Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
SIMAN UKUREN
Kesah Rumah Pertoton
PERNAH nge siperdateken kalak kundul nerapken bana i rumah pertoton? Ibas ruangen simbergeh e pe ia ngisahen.
La ieteh kai perbebenna. Tentu mberat kal iakapna maka kemuit lalap dagingna. Melala penungkunen sibanci peseh kita man bana?
Engkai maka kam lasen ibas kudin si la tanggerken e, o teman? Ipengadi kalak kam ibas dahinndu nari? Ma lit denga nge nakan ibas sumpitndu? Itadingken jabundu kam?
Sebue-buena penungkunen, la lit jabapenna, sabab penungkunen e ibas pusuhta ngenca. Lanai lit sinungkunsa kalak sibage gia teridah ia terjelpa-jelpa ku rumah pertoton.
Erdiate erpemere seh kal jilena melaskenca ntah pe nuratkensa. Sisungkun dage pusuhta sekalak-sekalak, nuruh kin ukurta erdiate ras erpemere nandangi kalak sikelsehen? Rusuren iban lebe panitia maka tembe.
Sumber Photo : https://sangsabda.wordpress.com/
Kam maka kam, aku pe bage ka; sinungkat-nungkat batang galuhna kita. La gia kuturiken ma enggom ietehndu maka aku pe lit nge perbebenku. Sipesikap-sikap karang manukna lah kita. Ndeher-ndeher bage gundari sikeleng-kelengen e.
Saja, sisiksiki lebe kai kin perbeben kalak sinerapken bana e maka teridah ndeher iluhna. Ia reh ku rumah pertoton erkiteken ingetna pedah Tuhan Jesus Kristus bagi siisuratken ibas Matius 6:31-34.
Ayat 31. Nina Tuhan Jesus, “Emaka ola aru atendu ntah kai pagi ipanndu, ntah kai pagi inemndu bage pe ntah kai pagi uisndu.
Ayat 32. (Kalak si la nandai Tuhan nge maka bage perukurenna). Kam ola bage, sabap ieteh Dibata nge maka kerina enda perlu man bandu.
Ayat 33. Tapi si pentingna kal, daramilah lebe KinirajanNa, janah dalankenlah si ngena ateNa, maka icukupiNa kai si perlu man bandu.
Ayat 34. Emaka ola aru atendu kerna wari si pepagi, sabap pepagi lit denga ka nge si man ndelenken. Labo padah itambahi kiniseran si sendah alu kiniseran si pepagi.”
Bagem penggejapen kalak enda ndai maka daramina KinirajanNa e ku rumah pertoton. Ngarap ia ndatken kemalemen ate ibas perbebenna simberat.
Daud endalani situasi sibage rupa. Tentera Raja Saul ngayak-ngayak ia. La ieteh Daud kai salahna.
Virus Cian
Kepe cian ate Raja Saul sabab ipujiken singuda-nguda Jerusalem ia alu erbolo-bolo.
“Ibunuh Saul meribu-ribu tapi ibunuh Daud erpuluh-puluh ribu.” Si enda la ngena ate Saul emaka merawa ia. (1 Samuel 18:7-8)
Lagu e kal erbahanca maka pahlawan sinaluken Goliat jadi musuh Israel. Enem kali percuban Saul munuh Daud tapi la nduru.
Daud la meteh kerna mbelinna sura-sura raja meltepken kesahna. Engkai? Saul eme kalimbubu simupus ndeharana Mikal.
Jonatan, putra mahkota, la sibar silih ngenca, tapi duana ia lebihen bagi kalak ersenina.
Cian bagi virus covid ibas daging kula, tumburina kerina seh mate. Lanai lit taneh kerah. Kiam Daud ndarami vaksin.
Kalak sierkiniteken, uga pe beratna virus e, ietehna maka tambarna ibas rumah pertoton.
Lawes Daud ras piga-piga tenterana si setia ndahi Imam Ahimelek i kuta Nop (1 Samuel 21:1). Kuta Nop e ibas lingling, jarakna 1,6 kilometer arah Jerusalem nari.
