Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Pertoton Pepajek Sejarah
ESTER terpilih jadi Ratu Persia gantiken Wasti si ipedauh la ersibar erkiteken nundalken sumpahna man perbulangenna, Raja Ahasyweros.
Ukumenna ipedauh la ersibar ngenca encidahken raja e sekalak perkuah. Biasana, kalak si simbel pengenehen raja minter lanai ieteh cibalna.
Paksa sie, Raja Ahasyweros la teralang kuasana. Ia erdolat nandangi 127 provinsi mulai India nari seh ku Etiopia.
Kune kemirepkenna sembelah matana, mis nge ngerana kapak algojo meltepken kerahung siempemelaken raja.
Wasti ipedauh, Haman ipedeher. Haman iangkat raja jadi perdana menteri. Haman bagi gelarna ‘hangman’ (tukang gantung) pengelakona.
Masalah kitik perlebe, sekitik biji sawi, ipemiserna sada deleng. Bena-benana, Mordekai, bapa angkat Ester, la nggit nembah man bana.
Sumber Photo : https://achristianpilgrim.wordpress.co
Selaku sierkuasa nomer 2 ibas Kerajan Persia, gara pusuh Haman. Bagi nina kuan-kuan, bengkila ate segat, rubiana ibunuhi i juma.
Turah ibas ukur Haman lako gantung Mordekai ras engkernepken kerina anak bangsa Jahudi si ringan ibas 127 provinsi (holocaust).
Itiktikna wari, idatna katikana wari 13 bulan Adar (12) jadi wari pendungi kalak Jahudi.
Ngadap Haman man raja. Ipesehna taki pacikna. “Lit sada suku bangsa nggeluh serap-serap i tengah-tengah rayatndu, janah ia ringan i bas tiap provinsi kerajanndu.”
Iumbahina ka: Adatna la bali ras bangsa-bangsa si deban. Tambah si e, la ia patuh man undang-undang kerajan. Dage labo lit sitik pe untungna man bandu adi kalak enda ipediat saja.
Emaka adi mehuli iakapndu, bahandulah surat perentah gelah kerina ia ibunuh. Adi e idalanken, pang aku njaminsa maka ngasup aku mereken lebih 340.000 kilo pirak man bendahara kerajan.
Megi sie ibuat raja cincin setempel ibas jari-jarina nari, jenari iberekenna man Haman anak Hamedata, kesusuren Agag, musuh kalak Jahudi e.
Nina raja man Haman, “Bangsa e ras duitna kuendesken bandu; bahanlah bagi atendu.” (Ester 3:8-11)
Ibas gelar raja, ikirimken Haman surat man kerina gubernur, bupati, ras pembesar kerajan, lako munuh kerina kalak Jahudi, subuk nguda tah metua, diberu tah danak-danak. Kerina arus ikernepken janah erta-ertana pe irampas (Ester 3:12-13).
Ngasup kin biji sawi mindahken deleng? La bo ibas erkiniteken ngenca ngasup bagi sibelasken Tuhan Jesus (Matius 17:20).
Ibas kejahaten pe bibit sawi si kitik banci pemiser deleng. Bagem sura-sura Haman janah Adolf Hitler pernah ka nge ngulangisa.
Lit nge kita singgejapken perlakun si la seri i taneh perlajangen, khususna ibas majekken rumah pertoton?
Keadilen
Adi kalak Jahudi paksa sie statusna jajahen kin. Emaka mekelek nge perbedan keadilen sigejapkenna.
Ban sie maka gelar Hadasa (Ibrani) salih jadi Ester (Persia) segelah danci ikut kontes pemilihen ratu.
Cuba sigejap-gejapken: kalak si mbiar endalanken kebenaren, ngue ngue pangumbat gelah ula rubat, cebuni ibas masalah nari, pasti kinitekenna mbewat; ngerana banci saja jurgak tapi percikcik ibas perbahanen.
Ester la bage. Ndarat ia ibas si gelap e nari. Kai sinilakokenna? Nina man Mordekai, “To, pepulunglah kerina kalak Jahudi si lit i kuta Susan enda; ertoto dingen erpuasalah kam kerina guna aku. Ola kai pe pan tah iinemndu telu wari telu berngi dekahna. Aku ras suruh-suruhenku si diberu pe bage ka ibahan kami. Kenca bage lawes aku ndahi raja, aminna gia e ngelanggar aturen. Adi terpaksa kin aku mate guna si e; mate pe labo dalih.” (Ester 4:17)
Mate pe labo dalih! Lit denga nge si pang bage guna sinterem? Siteridah gundari enda, buen gelah seri ras kalak, labo perlu kal mbela keadilen. Salah kang akapna adi lit kalak pecinder kebenaren.
Ester ngukurken jelma sinterem. Tapi la ia sisada. Iajukna bangsana lako mindo gegeh man Dibata alu ras-ras ertoto ras erpuasa dekahna telu wari telu berngi.
Kenca iujungi pertoton ras erpuasa e, icidahkenna dirina man raja. Kune la bage ate raja, wari e kang peltep kesahna.
“Pertoton kalak si bujur ergegeh kal.” (Jakup 5:16). Jadi me bage nandangi Ester.
Tupung raja ngidah kemberahenna Ester tedis idarat, jadi kal atena ngenenca, e maka idudurkenna kempak Ester ciken emas kinirajan.
Minter ideheri Ester, ikuitna ujung ciken e. Isungkun raja ia nina, “Kai atendu, Kemberahen? Turiken sura-surandu; aminna setengah pe kerajan enda, tentu kubereken man bandu.” (Ester 5:2-3)
Setengah pe kerajan e nggit raja merekensa! Pertoton situtus tuhu-tuhu erkuasa!
Gendek kata, ipeseh Ester kerna sura-sura Haman si jahat. Dungna, tiang gantungen siganjangna 22 meter sipesikap Haman man Mordekai, salih jadi ingan kerahungna cinggolah.
Kai siteridah man banta wari enda? Perbahanen Ester nuriken maka pertoton sekalak ndehara seh gegehna.
Labo kuan-kuan ngenca: dibalik kesuksesan pria karena ada perempuan hebat di belakangnya. Rema enda perlu kal ipraktekken!
Ester nalihken si jahat jadi pasu-pasu ibas 2500 tahun si lewat. Pertoton anak melumang e asa gundari teridah alu litna denga bangsa Jahudi.
Gegeh sekalak jelma sierkiniteken la tertaluken. “Kam mereken gegeh man bangku naluken musuh-musuhku.
Kam mere kuasa bangku ngkuasai benteng-bentengna,” nina Raja Daud ersaksi nandangi kemenangenna naluken bangsa sideban (Masmur 18:30).
Siingetlah rusur, pertoton Ester erbahan sejarah ibas nelamatken bangsana. Pertotonta pe labo ndauhisa.
Salam Pt Mathias Brahmana (19/5/2022)
.jpg)
Komentar