Jakub 4 : 1 - 10
Thema : Setia Man Tuhan
Jakub 4 : 1 – 10
4:1 I
ja nari kin rehna perjengilen ras perubaten si lit i tengah-tengahndu? Si e
rehna i bas kerincuhenndu nandangi kesenangen, si la erngadi-ngadi erperang i
bas dirindu.
4:2 Mengga
atendu, tapi la idatndu, e maka munuh kam. Lit sura-surandu, tapi la seh, e
maka erjengil ras rubat kam. La idatndu si isura-surakenndu perbahan la
ipindondu man Dibata.
4:3 Janah adi ipindondu la idatndu, sabap erkiteken tujunndu la mehuli; kai si
ipindondu guna pesenangken dirindu saja ngenca.
4:4 O kalak si erlua-lua i bas kiniteken! La kin ietehndu maka adi erteman kam ras
doni enda, kam jadi imbang Dibata? Ise ersura-sura jadi teman doni enda,
ibahanna kap dirina jadi musuh Dibata.
4:5 Ola
iakapndu sia-sia si tersurat i bas Pustaka, "Kesah Si Badia si itamaken
Dibata i bas kita ersura-sura gelah kita setia man baNa."
4:6 Amin
bage gia belinen nge lias ate si iberekenNa asangken cemburuNa. Bagi lit
tersurat i bas Pustaka Si Badia, "Itulak Dibata nge kalak si meganjang
ukurna, tapi man kalak si meteruk ukurna iberekenNa lias ateNa."
4:7 E maka endeskenlah dirindu man Dibata. Lawanlah Iblis; kiam me Iblis e i bas
kam nari.
4:8 Rembakkenlah
dirindu ku Dibata, e maka Ia pe ngerembakken diriNa man bandu. Bersihkenlah
tanndu o kam si erdosa! Bersihkenlah ukurndu o kalak si ertupang ukur!
4:9 Erceda atelah, tangis dingen ngandunglah; jadikenlah tawandu e jadi tangis;
jadikenlah keriahenndu e jadi ndele ate!
4:10 Peteruklah
bandu i lebe-lebe Tuhan, e maka ipeganjangNa kam.
4:11 O
senina-seninangku, ola kam sipandang-pandangen. Ise mandang seninana, ntah
nalahisa, mandang dingen nalahken Undang-undang kap ia. Adi isalahkenndu
Undang-undang, ertina lanai ikutkenndu Undang-undang, tapi iadilindu
.Fakta
1. Sada
pengajaran si sangat penting ipeseh Rasul Jakobus / Jakub man kita, si seh kal
relevanna seh gundari bagepe terus ku kerina jaman. Pemena I jelaskenna ija nari reh na perjengilen
si lit I tengah tengah sada perpulungen / komunitas. Bena bena kerina
perjengilen e erkiteken lit sura sura nandangi kesenangen doni, janah sura sura
kesenangan doni enda erperang ibas pusuh kerina jelma. Mengga atendu la datndu, lit sura sura ndu la
seh. Janah la pernah ipindondu man Dibata.
Bicara ipindo pe (man Dibata) hanya si meriah ukurndu saja, (labo pernah
pindondu sura sura Dibata) dll.
2. Imunculken
Rasul Jakobus sada istilah simbaru emekap “erlua lua ibas kiniteken”. Erlua lua ibas kiniteken ertina…erteman
tah ersura sura erteman ras doni enda (mesangat kal bas dirina sura sura doni,
emaka usur pindo na man Dibata hal hal si pesenangken diri saja.
3. Itandasken
Rasul Jakobus maka “Kesah Si Badia ibereken Tuhan man manusia gelah pemindon na
man Dibata guna membuktiken ia setia man Dibata”
4. Ipindo
Rasul Jakobus gelah kerina ngerembakken dirina man Dibata, peteruk ukur ras
sikeleng kelengen sapih sapih kalak ibas sada perpulungen.
Sumber photo : https://www.youtube.com/watch?v=D-AGTh3zoN0
Makna
1. Perjingelen
tah pe konflik muncul melala kal sura sura pesenang
senangken diri. La dat sura sura e, la she
pemindon e jenari segat atena kalak sideban, segat atena keluarga pe turang perubaten,
turah perjingelen turah pe peperangan.
Jadi sumber kerina masalah emekap bas pusuh kerina jelma nari. Segat kal ateku pertawa ndu, segata ateku
pengerana ndu, segat ateku cara ndu mimpin rapat, segat ateku melala ide ide
ndu… situhuna kal erkiteken lit sura sura ras lit keinginanku si la seh, si la
terpenuhi. Masalah berawal ibas aku nari
nge, ibas pusuh ku nari nge. Enda rahasia perjingelen si iungkapken Rasul Jakobus. Luar biasa.
