Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
GelarNa Ateku Jadi
ERSENTABI kami adi Siman Ukuren kerna pertoton ipeseh alu berseri gelah ula gedangsa per episode nina singogesa.
Kerina kalak meteh ertoto, Siman Ukuren labo ngajari sienggo beluh. Tapi turi-turin kerna pertoton perlu denga kepe ipebagesi rikutken tanggapen sinterem si seh man kami.
Persentabin ipeseh kami man kam rohaniawan kami: pendeta/pastor/pastur/evangelis/pertua/diaken, bage pe kerina sinihamati kami singelai ibas Peken Anggur TUHAN.
Tep-tep wari Siman Ukuren ioge ratusen seh meribu kalak arah puluhen grup WhatShap, Facebook, Telegram, ras media sosial sideban.
Siman Ukuren labo itujuken man sada denominasi gereja tapi man jelma sinterem singangkai bahasa Karo, gia lit ka nge suku sideban simere tanggapen ras masuken.
Gelarna teku lang
Salah sada sair pujangga William Shakespeare siinget kami mulai kin danak-danak nari seh ku umur datas 50 tahun gundari enda eme: apalah arti sebuah nama.
Sumber Photo : https://spiritandtruthonline.org/
Ibas kalak Karo kepe lit sierpengakap mbages kel pengkenaina kerna sie. Gelarna e ateku lang! “Tondel kuakap pertotonku adi Tuhan e kudilo bapa,” nina singoge Siman Ukuren.
Akap kami erjagar-jagar ia. Emaka ijagar-jagari kami ka, “Mama tua nindu.” Minter megang sorana, “Lanai pas sikatakendu e pertua. Lanai badia Tuhan e adi bagi katandu e,” nina ka.
Kepeken bapa ningen e pagit iakapna nanamna. La pas kegeluhen bapa itengah jabuna.
Semalna kalak ertoto ibenai alu ndilo, ‘Bapa!’. Bagi pertoton siniajarken Tuhan Jesus, “Bapa kami sinisurga…” (Matius 6:9).
Tondel rusur ia ibas kata bapa e. La igejapkenna pengkelengi bapana. Rikutken penuri-nurina segat denga atena bapana seh asa gundari gia umurna enggo lepus 40 tahun.
Sisiksik lebe kerna kai nina Shakespeare: “Apalah arti sebuah nama.” Enggo lebih 350 tahun kata-kata pujangga, aktor, dramawan e, rusur ikutip ibas ngapuli keguluten i sebelang-belang doni.
Buah sinuan ‘apalah arti sebuah nama’ tentu reh ibas perukuren simbages, labo asal belasken. Janah teraloken jelma sedoni.
Rikutken perukuren Bapa Pujangga Inggris e, lanai bo pas adi ‘gelarna e ateku lang’ rusur ipebelin-belin, apai ka erbahan tondel perukuren.
Adi la iakap pas pendilo bapa, daramilah si salang segelah pusuhta mehumur ndilo Dibata. Lit siatena erdilo: abba, ayah, dady, papi, papa, pepo, ras sidebanna; gejap-gejapkenlah.
Isina kal, pendilota e gelar siernanam segelah ibas ertoto tergejap min ngerana-ngerana ras Perkuah Ate Simbelin e.
YHWH
Lit kalak mulihken ia ku pendilo mula tangtangna Sinepa, ibas bahasa Ibrani igelari: YHWH/Yod He Waw He/Aku Tetap Aku ras Elohim (Keluaren 3:14).
YHWH e badia kal ras la iakap bangsa pilihen serta endilosa bage emaka ibelasken: Adonai ertina TUHAN, ninta Dibata Jahwe.
Terbagesen kerna penggelaren Dibata Jahwe, si sekolah teologi ras simetehsa lah sipetangkassa.
Siman Ukurenta wari enda eme uga maka ernanam ras sigejapken kerehen Dibata tep-tep kita erdilo man baNa.
Adi Raja Daud ibahanna penggelarenna
TUHAN. “Aminna pe itadingken nande
ras bapangku aku tapi TUHAN tetap si
pekena-kena aku.” (Masmur 27:10)
Erbage-bage pendilo bangsa-bangsa kerna gelar TUHAN e tapi sada penggejapenna maka IA Simada Kuasa.
YHWH eme Kesah Sibadia, la lit tempasna, sinepa kerina sinasana, IA lit sirasa lalap, la ibalengi ruang ras waktu, la teridah tapi ija pe IA lit (Kejadin 1:2; Johanes 1:18)).
Man kami, penggelaren bapa jadi kal ate. Mbages tergejap sabab ertedeh ate man bapa Sembiring mergana silawes ibas usia kami 1,8 tahun.
Reh ka bapa Ginting mergana ibas kami usia 6 tahun. Bapa e seh kal randalna erbahan ndilo Bapa man TUHAN reh jadina ate.
Piga-piga tahun silepas, bapa Ginting mergana ndai pe enggo ka ngadap ku Dibata; tergejap denga lias ras perkuah atena; pengkelengina; pengajarkenna.
Kerina kiniulinna e nambah tedeh ate janah nampati pengertin ngukurisa maka Bapa YHWH e ndauh lebihen asa bapa ndube.
Ibas ertoto, la melala syarat sipindo TUHAN. Nina TUHAN arah Raja Salomo: adi ertoto ia man bangKu dingen erkadiola ia jenari itadingkenna si jahat si enggo ibahanna, Kubegiken pertotonna i Surga nari. Kualemi dosa-dosana, jenari Kubahan ka maka mehumur mulihken tanehna. (2 Kronika 7:14)
Taneh e perbebennta ibas kai pe termasuk pencarin ras ukur gulut. Mehumur kerina ibahanNa, adi kita erkadiola ras nadingken si jahat.
Kalak sierkadiola mbue tangis ras nembah seh ku taneh. Tapi lit kang si tedis mekpeki tentenna ntah mekpeki dinding; lit ka sigaburi takalna alu taneh.
Tuhan ngidah kerina sie, tapi sipernehenna eme isi pusuh. “Adi manusia inehenna si teridah arah darat, tapi Aku Kupernehen pusuhna.” (1 Samuel 16:7)
Salam Pt Mathias Brahmana (13/5/2022)
.jpg)
Komentar