babahku (2 Samuel 23:2)… sabab enggo ibahanNa sada perpadanen si tetap man bangku, sada perpadanen si la banci iobah, sada padan si la sambar-sambar. Eme kerina kesikelku, eme kemenangenku, janah Dibata kap merekenca (2 Samuel 23:5) 

Daud contoh kesetian. Janji man bana guna itepati labo isilahi. Inget-inget dage janji bapa man ndehara ras anak-anak, janji pernanden man bulangenna ras anak-anak, entah pe sebalikna janji danak-danak man bapa nandena. Uga ka kerna janji ras kalak sideban. Tepati janjindu.

Dibata nepa manusia segambar ras rupaNa. Ate Dibata ula rupa ngenca segambar, perbahanen pe seri min; eme perkuah, perkeleng, ras mesikel nampati alu la ertaktak.

Kune perkuah, perkeleng ras penampat e kunci nalangi pintun surga, ma enggom lit sigajutken? Adi lit kuncinta banci talangi labah surga, adi lenga, lit denga kesempaten erbahansa kenca dung ngoge turi-turin enda.  Gunaken dage kesempaten si lit denga! 

Salam mejuah-juah i Karawaci Simalem nari (6/1/2022)

Komentar

Posting Komentar

Postingan populer dari blog ini

Indah Pada Waktunya / Pengkhotbah 3:11-15 ( Pekan Penatalayanan Hari Keempat)

Oleh
Gambar
  Photo by Fabrizio Verrecchia - Unsplash Apakah Anda mempunyai jam dinding atau jam tangan yang ada jarum detiknya? Perhatikan dan ikuti jarum itu berdetik selama satu menit. Dengan detik-detik itu kita menghitung waktu. Waktu adalah bagian terpenting dalam hidup kita. Setelah jangka waktu 75 tahun, semua jam di dunia ini telah berdetik sebanyak hampir 2,5 miliar kali. Bernard Berenson, seorang kritikus seni bertaraf internasional, mempunyai semangat hidup yang tinggi. Bahkan dalam keadaan sakit ia tetap menghargai waktu yang ada. Sesaat sebelum meninggal dunia pada usia 94 tahun, ia berkata kepada seorang temannya, "Saya ingin berdiri di ujung jalan dengan topi di tangan, dan meminta setiap pejalan kaki yang lewat agar menjatuhkan setiap menit yang tidak mereka gunakan ke dalamnya." Melihat sikapnya itu, hendaknya kita sadar betapa pentingnya kita belajar menghargai waktu! Tentu saja kita tak ingin menjadi orang yang terlalu `diburu waktu' sehingga menjadi gila kerj
Baca selengkapnya

Catatan Tambahan PJJ 1 – 7 Oktober 2023

Oleh
Gambar
Efesus 4 : 7 – 16  Thema : Iranggut Dingen Ipersada Sinergi dan Kolaborasi SDM Gereja Efesus 4 : 7 – 16  Bahasa Karo  Man banta sekalak-sekalak nggo ibereken kengasupen si khusus sue ras baginta si patut si ibereken Kristus erpalasken lias AteNa. Bagi lit tersurat i bas Pustaka Si Badia, "Asum Ia nangkih ku ingan si meganjangna, nterem ibabana kalak tabanen i bas barisen arak-ArakenNa; dingen IberekenNa pemere-pemere man manusia." Kai kin ertina "Ia nangkih" e? Ertina eme: perlebe Ia nusur ku ingan si meterukna kal, i doni enda. Ia si nusur e, Ia ka si nangkih ku ingan si ganjangen dingen dauhen asa kerina langit, gelah IdemiNa kerinana. Ia si "mereken pemere-pemere man manusia. " Deba IbahanNa jadi rasul, deba jadi nabi; lit deba jadi perBerita si Mehuli, lit deba jadi si mpermakani perpulungen ras guru-guru. Si enda IbahanNa gelah kerina anak-anak Dibata sikap ndahiken dahin pelayanen majekken kula Kristus. Alu bage dungna ersada kinitekenta ras penanda
Baca selengkapnya

Catatan Tambahan PJJ 27 Agustus – 2 September 2023

Oleh
Gambar
  2 Korinti 8 : 16 – 19  Thema : Erdahin Guna Kiniulin Perpulungen   2 Korinti 8 : 16 – 19  Bahasa Karo 2 Korintus 8:16-19 (Pustaka Si Badia) Bujur ningkami man Dibata si erbahanca maka bali ras kami ergiah-giah ukur Titus erdahin guna kiniulinndu. Labo saja meriah ukurna ngaloken pemindon kami, tapi pe ergiah-giah ukurna seh maka alu ukurna ersuruh nggo itetapkenna ndahi kam. Isuruh kami pe ikut ras ia sekalak senina si ipujiken perpulungen-perpulungen i japa pe erdandanken dahinna meritaken Berita Si Mehuli. Labo e saja, tapi pe ia nggo ipilih dingen itetapken perpulungen-perpulungen jadi teman kami i bas perdalanen ndahiken dahin keleng ate e. Si e ilakoken kami guna kiniulin Tuhan dingen guna encidahken ukur kami ersuruh ndahiken dahin e.   Fakta Dan Makna  1. Bujur ningkami man Dibata si erbahanca maka bali ras kami ergiah-giah ukur Titus erdahin guna kiniulinndu. Salah sada karakter Paulus siidah ibas perikop si jadi bahan PJJ ta minggu enda emekap, kinirajinenna ngataken bujur
Baca selengkapnya