Kuta Nob pe igelari kuta imam sabab ije kin rumah pertoton ras ingan imam-imam tading rikutken keluargana. Janah ibas kuta Nob e lit 85 imam si atan maba epod ku ingan sibadia.
Mberat kal iakap imam Ahimelek mereken pangan man Daud ras tenterana sabab ngelanggar aturen. Roti si lit eme sienggo ipersembahenken ku Dibata janah sue aturen, imam ngenca banci mansa.
Tapi Ahimelek ipelebena erti rumah pertoton man kalak simuas ras melihe. Emaka iberekenna pangan ras inemen gia nggirgir ia.
Nampati kalak sikepiceten em kesah rumah pertoton. Nampati la enggo erkedungen. Engkai? Melala kalak ndarami gereja ibas paksa mberat man alanken.
Dahin gereja penahangi simberat mulihken ipersingeti Jesus Kristus, kesusuren Daud seribu tahun kenca peristiwa i kuta Nob bagi siisuratken ibas Matius 12:1-8.
Ayat 1. La ndekahsa kenca si e, tupung wari Sabat kalak Jahudi, mentas Jesus arah perjuman gandum. Iputikken ajar-ajarNa gandum e, jenari igugutna sabap melihe ia.
Ayat 2. Ngidah si e nina kalak Parisi man Jesus, “Nehenlah, ajar-ajarNdu erbahan kai si la banci ibahan i bas wari Sabat rikutken Undang-undang Agama.”
Ayat 3. Ngaloi Jesus, “Langa kin pernah iogendu i bas Pustaka Si Badia kai ibahan Daud asum melihe ia ras teman-temanna?
Ayat 4. Bengket ia ku rumah Dibata, ibuatna roti si enggo ipersembahken man Dibata, jenari ipanna ras teman-temanna. Rikutken Undang-undang Agama, imam-imam ngenca banci man roti e.
Ayat 5. Langa kin iogendu i bas Undang-undang si isuratken Musa maka ibas tep-tep wari Sabat si tuhuna imam-imam ngelanggar Undang-undang wari Sabat i bas Rumah Pertoton, tapi la ia ersalah?
Ayat 6. Tapi ingetlah, maka ijenda lit si lebihen asa Rumah Pertoton.
Ayat 7. Lit kap tersurat i bas Pustaka Si Badia, ‘Ate keleng nge si Kuperluken, labo asuh-asuhen si ipersembahkenndu.’ Adi tuhu-tuhu kin iertindu kata enda, labo iukumndu kalak si la ersalah.
Imam La Isalahken
Jesus ngataken man kalak Parisi maka ibas rumah pertoton, la danci sieruk-eruk kerna aturen (wari Sabat). Imam-imam ngelanggarsa tapi la isalahken!
Siman ukuren, nina Jesus, alatkenlah kekelengen man kalak simaba perbeben simberat bagi sinialami Daud.
Ahimelek mere pangan ras inemen bage pe iperlengkapina Daud alu mereken pedang gia risikona seh mberatna.
(Dungna pagi ibunuh Raja Saul kerina imam ras anak kuta Nop bagi siisuratken ibas 1 Samuel 22:19. “Kerina anak kuta Nop pe, kuta imam-imam e, iperentahken Saul gelah ibunuh, dilaki ras diberu, danak-danak ras si mbaru tubuh, lembu, kelede, ras biri-biri kerina ibunuh.”)
Bagem mekatep ibas kegeluhen erkiniteken, la terdalanken mbiring ntah mbentar!
Abu-abu maka tengteng gia enciduri aturen. Engkelengi, lanai ngerana soal benar ntah salah tapi tengah-tengahna.
Ban sie maka Raja Salomo, anak Daud, kepentaren nge sipindona man Dibata, la kebayaken.
Salam Pt Mathias Brahmana (21/5/2022)
.jpg)
Komentar