Khotbah : Roma 10 : 9 – 10
Ertoto Ras Pengakun
10:9 Adi
ngaku kam alu babahndu, "Jesus Tuhan kap," janah tek kam i bas
pusuhndu maka Jesus enggo ipekeke Dibata i bas si mate nari, maka terkelin me
kam.
10:10 Sabap
alu pusuh me kalak erkiniteken seh maka ia irembakken ras Dibata, janah alu
babah kalak ngaku seh maka ia ikelini
Fakta
1. Enda
me pengajaran si seh kal penting na
ipeseh Paulus man perpulungen Roma, kerna dasar dasar ertoto. Ikatakan Paulus kalak si ngaku arah babah, Jesus
Tuhan kap, janah tek ibas pusuh Jesus enggo ipekeke Dibata ibas si mate
nari, maka ia terkelin.
2. Ikatakan
Paulus maka, alu pusuh me kalak erkiniteken seh maka ia irembakken ras Dibata, janah arah babah ia
ngaku seh maka ia ikelini.
Sumber Photo : https://ro.pinterest.com/
Makna
1. Ibas
berngi si pertama nderbi, kita enggo
iajari maka litna kesadaran manusia gelah ertoto reh bas Tuhan nari, janah ku
ise kita ertoto pe enggo ijelasken emekap ku Tuhan. Pertanyaannya si lebih penting gundari seh
man banta kerina, ise kin Tuhan e, janah
ise Tuhan e bas dirinta? Harus lit pengangkaan
si tuhu tuhu ras si paguh bas tiap kalak Kristen ise kin Tuhan, emaka nina
Paulus kalak si ngaku ibas babahna Jesus kap Tuhan, ras kalak si tek ibas
pusuhna , Jesus e enggo ipekeke Dibata ibas si mate nari, maka ia
terkelin me. Ngaku
ibas babah Jesus Tuhan kap, sebab melala
kal kalak labo pernah lit ibas babahna “Jesus Tuhan Kap”, akapna nge Jesus e
nabi, guru, imam saja ras sidebanna. Tapi
Si penting na kal man kita kerina kalak Kristen ngaku bahwa Jesus e Tuhan kap.
Akukenlah Jesus Tuhan kap, ibas kerina kesempatan si lit bas kam.
2. Sipeduaken
uga memaduken/mpersada babah ras pusuh kerna Jesus Tuhan. Tuhan si kuga ? Arah babah kita ngaku, Jesus Tuhan kap, janah
bas pusuh tek kita, Jesus e Tuhan si enggo ipekeke Dibata ibas si mate nari. Jadi Jesus enggo ngalahken, enggo naluken kematen. Emaka ibas kita si ertoto ku Tuhan e, ibas
pusuhta siinget min maka Jesus enggo naluken kematen. Tek ras ngaku, dua hal si harus lalap lit ibas
pusuhta
Setiap kali kita ertoto ku Tuhan.
Emaka labo pandangan jelma si penting ibas kita ertoto. Lancar kal gia cakapna, tapi labo ia tek man
Tuhan Jesus e, ma labo seh pertotonna. Tapi
betat betat pe ia erbelas kata bas ertoto e, tapi tek kal ia Tuhan Jesus e
enggo naluken kematen, ma terkelin nge ia mis.
Adi ngaku kita Jesus Tuhan kap,
janah tek kal kita Tuhan Jesus e enggo naluken kematen, emaka lanai lit si
metahat. Sebab labo lit bas doni si lebih
metahat asangkan nggeluh ibas si mate nari.
Pengkenaina
·
Ope denga kam ertoto ku Tuhan, harus
lebe iakukenndu arah babahndu ise Tuhan e, janah ipeturahnndu ibas pusuhndu
kinitkenndu bahwa Jesus e enggo ipekeke Dibata ibas si mate nari, enggo
italuken na kematen e. Akuken lah janah
tek lah.
·
Alu bage dage kerina pertoton pasti seh ku Tuhan. Si tik pe la mesera man Tuhan
mbegiken pertotonndu, iangkaNA kerina, ietehNA kerina. Langa pe kam erbelas enggo leben
iangkaNA. Janah adi pertoton seh ku Tuhan,
labo bage bage saja ban Tuhan, entahpe la diate Tuhan. Pasti lit repon Tuhan man kerina pertoton si
ipeseh man BANA. Ibas kam ertoto e
igejap Tuhan nge kam tek tah lang man BANA.
Amin.
Bujur ras mejuah juah kita kerina.
Pt. Analgin
Ginting
Komentar