Catatan Tambahan Khotbah Minggu 29 Mei 2022

 Minggu Eksaudi : Begiken Min O Jahwe  

29  Mei   2022

Invocatio	Jeremia 42 : 3
Ogen	Johanes 5 : 1 – 9   ( Tunggal  )
Khotbah	Masmur 17 : 1 – 6   ( Responsoria )
Thema	“ Pepayo Min Aku O Tuhan  ”

 

Masmur 17 : 1 – 6

 

17:1       Pertoton Daud. O TUHAN , dengkehkenlah pemindonku kerna kinibujuren, perdiatekenlah pertotonku mindo penampat! Begikenlah pertotonku, i bas biberku nari si la lit i je penipu.

17:2       Kam me si ngerunggui kinibujurenku, sabap Kam si meteh bujur.

17:3       Ietehndu isi pusuhku. Tupung berngi ipepayoNdu aku, arah dampar si apai pe enggo aku iujiNdu, janah la lit idahNdu sura-sura si jahat i bas aku.

17:4       Aku labo jahat bagi kalak si deban; patuh aku man perentahNdu, dingen la kuikutken dalan kalak jahat.

17:5       Tetap aku erdalan arah dalanNdu, dingen la pernah nilah i jenari.

17:6       O Dibata, ertoto aku man baNdu sabap idengkehkenNdu aku; dage mulihlah Kam man bangku dengkehkenlah rananku.

Fakta (info paling penting dari Nas)

1.    Pemindon Daud. Ertoto Daud man Tuhan, gelah dengkehken Tuhan pemindon na. Ipindo Daud man Tuhan kebujuren ras penampat

2.    Pengakun Daud nandangi Tuhan. Iakui Daud bahwa Tuhan meteh si bujur, emaka Tuhan me singerunggui    kinibujuren Daud.   Ieteh Tuhan isi pusuh, janah tupung berngi ipepayo Tuhan aku, nina Daud.

3.    Sekali lagi pengakuan Daud, aku labo jahat bagi s kalak i deban, la kuikutken dalan kalak jahat.

4.    Komitmen Daud, tetap aku erdalan arah dalanNdu, dingen la pernah nilah je nari nina Daud.

Sumber photo : https://dailyverse.knowing-jesus.com

Makna Makna  atau kerugmia dari nas yang sesuai dalam segala jaman)

1.    Ibas perikop enda banci siidah ras sigejapken uga deherna Daud ras Tuhan.  Tempa Daud ras Tuhan petala tala ngerana, ibas ia ngendesken isi pusuhna ras erbahan pangakun.  Perlebe nina Daud, dengkehken min totoku Tuhan, jenari ipindo Daud man Tuhan kinibujuren ras penampat.  Kinibujuren e Tuhan empuna, bas Tuhan ngenca lit knibujuren situhu tuhuna kal. Sebab Tuhan e bujur.  Emaka adi ateta pe kerina lit kebujuren e bas dirinta, maka sipindo man Tuhan.  Kejujuran atau integritas hanya bis akita miliki dan praktekkan dalam hidup kita, kalau ada niat untuk memulikan dan meninggikan Tuhan ibas geluhta.  Manusia sideban gampang kal sibohongi, entahpe banci siban rahasia ta nandangi jelma sideban.  Tapi adi ku Tuhan la nai lit kai pe si banci buniken. La lit siterbuni man Tuhan.  Endam iakui pemasmur enda, Raja Daud. Igejapna kal labo kai pe banci bunikenna iadep adepen TUhan.  Selanjutna mindo penampat ia man Tuhan sebab risiko erbahan bujur bas doni enda she kal belinna.  Adi kita bujur bas lingkungen si la bujur, banci segat kan ate kalak nandangi kita, emaka lit rencana na si jahat nandangi kita.  Ibas si e, la lit sinampati selain Tuhanta Yesus Kristus.  Tuhan ngenca mbereken penampat ibas kita segat ate kalak erkiteken si praktekken kebujuren e.

