Blog ini Berisi Hal-hal yang berhubungan dengan Pengembangan Karakter, Motivasi, Spiritual (KATMOSPIR).
Selain itu menampilkan cara berkhotbah secara kreatif berikut contoh contoh bahan renungan/bahan khotbah, PJJ dan PA-PA Kategorial
Renungen: Masmur 128: 1-6 Tema : Jabu Si Dem Alu Kesangapen 128:1 Sangap kal kalak si malang man TUHAN , si nggeluh ngikutken kerina perentahNa. 128:2 Ipanna me ulihna latih, sangap nggeluh, mehuli sikerajangenna. 128:3 Ndeharana bali ras anggur si meramis buahna i bas rumahna, dingen anak-anakna bali ras tunas batang saitun i sekelewet mejana. 128:4 Bage me pasu-pasu TUHAN , man kalak si malang man baNa. 128:5 TUHANlah si masu-masu kam i Sion nari, mbera idahndu kesangapen Jerusalem kidekah umur geluhndu. 128:6 Cawirlah kam metua, maka sempat idahndu kempu-kempundu. Damelah sikerajangen Israel ! FAKTA , ARTI DAN MAKNA 1. Sangap kal kalak si malang man TUHAN , si nggeluh ngikutken kerina perentahNa. Ipanna me ulihna latih, sangap nggeluh, mehuli sikerajangenna. Ndeharana bali ras anggur si meramis buahna i bas rumahna, dingen anak-anakna bali ras tunas batang saitun i sekelewet mejana . Kerina kal kita ersura sura ra...
INGET Sembiring Brahmana. Gelarna bagi pendalankenna. Man inget-ingeten. Banci saja lit sitergelar Tambarta simungkin iarapken orangtuana jadi dokter tapi jadina nangkih mimbar selaku pendeta.
Iukur-ukuri lit kang memang kawitenna pendeta ibas nambar-nambari eme nambari kalak si bangger pusuhna, sipagit kal akapna nanam kegeluhen, sipenggejapenna lalap macem, perukurenna serbut, bage pe la enggo akapna erlayas daging kulana.
I duru juma, lit ka tergelar Evangelis siertina kalak perberita simeriah, tapi wari-warina ibas ruang operasi erkiteken dokter pendahinna. Ertima kita segelah ibas ruang operasi, dokter bedah jantung sitergelar Evangelis e ingetna erberita simeriah.
Kinatana teridah bage. Kenca imomoken ia Idilo Dibata, Jumat (21/1/2022) berngi pukul 23.51 i RS Medistra, seh ku wari enda (Minggu, 23/1/2022) la erngadi-ngadi jelma sinterem reh peseh salam hormat ras ngataken kebenen. Ceda kal ate jelma sinterem itadingkenna.
Penampat siiberekenna man jelma sinterem pe lanai tertamburi. Terutama paksa lebih 10 tahun ia engkunduli kursi Presiden Direktur PT Astra Graphia Tbk. Enterem kalak Karo bage pe kalak sideban ngenanami buah kekelengenna.
Kenca sie Komisaris Bank Permata, Dirut PT Pagoh Selaker, ras melala jabatenna sideban. Ambah sie, simbagesna kal penginget jelma sinterem, ibas kinilitenna ras kuasana, la teridah ban emeritus e.
Ibas pertukaren mimbar Minggu ke-5 November 2014, kami utusen GBKP Karawaci siertugas maba kotbah i GBKP Kebayoran Lama.
Siman ukuren ibas kotbah paksa sie eme kerna tanda-tanda pendungi zaman, adi ipergermetken enggo terjadi i pertibi. Jadi, tading nimai warina. Ndigan warina e, Dibata ngenca ngetehsa. Sue ras tema: Ula Mbiar.
Dung kebaktin, paksa pesikap jubah ras stola i ruang persikapen lako masukken ku tas, reh emeritus e, isalamina, ras ikatakenna, “Melala bujur Pertua ibas renungendu, adi sintandai Dibata ei, la kin man kebiaren kegeluhen enda,” nina.
Paksa sie GBKP Kebayoren Lama ngerayaken HUT Saitun, itadingkenna kentisik acarana gelah nalami siertugas.
Itandaina tangkas ise kami tapi la igelarina. Ibas kerja-kerja i Jabodetabek, ia singerana ras penggurun kami Brahmana mergana. Tapi paksa sie la ibelaskenna nakku entah pe senina, tapi penggelaren serayan Tuhan.
