Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Erkesah Ibas Sibadia
RUPANA banci baba ku tiga. Dagingna bagi belkih nangkih ku lingling, sikap man tatapen. Perosena pe la talu ras sirusur teridah ibas televisi.
Terbagesen ipegermetken ku ayona, la sekali pe ia cirem. Benang kegeluhen Ibu Kota Megapolitan rulut-rulut ibas ayona. Simerupa ndai teridah entelap.
Kai kal sierbahansa maka singuda-nguda e muniken perciremna? Bena-benana la terperkuanken tapi dungna nese-nese sitik bagi remang erpagi-pagi.
“Anakku, kam itepa labo ibas kayu nari tapi abu simegembur. Ula kerasken pusuhndu.” Manjar-anjar teridah gembura ibas matana.
Timai kentisik nari, ndarat me sipagit-pagit ras si masin-masin. Nuri-nuri me ia nina, geluh mesera mabai ia ku perlajangen.
Sumber photo http://www.malankaraworld.com/
Sertifikat diploma siibabana la lako. Lanai bias jari gargarisa piga kali enggo ikutina tes, audisi, wawancara, seh pe ku perjumpan petala-tala.
Ibas petala-tala ras sipewawancara rusuren labo kai kebeluhenna siisungkuni tapi rupa ras dagingna siperdiatekenna.
La sada dua singajuksa ras-ras gawah-gawah. Janah singajuksa e seri kinitekenna eme nembah man Jesus Kristus. “Kuakap ikelengina, kepe kelenglengen sibabana.”
Mulai naktak iluh singuda-nguda e. “Sura-suraku mbelin maba perubahen kegeluhen nandangi keluarga kami. Kepeken, mberat kal endalankensa, latih pe kuakap rukur. Bagem kugengken gelah pajek bendera keluarga sabab tercurna kal kami ban kade-kade. Tapi pemindon Jakarta la kepe kebeluhen ngenca tapi seh ku daging kula,” nina tangis.
Kepate nge kita ngidah percedana pusuh peraten singuda-nguda e? Gelah lit harga diri idayakenna harga diri. Melala kal singelipat cabin ibas kepiciten kalak.
Diberu sindalani kegeluhen sibage ijumpai Jesus i sumur Jakub bagi sinisuratken ibas Johanes 4:5-26. Lima kali enggo gancihen dilaki tading ras ia bagi perbulangen ras ndehara, tapi sada pe la ngempoisa.
Ayat 5: Seh me Jesus ku sada kuta i daerah Samaria, gelarna Sihar. Kuta e deher ras juma si ibereken Jakup nai man anakna Jusup.
Ayat 6-8: Ibas juma e lit sumur si igelari sumur Jakup. Perbahan latih Jesus erdalan, emaka kundul IA i tepi sumur e. Paksa e wari enggo ciger; ajar-ajar Jesus lawes ku kuta nukur nakan. Asum Jesus sisada i je, reh sekalak diberu bangsa Samaria ku sumur e ngelegi lau. Nina Jesus man bana, “Enta sitik lau ena gelah Kuinem.”
Ayat 9: Ngaloi diberu e, “Kam kalak Jahudi janah aku kalak Samaria; ngkai maka ipindoNdu lau inemen man bangku?” (Biasana kalak Jahudi la nggit make kai pe si enggo ipake kalak Samaria.)
*Sejarah Israel”
Sitik kal nulih kita ku Siman Ukuren siperlebe kerna sejarah bangsa Israel. Kerajan Israel paguh ersada ibas masa pemerentahen Saul, Daud, ras Salomo. Kenca Raja Salomo mate, pecah dua.
Sada, Kerajan Utara, em igelari Kerajan Israel, si ibukotana Samaria. Kerina rajana si-19 sedekah 300 tahunen mabai bangsana nembah Baal/Asyera sierbahan ciga kal ate TUHAN.
Sada nari Kerajan Selatan siigelari Kerajan Jehuda ibukotana Jerusalem. Buena rajana 17 kalak, buen sigenjeng sinembah berhala eme siwah kalak, ras waluh nari endalanken kerajan bagi peraten TUHAN Dibata.
Kidekah Baasa jadi Raja Israel, janah Asa selaku Raja Jehuda, la erngadi-ngadi kalak enda sibunuh-bunuhen, siperang-perangen, gia duana kesusuren Jakub si-12 suku.
Kita kalak karo gia me lit nge bage. Siasak-asaken juma ersenina, perlebe lanai siperkuanen, dungna sitakilen, silanglangna jumpa pengadilen. Anak kempu ikut ermusuhen ras siciduren.
Emaka labo sitabehen kalak Samaria ras Jerusalem gia enggo ersada ibas kepiten sigelarna Israel kenca mulih ibas pembuangen si 70 tahun ndube.
