Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Dibata Cabut PadanNa
Siapai nge lebe, tinaruh ntah serati? Adi manuk ras telor, uga ka?
Ise nge leben erdosa, Imam Eli ntah anakna Pinehas ras Hofni, maka la lit piga kali reh berita ibas TUHAN nari janah pengenehenen pe merak-rak ngenca? (1 Samuel 3:1B)
Siman Ukurenta wari enda pelin-pelin persinget Dibata sinisuratken ibas Pustaka Sibadia. Sibenai ibas 1 Samuel 2:12-17 nari. Bagenda nina:
Anak-anak Eli tuhu-tuhu si kemali. Sitik pe la diatena TUHAN. Peraturen-peraturen kerna kai si banci ipindo imam-imam ibas bangsa e nari pe labo diatena._
sumber photo : https://thejordanvalley.com/
Emaka adi lit kalak nehken persembahen gelehen, minter reh suruh-suruhen imam maba garpu si telu ipenna. Asum daging e sangana denga itanggerken, ijukjukkenna garpu e ku bas kudin ingan nanggerken daging e, jenari kai saja pe si ikawit garpu e ndarat jadi sekerajangen imam. Bagenda me perbahanenna man kerina kalak Israel si reh nehken persembahen ku Silo.
Tambah si e, aminna gia tabeh-tabehna langa iagui ras itutung reh minter suruh-suruhen imam jenari ikatakenna man kalak si maba persembahen e nina, “Enta deba daging ena man panggangen imam. La ia nggit ngaloken daging si enggo itanggerken ibas kam nari, daging matah ngenca.”
Adi nina kalak erjabap, “Itutung kami lebe tabeh-tabehna, sabap bage nge arusna, kenca e kari banci ibuatndu apai atendu.”
Emaka nina suruh-suruhen imam e ngerana, “Lang! Genduari bereken man bangku! Adi lang, la banci la kubuat e alu paksa!”
Dosa anak
Bangsa Israel mehamat denga man Imam Eli ras mbiar denga man TUHAN alu maba persembahen ku Silo. Tapi Pinehas ras Hofni lanai mehamat man bapana Imam Eli, terlebih man TUHAN.
Ibas ayat 17 isuratken: Dagina dosa anak-anak Eli enda tuhu-tuhu mbelin kal iakap TUHAN, sabap sitik pe la mehamat perbahanenna nandangi persembahen man TUHAN.
Imam Eli labo la empersingeti anakna tapi Pinehas ras Hofni lanai mbegiken kata orangtuana.
“Olanai bage, anakku! Seh kal mejinna si icakapken bangsa TUHAN! Adi sekalak jelma erdosa man teman manusia banci nge ia isampati Dibata. Tapi kuga nina manusia nampati kalak si erdosa man TUHAN?” Tapi la ia nggit megiken bapana, sabap enggo itetapken TUHAN guna munuh ia.” (1 Samuel 2:24-25)
Perbahanen Pinehas ras Hofni si lanai erkemalangen man Dibata perlu kal siukuri selaku orangtua segelah sisilahi sabab damparna seh kal ngerina.
La saja man sierbahansa, Pinehas ras Hofni bage pe bapana, tapi seh pe ku kesusuren Imam Eli sidebanna.
Guna empersingeti perbahanen Pinehas ras Hofni, iutus Dibata me sekalak nabi ndahi Eli, nina:
Aku, TUHAN Dibata Israel, nai enggo erpadan maka keluargandu ras terpukndu jadi imam si ndahiken dahinKu seh rasa lalap. Tapi genduari Kukataken, lanai ateKu bage! Sabap Kupehaga kalak si pehaga Aku, janah Kupeteruk kalak si la erkemalangen man bangKu.”
Enggo ipadanken TUHAN maka kesusuren Harun eme terpuk Eli rasa lalap jadi imam singelai ibas Peken AnggurNa tapi perbahanen Pinehas ras Hofni erbahan icabut mulihken padan e.
Sigermeti ayat selanjutna sinuduhken la saja padan e ibatalken TUHAN sipersabar tapi pe ipenusurna ukumen man Imam Eli ras keluargana:
“Begiken, paksana enggo seh maka Kubunuh kerina anak perana ibas keluargandu ras terpukndu, gelah ola lit sekalak dilaki pe i bas keluargandu cawir metua. La banci la susah iakapndu janah morah atendu ngenehen kerina pasu-pasu si Kusehken man kalak Israel si deban, tapi ndigan pe lanai lit ibas keluargandu si nggeluh cawir metua.”
Ayat enda ngatakan mate nguda kerina kesusuren Imam Eli. Ngeri tuhu ngeri! Terdauhen nina nabi e kerna nubuaten si jadi man terpuk Imam Eli:
”Tapi sekalak i bas kesusurenndu nari Kupelepas nggeluh, janah ia jadi imam ndahiken dahinKu. Tapi la banci lang pentang ia jenari bene kerina ibunuh kalak. Asum anakndu Hopni ras Pinehas mate pagi duana i bas sada wari, e jadi tanda man bandu maka kerina si enggo Kukataken e la banci la jadi.”
TUHAN e perkeleng. Gia bage belinna dosa Pinehas ras Hofni, iberekenNa denga kesempaten man sekalak kesusuren Eli jadi imam singelai dahinNa tapi pentang matana janah geluhna mate meratah.
Bagi ninta menai kata ndai, siapai nge lebe tinaruh ntah serati? Siapai nge si perlebe, Imam Eli si la beluh ndidik anak, ntah anakna si la megiken kata?
Siapai pe leben, damparna maba kecedan ras kebenen man keluarga.
Turi-turin kinata kegeluhen nandangi terpuk Imam Eli enda ngingetken orangtua ula erleja-leja empersingeti segelah anak-anak arus mehamat man Dibata sabab IA kap Sinepa ras sada-sadana sierdolat nandangi manusia.
Kejadin kerna keluarga Imam Eli enda isuratken ibas Pustaka guna jadi curmin man kerina manusia.
Kai sisuan ei siturah. Kai sisuan kita gundari banci encedai kesusurenta.
Tentu la teridah man banta gundari, tapi mesui nari nge kal pagi ate anak kempunta adi jadi bagi terpuk Eli: lit si mate nguda, lit si pentang, lit si mate meratah.
Ibas gelar Jesus Kristus, ndauh lah kerina sie ibas kita nari. Ibalikken Tuhan kerina peraten si jahat jadi kiniulin ibas geluhta, bage pe ipasu-pasuNa kegeluhen bangsanta. Amin
Salam Pt Mathias Brahmana (16/5/2022)
.jpg)
Komentar