GBKP mereken gelar emeritus man Pt Inget Brahmana sue ras pendalankenna. Meteruk ngerana ras lembab rukur nuduhken isina mbelgah. Emeritus memang arus bage: mbelgah ibas ngerana ras perbahanen.
Siman inget-ingeten paksa enda eme sipernah isingetken emeritus e: adi sitandai Dibata, la kin man kebiaren geluh enda (anum pe ibas paksana arus ngaloken kematen).
Adi sitandai Dibata!! . Lasarus itandaina Jesus janah Jesus pe keleng ateNa man Lasarus (Johanes 11).
Lasarus mate. Enggo 4 wari ikuburken, enggo mbau, emaka reh Jesus ku Betania, kuta Lasarus. “O Tuhan, enggo mbau ia, sabab enggo 4 wari ikuburken,” nina Marta, turang Lasarus, alu tangis teriluh.
Nina Jesus man Marta, “Ma enggo ndai Kukataken man bandu maka adi tek kam, idahndu nge kuasa Dibata?” (Joh 11:40).
Kenca Jesus ngerana bage man Marta, alu sora megang erlebuh Jesus, “O Lasarus, mari ndaratken!”
Emaka ndarat si mate e ibas kuburen nari (Joh 11: 43-44).
Lasarus nandai Dibata janah Dibata pe nandai Lasarus. Adi la itandai Lasarus sora Dibata, labo begina sora sierlebuh ibas doni kematen, “O Lasarus, mari ndaratken!”
Ndarat Lasarus ibas gua inganna ikuburken nari alu isaksiken sekitar 100 kalak. Lasarus sindube rusur sakit-sakiten kenca sie lanai inanamina sakit daging kulana.
Lasarus nandai Dibata alu tangkas waktu ia geluh denga, ia enggo pernah ngidah kuasaNa. Adi kalak lenga nandai ras enggejapken kuasa Jesus, tentu labo pagi itandaina soraNa.
Adi la itandaina soraNa, tentu la ietehna uga mindo penampat gelah ituduhken dalan man bana ibas kematen nari ku kegeluhen sirasa lalap.
Si la nadai sinepa ia, banci mampa-mampa roh sienggo nadingken kulana sabab la ietehna dalan ku surga.
Ibas doni kematen la lit Waze entah Google Map. Ula ka lupa, ibas doni enda saja pe, maun-maun Waze entah pe Google Map e babana kita papak gia enggo jelas kal itulisken alamat tujunta.
Uga kin rupa kematen e? Alu merambo-rambo, sitek kal tersinget paksa kami kena serangen jantung pas Wari Pentakosta tahun 2020.
Paksa sie, dung ngikuti kebaktin live streaming GBKP Karawaci i rumah nari. Sada dua jam kenca dung kebaktin, masuk ku ruang belajar, janah milihi buku man ogen, nurcuren panas gia la mberat dahin.
La e ngenca, gegeh mulai erkurang, pengenen lanai lit, melayang, dada sesak, rempet-rempet mesera erkesah, ndabuh, takal nempel ku lantai, bene gegeh, piga-piga detik begi denga sora anak-anak sipaksa ndedah TV ibas ruang keluarga.
Dungna sora TV bene, lanai terbegi kai pe, la ngasup mindo penampat man anak-anak sijarakna sekitar 5 meter, simesui bas tenten pe bene, sierputar-putar ndai bene, gelap kerina.
Kenca sie, lit sindarat ibas daging nari. Sindarat ibas daging e ndai erdilo alu kebiaren simbelin, Jesus… Jesus… tapi la lit singaloi. “O Tuhan Jesus, bereken aku nggeluh sekali nari,” serko sindarat ibas daging e mindo alu meseksek.
Dungna, reh pengertin sinuruh, “Mbatukken!!” Bage sindarat ibas daging ndai mbatuk, reh gegeh. Tep-tep mbatuk lit iakap nambah gegeh, piga-piga kali mbatuk, dungna ergegeh ras kenca ergegeh masuk mulihken ia ku daging sitadingkenna ndube.
Ibaba ku rumah sakit. Hasil Angiografi Koroner sue ras siipeseh Interventional Cardiologist Siloam Hospitals Karawaci DR dr Antonia Anna Lukito SpJP (K), FIHA, FAPSIC, FAsCC, FSCAI eme RCA: ostial bentuk take off, lesi culprit subtotal 99% di proksimal dan lesi 45% di mid.
Selain sie, telu nari pembuluh darah epe lit ka sumbat alu kondisi 70%, 40%, ras 30%. Nina dokter e, ia lenga pernah jumpa si nutup 99% pembuluh darehna banci denga erkesah. Wari e minter iaturken pasang ring si 99% ras si 70%.