2.    Sanga ateta erbah si bujur, banci jadi galau kita, atau lit pemikiren erbahan kompromi saja.  Ibas sie maka ipindo Daud man Tuhan gelah Tuhan si mpepayo sa.  Ibas jaman ta sigundari pe tempa kompromi langkah terbaik, langkah paling mudah dan aman.  Kompromi adi bahasa Karona erbahan si tengteng.  Tapi harus siinget, bahwa masalah si muncul ibas jamanta gundari erkiteken terlalu banyak kompromi.  Masalah kita saat ini muncul akibat kita terlalu banyak kompromi ibas waktu si lewat.  Tengteng la seri tuhu, kompromi la seri ras kolaborasi.  Kolaborasi melala konskwensina, ras cenderung melawen maka banci wujudken.  Daud berusaha untuk bujur, la ia kompromi ras ketidak benaran.  Kalak sibanci bujur ras la mbiar erbahan bujur adi Ia enggo ipapayo TUhan.  Tuhan Yesus pe tetap la nggit kompromi ras imam imam, ipertahankenna kebenaren e seh ia isalibken.  Kita pe kerina labo lit kebiarenta erbahan sibujur adi nggejapkel kita Tuhan si mpepayosa kita.  Mbereken persepuluhen misalna, enda harus sidalanken alu prinsip kebujuren ndai, labo kompromi.  Mesera memang, emaka kerina kita erpala pala gelah ngasup kita erbahan sibujur. 

3.    Daud pe berusaha kal ia lalap erdalan ibas dalan si ngena ate Tuhan, kuikutken  ateku dalanNDU nina erjanji man Tuhan.  Apakah lanai banci Daud celus ? Pasti banci dengan celus.  Melala kal tragedi si ialami Daud ibas keluargana. Anak na sibunuhen, anakna mperkosa turang na.  Tapi kelebihen Daud, sanga ia erdosa e pe pang ia ngadap Tuhan ras mindo maaf ras ampun man Tuhan.  Emaka kita pe, ula sitimai sempurna lebe siakap bantam aka kita nggit ngelai Tuhan.  Si penting lit janji ras upaya ta.  Tapia di celus pe kita  labo man kemelanken.  Petrus pe sempat ia mersoken Tuhan Yesus telu kali, tapi mis ia sadar jenari mindo ampun ya man TUhan. 

Sumber https://www.youtube.com/watch?v=gQsQUAj3yOQ&t=34s

Pengkenaina/Target   Prioritas ,

(Peuamahaman minimal yang harus didapat jemaat setelah mendengar Firman yang dikhotbahkan)

1.      Dahilah Tuhan ibas waktu berngi, janah pindo man Tuhan gelah Ia simpepayo kam, maka mis kal kita ipepayoNA. Belajar ras berusaha mbegiken sora Tuhan, gelah alu bage kita pe kerina banci dialog ras Tuhan, ngerana tah bercakap cakap ras Tuhan.  TUhan ta arah Kesah Si Badia, perkuah kal, melemuk kal, tapi pe erpemegi kal.  Pusuhndu saja pe ngerana ibegiNA.  Emaka pindolah Tuhan mpepayo kita.

2.      Ula mbiar erbahan kebujuen, mindo penampat man Tuhan.  Kinibujuren si lakokenin erkiteken perlu kin kal bas geluhta enda.  Adi la kita bujur la lit kemalemen ate.  Pesta Anggur.  TUhan simpegegehi kita ibas kita erbahan si bujur.

3.      Ula pedekah dekah adi lit pemindon gereja man kita lako ipilih jadi pengurus, panitia tah pe jadi serayan. Ula si tolak erkiteken siakap banta la nga ngasup. Langa sempurna. Daud pe labo sempurna aminna kai pe nggit ida ndalankensa adi Tuhan si ersuruh. Emaka  labo ia ipilih TUhan mbangun Bait Allah/ Rumah Pertoton, tapi anakna Salomo.  Memang sangap kal kerina kalak siipilih Tuhan ikut mbangun gereja. Kam pe, aku pe sangap kal kita adi ikut kita mbagun gerejanta enda. Emaka mari, si suksesken ula si tanggungi, gasss poll nina anak muda  Geluhta si persembhaken guna kemulian Tuhanta. Pujilah Tuhan. Amin.

 

Bujur Ras mejuah juah kita kerina  

Pt Analgin Ginting