Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Mindo Perkuah
ERTOTO mindo perkuah. Dibata ietehNa nge keperlun anak-anakNa. Tapi mekatep lit proses siman dalanenken lako nguji kiniteken simindo e.
Ibas sekali kejadin, sekalak anak si kitik denga, ibas ingan medemna nari ndilo orangtuana. “Bapa, muas aku,” nina.
Ialoi bapana ibas kamarna nari alu ngataken, “Medemken saja, enggo mbages berngi!”
Lenga 10 menit pe, anak sikitik ndai erdilo ka mindo minem. “Setengah gelas saja bapa,” nina ka.
“Medemken saja nak!’ Nina ka bapana. Sinik anak ndai. Lima menit kenca sie, “Tuhu-tuhu muas aku,” nina ka.
Reh nina bapana, “Adi la kam tunduh, kupekpek kam kari!”
Rukur anak ndai. Piga-piga menit nari reh ka nina, “Ue bapa, adi reh kam mekpek aku, baba inemen ya.”
La mbiar anak e ipekpek erkiteken kai sipindona tuhu-tuhu iperlukenna.
Adi kita bapa anak kitik e, seh nge tanta mekpeksa? Adi kami lang! Sebalikna, janah cirem-cirem ibaba kami me inemen man anak e lako mulahi muasna.
“La kita mbiar ibas adep-adepen Dibata sabap ibegikenNa kita adi sipindo man baNa kai si sentudu ras peratenNa,” nina Johanes, murid sikelengi Tuhan Jesus bagi sinisuratken ibas 1 Johanes 5:14.
Kerna meseksek mindo lit ka pe siman contohen ibas kejadin Kuta Tirus/Sidon. Daerah e lanai wilayah Israel.
Kalak Jahudi mandang kal nandangi kalak Kanaan siringan ije. Adi bahasa si gundari enda, kalak Jahudi engkatai ia: kafir.
Reh me sekalak diberu kalak Kanaan ndahi Jesus nina, “O Tuhan, Anak Daud! Mekuah min ateNdu aku sabap anakku iseluki setan. Mekelek kal iakapna.”
Tapi sengkebabah ranan pe Jesus la ngaloi. Emaka ideheri ajar-ajarNa IA, jenari nina, “Pelawes min diberu e, sabap gejek ia arah pudinta.”
Dungna ngaloi Jesus man diberu e, “Bangsa Israel desken biri-biri si enggo lalar kap, janah Aku isuruh Dibata man guna ia ngenca.”
Minter erjimpuh diberu e i lebe-lebe Jesus, jenari nina, “O Tuhan sampati min aku!”
Ngaloi Jesus, “La patut ibuat nakan anak-anak jenari ibereken man biang.”
Sumber Photo : https://blclebanon.org/
Nina diberu e, “Tuhu Tuhan, tapi biang pe man rimah-rimah si ndabuh i bas meja tuanna nari.”
Emaka nina Jesus man bana, “Kam sekalak diberu si tuhu-tuhu tek man Dibata. Perbahan si e jadi me man bandu bagi sura-surandu.” Janah paksa si e minter malem anakna ndai. (Matius 15:21-28)
Situhuna Jesus rasiakenna kerehenNa ku kuta e. Emaka labo terang kal isuratken ibas Pustaka maka Jesus pernah ngelai kalak sideban seakatan Jahudi.
Lit penafsiren singataken kemungkinen paksa sie Jesus atena ku ingan mesuni ertoto. Ndarat ia ibas wilayah Israel nari gelah la iikuti jelma sinterem.
Kepeken ibegi pernanden e kerna kerehen Jesus emaka ipesikapna dirina. La ia mbiar-mbiar ngerana man Tuhan Jesus sabab sipindona e tuhu-tuhu iperlukenna.
Mula tangtangna la ibegiken Jesus pendilo diberu e. Tapi diberu e la surut, meseksek ipesehna segelah Jesus nampati anakna.
Murid-murid enggo ngerawai diberu e gelah lawes tapi la miser-miser. “Pelawes min diberu e, sabap gejek ia arah pudinta,” nina ajar-ajar.
Dungna ialoi Jesus diberu ndai, nina, “La patut ibuat nakan anak-anak jenari ibereken man biang.”
Erjabab diberu e, “Tuhu Tuhan, tapi biang pe man rimah-rimah si ndabuh i bas meja tuanna nari.”
Tuhu meteruk kal ukurna ibas mindo. Erjimpuh ia bagi biang nandangi tuanna simereken rimah-rimah man bana.
Kai sijadi man kalak simeteruk rukur ibas mindo alu meseksek bagi pernanden e?
“Kam sekalak diberu si tuhu-tuhu tek man Dibata. Perbahan si e jadi me man bandu bagi sura-surandu.” Janah paksa si e minter malem anakna ndai. (Matius 15:28)
Pernanden e mulana tentu labo sierkiniteken man Jesus Kristus sabab ia kalak Kanaan.
Tapi ieteh pernanden e maka Jesus perkeleng janah perkuah. La ia salah, Jesus perkeleng. Ialokenna perkuah ate Jesus bagi sinipindona. Malem anakna.
Bapanta perkuah kap. Kalak si ndube la tek man baNa pe ikelengiNa. Apai ka anak-anakNa!
La saja diberu Kanaan e ngaloken perkuah, anakna ilepasken ibas setan jahat nari; tapi kalak jahat si robah ibas nandangi pekeri-kerin kesahna i kayu silang pe ikelengiNa (Lukas 23:40-43).
Rasul Paulus ngajuk kita segelah la biar-biaren man Dibata. “Emaka marilah sideheri alu la biar-biaren man Dibata si erkuasa si dem alu lias ate. Ije sialoken perkuah ate ras lias ate gelah dat kita penampat i bas paksa si iperluken kita.” (Heber 4:16)
Ula lupa maka kita anak kap. La pernah bapanta mereken nipe adi sipindo roti.
Ula biar-biaren mindo inemen man bapanta bagi anak kitik ndai. Danci saja la minter ibere Bapanta, tapi adi kita meseksek mindo, ibas paksana tentu ngaloken perkuah ateNa.
Salam Pt Mathias Brahmana (12/5/2022)
.jpg)
Komentar