Kegeluhen erpaksa paksa. Ibas sada wari pagi, paksa nggeluh pasti gancih ku paksa mate. Ibas paksa nggeluh, kerina tinepa enggo ibere kesempaten lako nandai sora sinuduhken dalan ku surga. Ilakoken entah la ilakoken, kesempaten e enggo mereken dirina.
Pt Em Inget Brahmana enggo nandai sora Simada Kuasa e. Perbahan sie beluh ia ngatakenca maka la man kebiaren adi kita enggo nandai Dibata.
Nandai Dibata ibas paksa nggeluh denga. Ibas paksa nggeluh, inget surga. Alamatna Rumah Bapa. Simabai dalan eme Jesus Kristus. Kalak sitek baNa endatken penggejapen, mate seri ras mulih ku kuta/Rumah Bapa.
Tempas rumah e isuratken ibas Ketangkasen 21:10-27. La lit rumah i doni tersikapen asa rumah sienggo pesikap Bapa e.
AGM Galeri Apakah memang, adat-istiadat / kebudayaan itu bertentangan dengan Injil? Injil berasal dari Allah. Sedangkan kebudayaan bersumber dari idea atau gagasan, tindakan dan karya cipta manusia. Karena budaya berasal dari manusia maka budaya sangat beraneka-ragam dan bahkan bertentangan antara satu budaya dengan budaya lainnya (Contoh: adat kawin di suku Batak berbeda dengan adat kawin di suku Nias, walau sama-sama di Sumatra dan berdekatan). Tetapi Injil itu satu dan berasal dari satu Allah. Injil tidak mungkin bertentangan. Pertentangan antara Injil terjadi karena manusia mempunyai kemampuan yang berbeda-beda dalam memahami Injil itu. Budaya bisa beraneka ragam, karena itu budaya tidak boleh menerangi Injil. Injil yang harus menerangi budaya. Dalam pelayanan dan pengajaran dari Tuhan Yesus, seringkali juga menggunakan pendekatan dari adat-istiadat. Misalnya, ketika Tuhan Yesus mencuci kaki para murid. Pada awalnya mencuci kaki ini adalah adat-istiadat yang berlaku bahwa...
Thema : Tetap erdalan i bas dalan si Pinter Heber 12 : 12 – 15 Bahasa Karo Emaka angkatlah tanndu si kote, janah pegegehlah tiwenndu si la ergegeh! Tetaplah kam erdalan i bas dalan si pinter gelah nahendu si tersiher la ersuina, tapi gelah malem. Meriahlah ras ise pe, janah usahakenlah nggeluh bagi si ngena ate Tuhan, sabap adi la bage ise pe labo banci ngidah Tuhan. Jagalah maka sekalak pe ula surut i bas lias ate Dibata. Jagalah maka sekalak pe ula bagi sinuan-sinuan si pagit uratna, si turah nuhsahi nterem jelma alu racunna. Fakta Dan Makna 1. Emaka angkatlah tanndu si kote, janah pegegehlah tiwenndu si la ergegeh! Tetaplah kam erdalan i bas dalan si pinter gelah nahendu si tersiher la ersuina, tapi gelah malem. Mari sihayati mbages mbages, bahwa labo selama na kita megegeh bas kegeluhen enda. Tapi lit nge masa masana kita kote. Tan kote, tiwen pe la megegeh. Enda me fakta ibas geluhta. Da...
Matius 4 : 18 - 22 Thema : Pemilihan Calon Pertua Ras Calon Diaken Ibas Sektor Matius 4 : 18 - 22 Bahasa Karo 4:18 Asum Jesus erdalan-dalan i tepi Dano Galilea, idahNa dua kalak si sembuyak sangana njala nurung. Si dua kalak e, e me Simon (igelari Petrus) ras Andereas. 4:19 Nina Jesus man bana, "Mari, ikutken Aku, maka Kuajari kam ndilo kalak si deban jadi ajar-ajarKu." 4:20 Minter itadingken kalak e jalana jenari ikutkenNa Jesus. 4:21 Asum iterusken Jesus erdalan, idahNa ka dua kalak si sembuyak. Si dua kalak e, e me anak Sebedeus, gelarna Jakup ras Johanes. Kalak enda i datas perahu ras bapana sangana pesikap jala. Asum idilo Jesus ia duana, 4:22 minter itadingkenna perahu e bage pe itadingkenna bapana. Jenari ikutkenna Jesus Fakta Dan M...
Komentar