2. Sipeduaken
kerna pemindon man Dibata. Nina Jakup, usurkel si gejapken lit pemindonta la
ipenuhi Dibata sebab pemindon ta e guna pesenang senangken diri nta saja
ngenca. Pemindonta man Dibata la menunjukkan kesetiaannta man Dibata. Hanya
untuk menyombongken diri saja, menyombongken runggunta, menyiobong sektorta,
menyombongken keluarganta, menyombong ken pribadinta. Tentu labo bagenda si isenangi Dibata. Janah adi ibereken Dibata pe, banci kita
ndabuh kubas si la payo. Emaka la ibereken
Dibata kai pemindonta e. Uga gelah pemindonta
ipenuhi Dibata? Nina Jakop, enggo itamaken
Tuhan Kesah Si Badia lako ngajari kita.
Tertulis pe enda ibas Pustaka nina Jakobus. Emaka adi si pergermetken kerina pemindon si erbahanca
kita makin setia man Tuhan pasti iberekenNA ibas waktu si pas. Indah pada waktunya.
3. Ula
kita erlua lua ibas kiniteken. Tek kita
man Dibata, tapi sura sura kegeluhennta lalan denga sura sura kerna kesenangen
doni enda. Erteman kita ras doni enda
guna ndatken sura suranta, em ikataken erlua lua ibas kiniteken. Harus kita metenget, bahwa kemajuan
teknologi, kemajuan ekonomi, kemajuan komunikasi pe gundari iarahken gelah kita
tertarik ras terpaku nandangi kerina produk doni enda. Iciptaken doni enda gaya hidup (misalna LGBT),
iciptakenna moderen simabru, mobil si
mbaru ras produk produk Kesehatan, makanan, mode, peralatan gelah kita te. rtarik
ras sura sura doni enda ngukasai kita.
Emaka harus kal usur kita pentar, tulus bagi nderapati ras cerdik bagi
nipe. Usur bersekutu ras Kesah SI Badia,
em ngenca strategy si paling jitu lako naklukken rayuan rayuan doni enda.
4. Sada
nari nina Jakup harus kita saling memaafkan, saling menghargai, saling mperdiateken
saling menolong ras senina ras turangta, lintas sector, lintas runggun, lintas
klasis, linta gereja, lintas agama, linta negara pe. Emaka perlu kal sikembangken ibas dirinta
masing masing kerendahan hati, ukur meteruk, ras menjadiken kerina kalak jadi
teman ta. Kerina kalak si banci si jumpai ibas masa kita nggeluh
tentu e temanta. Adi lit jelma enggo
mate leben maka kita lahir ku doni enda, ma labo kita banci erteman ? Tah pe mate kita lebe makai a tubuh, ma labo
banci kita erteman ras ia… emaka kerina kalak si sada jaman kita nggeluh, terlebih
pe ndeher ka rumahta ras ia, tah pe lit kemungkinen kita jumpa em kerina
teman. Aku lit sada temanku gelarna
Frank Buhllman I German (melala kam sinandai ia) ia me temanku… Ras ise pe si
banci aku jumpa tentu ia temanku. Jadilah
kita kalak Kristen, situhu tuhu pengikut Kristus si nggit erteman ras ise pe. Adi preman, kerina kalak harus mbereken sen,
mbereken uang takut man bana… Preman kalak si ndatken keuntungen ibas
perjengilen nari. Ula kal kita jadi
preman teman.
Pengkenaina
·
Ula kal kita sumber perjengilen. Ula kal kita mpesangat pejengilen . Tapi
sipepayo lah sura suranta bas nggeluh enda.
Sebab perjengilen turah erkiteken la ia senang man dirina jine. Lit sura
srana la seh, kalak sideban atena segat.
·
Setia lah man Tuhan. Kai pe pindo ndu harus bekas pengajari kesah
Si Badia, emaka pemindonndu e memperkuat kesetianndu man Tuhan.
·
Meteruk lah rukur ras rembakken usur
dirindu man Tuhan Dibata, maka Tuhan e pe ngerembakken diriNA man bandu.
Dahilah perpulungen e, dahilah PJJ, dahilah
kebaktian ngapuli e, janah kelengilah kerina kalak sideban, bage me ciri
ciri kalak setia man Tuhan. Amin.
Bujur ras mejuah juah kita kerina. I
Pt. Analgin
Ginting
Komentar