Khotbah : Kejadian 1 : 26-28
Ipasu-pasu Guna Mpekena-kena Tinepa
Kejadian 1 : 26 – 28
1:26 Nina
Dibata, "Genduari Sijadikenlah manusia si sentudu ras tempasTa, si menam
seri ras Kita, gelah ikuasaina kerina nurung, perik-perik, bage pe kerina
asuh-asuhen ras rubia-rubia si meliar, subuk si galang ras si kitik."
1:27 E
maka ijadiken Dibata manusia, si sentudu ras tempasNa; dilaki ras diberu
ijadikenNa.
1:28 Ipasu-pasu Dibata manusia ndai, nina, "Ertuahlah kam jadi nterem, demi
dingen taluken doni enda, kuasai kerina nurung, perik-perik i awang-awang, bage
pe kerina rubia-rubia i daraten
Fakta
1. Gagasan
Dibata mula mula nari njadiken manusia sentudu ras tempasNA (Imago Dei), gelah
erkuasa nandangi tinepa sideban (nurung, perikperik, bage pe kerina rubia rubia
si meliar)
2. Gagasan
Dibata akhirnya terwujud, jadi me manusia sentudu ras TempasNa si dilaki ras di
diberu.
3. Manusia
ndai semakin sempurna kenca ipasu pasu DIbata janah nina “ “Ertuahlah kam
jadi enterem, demi dingen taluken doni enda ras kuasai kerina nurung, perik
perik I awang awang, bagepe kerina rubia rubia daraten.”
Sumber Photo : https://www.bibleinfo.com/
Makna
1. Manusia
kerina, kam ras aku ras kerina kalak sideban ijadiken Dibata alu dem
pertimbangan la asal ber Firman. Tapi rukur
mbages lebe DIBATA ope denga ijadiken
Dibata manusia. Sura sura Dibata njadiken
manusia bagi tempasNA secara fisik ras roh.
Tujuanna gelah manusia ngkuasai kerina tinepa tinepa sideban.
2. Emaka
ijadiken Dibata manusia kerina (kam ras aku, bagepe kerina kita) bagi
tempasNA. Tempas Dibata kita manusia secara
keseluruhan, secara fisik ras kesah.
Fisik ta enda reh ibas imaginasi Dibata nari, Kesah Si Erbahanca kita
nggeluh pe reh bas Dibata nari. Beda kesah
manusia ras kesah lembu, tah kambing, biang tah babi. Erkiteken kesah manusia
reh ibas Dibata nari maka ganjangen kesah manusia asangken kesah si lit bas
doni enda kerina. Kesah manusia lawes ku Tuhan, kesah tinepa sideban keri adi
enggo keri, nimpet adi enggo nimpet.
3. Jenari
ipasu pasu Tuhan me manusia si seri ras tempasNa e. Pasu Pasu Tuhan seri ras Firman Tuhan. Emaka sanga ipasu pasu Tuhan manusia ndai, iberekenNA
kuasa Firman NA man manusia. Emaka
manusia e erkuasa janah banci ngkuasai kerina tinepa sideban. Perkataan manusia dem kuasa, terutama adi
perkataan sinibelasken manusia e berkaitan ras keleng ate Tuhan. Terlebih ka adi perkataan manusia e ibelasken
alu demi man/kiniteken nandangi Dibata.
Tuhan Yesus pernah katakenNa, adi lit iman ndu asa biji sesawi saja, pindah
nindu pindah deleng ah nina. Kuasa Dibata
lit ibas manusia, terlebih manusia si erpengendes man Tuhan Dibata.
Pengkenaina
Sejak awal mula mula nari enggo lit
bagin Dibata (sifat keallahan, sifat ketuhanan ibas diri manusia) sebab memang
manusia iciptakenna alu seri ras tempasNA. La lit kebiarenta nggeluh bas doni
enda, adi terhubung lalap kita ras Tuhan.
Kesah si isempulken Dibata kubas dirinta menjamin kita lalap terhubung
ras Dibata. Sadar lah janah
pergunakenlah Kesah Dibata si lit bas dirinta ibas ndalani kegeluhen enda wari
lepas wari.
·
Manusia, kam ras aku erkuasa nandangi
kerina tinepa sideban. Nandangi kerina si nggeluh I laut, awang-awang ras bas
lautan si mbages ras mbelang. Tapi
perlukal si renungkan dalam dalam, guna kai nge simehulina sipakekan kuasa si
lit bas kita e? Guna diri sendiri, guna
keamanan ras masa depan diri sendiri tah
guna ngkuasai alu dem kekelengen ras pengataken bujur man Dibata? Sadar lah kita kerina manusia bahwa labo lit
gunana kuasa e adi hanya untuk kepentingan egoisme ta saja. Pakelah kuasa e
lako ngkelengi kerina tinepa ras manusia sideban. Amin.
Bujur ras mejuah juah kita kerina. I
Pt. Analgin
Ginting
Komentar