Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mahias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca siman ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Erkai Kam Jenda
GAGAL lenga bo tondel. Lit dua erti gagal. Sipemena, gagal encidahken maka cara siban kita e lenga tengteng.
Sipeduaken, gagal engkusur perukuren segelah erbahan cara sideban si tengteng.
Elia kiam perbahan mbiar man ancamen Ratu Isebel maka 1 x 24 jam pasti ibunuhna nabi TUHAN e (1 Raja-Raja 19:2).
Rempet gelap iakap Elia doni enda. Lanai beluh rukur. Pengidahna ku kematen. Gelgel e erjimpuh ia man TUHAN mindo penampat ibas kerina dampar geluhna.
Sekalenda kebiaren ndai engkuasai ia. Tempa enggo ndeher njerngem ia.
Lanai ingetna maka ia sekalak nabi si erbahan getem 850 nabi Baal/Asyera. Kerina nabi/imam pemajuh-majuh e ibunuhna.
Sempat ka pe iuru-uruina dibata Ratu Isebel (1 Raja-Raja 18:27). Gundari, engkai maka rempet kal mbiar Elia man Isebel?
Jelma pe manusia kap. Lit paksana kote. Perlu kembaren ibas ertoto gelah sitatang-tatangen. Paksa kita kote, teman sinatangsa arah pertotonna.
Polisi erpasangen ibas ngayaki ntah nangkap kalak jahat. Sisampat-sampaten ia segelah danci italuken taki pacik si jahat e.
Sumber Photo https://www.pinterest.com/
Ijem kelemahen Elia. Rukur sisada ia. Lit ndube suruh-suruhenna tapi la terandalkenna. Emaka itadingkenna i Berseba daerah Kerajan Juda (1 Raja-Raja 19:3).
La lit singingetkensa piah lupa Elia nandangi kuasa Dibata si lit ibas ia. Tapi Dibata Simada Kuasa kap, ietehNa kelemahen Elia e. Emaka ibahanna mis serpang pulah.
Kenca sie, isuruhNa Elia enjumpai sekalak perjuma sitergelar Elisa i Kuta Abil Mehola. Elisa, anak Sapat, paksa nenggala.
Asum Elia mentasi Elisa, icabinken Elia jubahna man Elisa. Iangkai Elisa erti jubah siicabinken man bana maka ibas paksana dirina gancihken Elia jadi nabi.
Emaka nina Elisa, “Mulih aku lebe ngataken mejuah-juah man bapangku ras nandeku, jenari banci kuikutken kam.” (1 Raja-Raja 19:19-20)
Cara TUHAN la ise pe metehsa. Nungkun ngenca IA niNa, “Erkai kam ijenda Elia?”
Penungkunen TUHAN alu sora simedate kal ngingetken Elia maka melala kepe dahinna si lolo.
Ia sekalak nabi, tentu mbue siman totonken. Labo medem-medem iteruh batang kayu, tah cebuni ibas gua sigelap.
Adi seh kata enda man banta wari enda. Nina TUHAN man banta, “Erkai kam ijenda…..(isi gelarta).”
Kai nge jababta? Ma siikutken nge Elia ndarat ibas gua sigelap nari? Ma lanai bo mbiar kita nandangi perbebenta?
Erguru kita nandangi Daud. Permakan si jadi Raja Israel enda pe mbelin kal perbeben geluhna. Tapi sebelin-belinna daging Goliat si 3 meter, talu ipantemmbulakkenna alu mindo pergegeh man Dibata.
“TUHAN kap gegeh dingen ampang-ampangku, man baNa aku ernalem. IA sinampati ras periah ukurku, kupuji ia alu ende-enden si meriah.” (Masmur 28:7)
Perbeben simbelin talu iban ende-enden Daud. Sicubakenlah e. Kenca rende muji Dibata, perbeben sinderpa kita ibas wari enda, dalanken saja ibas wari pepagi.
Kinatana, kenca idalani, perbeben e la semberat si lit ibas perukurenta. Em gunana ibahan Dibata wari sipepagi.
La ipengadina wari-wari ibas paksa lit perbebenta. Lalap lit serpang pulah ibahanNa. Pujilah IA rasa lalap.
Kesalahen Elia eme mbiar man ancamen Isabel. Kesalahen sipaksa sidalani kita danci kerna la pang encubaken rencananta perbahan mbiar tondel.
Siban kuan-kuanna, mbera-mbera pas siakap: jambe simbiar tondel, la pang kibul. Jambe sinjoler nge maka seh ku kudin.
Adi paksa tondel siakap, siinget Elia. Ndarat ia ibas gua nari, tatapna ku Dibata. Ingetlah, tondel pe sada dalan kap, gelah sieteh dalan mutar sideban.
Selamat beribadah, Pt Mathias Brahmana (8/5/2022)
Komentar