Sipagesi ku ayat selanjutna. Ayat 10: Nina Jesus, “Adi ietehndu kerna pemere Dibata, janah adi itandaindu ise si mindo lau man bandu enda, tentu ipindondu man baNa lau, jenari iberekenNa man bandu lau si mereken kegeluhen.
Ayat 11-12: Ngaloi diberu e, “O Tuan, mbages kap sumur enda, janah timbaNdu pe la lit. I ja ibuatNdu lau si mereken kegeluhen e? Nini kami Jakup nai mereken sumur enda man kami. I jenda nari me lau inemenna, inemen anak-anakna ras asuh-asuhenna. Ma labo kin ikatakenNdu maka belinen Kam asangken nini kami Jakup e?”
Ayat 13-14: Erjabap Jesus, “Kalak si nginem lau enda muas denga. Tapi kalak si nginem lau si Kubereken man bana, lanai ia muas seh rasa lalap. Sabap lau si Kubereken e jadi sumbul si erburak-burak i bas ia dingen mereken kegeluhen si tuhu-tuhu si la erkeri-kerin.”
Ayat 15: Ngaloi diberu e, “O Tuan, bereken min lau e man bangku gelah olanai aku muas, janah lanai perlu aku ku jenda muat lau.”
Ayat 16: Nina Jesus, “To legi perbulangenndu, ras kam ku jenda.”
Ayat 17-18: Ngaloi diberu e, “La lit perbulangenku.” Emaka nina Jesus, “Tuhu bagi si ikatakenndu e, la lit perbulangenndu. Sabap kam enggo lima kali erjabu janah dilaki si ras kam genduari e pe si tuhuna labo perbulangenndu. Payo kal katandu e.”
Ayat 19-20: Ngaloi diberu e, “O Tuan, nabi kepeken kam. Nini-nini kami i das uruk ah nembah Dibata, tapi nini kalak Jahudi i Jerusalem me inganna ersembah man Dibata.”
Ayat 21-22: Nina Jesus man bana, “O bibi, teklah kam man bangKu. Reh me pagi paksana maka lanai kalak i deleng ah nembah Dibata bage pe lanai i Jerusalem. Kam kalak Samaria situhuna la ietehndu ise si isembahndu, tapi kami kalak Jahudi ieteh kami ise si isembah kami, sabap Si Engkelini si ipadanken Dibata e reh arah kalak Jahudi.”
Terdauhen nina Jesus ka ibas ayat 23-24: “Tapi reh me paksana, janah si tuhuna enggo seh pe, i ja arah Kesah Si Badia manusia ersembah man Dibata alu payo. Dibata Kesah kap, e maka arah Kesah e ngenca maka banci manusia nembah Dibata alu payo.”
Ayat 25: Ngaloi diberu e man Jesus, “Kueteh maka Mesias siipadanken Dibata, si igelari Kristus, nandangi reh me. Janah adi reh IA, kerinana pagi ipetangkasNa man banta.”
Ayat 26: Nina Jesus man bana, “Aku, si ngerana ras kam enda kap Si Engkelini si ipadanken Dibata e.”
Ija Kam Bapa
BENCAH amak tayangen. La diberu, la dilaki, melala kal caburi simelket penggaya-gaya sura-sura daging.
Sura-sura lit min rumah, uga erbahansa maka meter dat, bage lakoken; lit ka min kendaraan, ose siterleben potongenna asa mode sigundari; igesek me kartu kredit; reh sinagihsa, tergesek kebiaren.
Ija kam Bapa, mbelin kal perbebenku, nina diberu ndai erkesi-kesi. Enggo ndauh kal iakapna Dibata. Bagi diberu kalak Samaria ndai, iakapna Dibata e i deleng-deleng. Lanai terdahina.
Wari enda, Jesus ngerana man kerina kalak sipaksa endalani perbeben simekelek: “Reh me paksana, janah situhuna enggo seh pe, i ja arah Kesah Si Badia manusia ersembah man Dibata alu payo. Dibata Kesah kap, e maka arah Kesah e ngenca maka banci manusia nembah Dibata alu payo.” (Matius 4: 23-24)
Kesah e ibereken Dibata man banta waktu IA nepa kita maka kita nggeluh. Kesahta e ngenca siralon ras Kesah Si Badia.
Erkesahlah ibas Kesah Sibadia. Ndeher kal IA, deheren asangken perukurenta. Labo i deleng-deleng inganNa tapi ibas kesahta.
Ngeranalah man baNa kai pe perbebenta.
Selamat beribadah. Salam Siman Ukuren, Pt Mathias Brahmana (22/5/2022)
.jpg)
Komentar