Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mahias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca siman ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Iparap Malekat
SOMBONG pe mate nge. Kerina jelma kai pe profesina ibas sada paksa pasti mate. Isebel sibage kal erkuasana i Kerajan Israel, belinen kuasana asa perbulangenna Ahab si jadi raja; e pe mate kang.
Kalak sombong mesera kal iakapna nangtangi keganjangen ukur, em tanda ersibar gegehna. SinepaSa ngenca dorek nampatisa arah Kesah Sibadia sabab keganjangen ukur e enggo jadi berhala ibas dirina.
Emaka gia kesah e enggo i duru embang kematen, kalak simeganjang rukur tetap denga nge jurgak bagi pengelako Isebel.
“Icelakna matana, ersuri ia, jenari tedis deherken jendela istana, janahna natap ku dalan i teruh.” (2 Raja-Raja 9:30)
I teruh jendela istana e tedis Jehu, puanglima Israel simberontak. Jehu enggo munuh Joram, anak Isebel, sipaksa e jadi Raja Israel gantiken Ahab, bapana. Ahab mate waktu erperang ras tentera Siria (2 Raja-Raja 9:24; 1 Raja-Raja 22:31-38)
Tapi pengerana Isebel bagi kalak simada kuasa denga. “O, Simri! O pembunuh tuanna! Erkai kam ku jenda?” nina man Jehu.
Gelar Simri e sipersingeti Isebel gelah Jehu rukur maka kegeluhenna pe kari bage kang. Simri munuh raja Ela, mis erbalas Omri, bengkila Isebel. Mate Simri.
Iumputi Jehu ancamen Isebel alu sora megang natap ku datas jendela, “Ise si arah aku?”
Dua ibas telu kalak sinemani Isebel ibas loteng e nare ku teruh. Nina Jehu man kalak si dua e, “Sampetken ia ku teruh!”
Sumber Photo : https://www.pinterest.com/
Isampetken kalak ndai Isebel ku teruh, emaka marpar darehna ngkenai tembok ras kuda. Mait Isebel iperjaki kuda Jehu.
Bengket Jehu ku istana, jenari man ras minem ia ije. Kenca elah man nina, “Angkat diberu si kebilangen e, kuburkenlah, sabab anak raja kap ia.”
Tapi kai pe lanai lit idapeti kalak siatena ngkuburken ndai, seakatan takal-takalna, tulan-tulan tanna ras nahena nari ngenca.
Nina Jehu kerna kejadin sinialoken Isebel e, “Kai sijadi genduari, payo kal bagi si enggo ikataken TUHAN arah suruh-suruhenna Elia: ipangani biang me mait Isebel i daerah Jesreel. Tading maitna merap desken kotoren rubia-rubia, seh maka ise pe lanai sinandaisa.” (2 Raja-Raja 9:31-37)
Bagem perpatena Isebel si meganjang rukur. Kai siteridah man banta kerna kegeluhen Isebel si majuh-majuh berhala Asyera e?
Mesin giling-giling batu TUHAN meletlet kal perdalanna. Sabar kal TUHAN e nimai Isebel robah.
Ertima TUHAN gedang-gedang wari segelah iusekenna keganjangen ukurna, lanai erbahan si jahat.
Nabi Elia mbiar kal man Isebel. Sempat pe ia lompat berteng janah iakapna padin ia mate saja sabab Dibata lalap la ngukum Isebel.
Enterem kalak la saber nandangi persaber TUHAN. Raja Salomo pe morah kal atena nandangi kesabaren TUHAN sebab enggo latih iakapna nimaisa tapi la reh-reh ukumen man kalak jahat.
“Engkai maka bage kal iakap kalak murahna erbahan jahat? Sababna eme erkiteken kejahaten la minter iukum.” (Pengerana 8:11)
La sieteh asa ndigan Dibata ersaber ate. Enggo iberene pasu-pasu simbelin man Sodom ras Gomora. Tapi kalak si ringan ije, kalak simeganjang rukur, riahen ka pe akapna erecebah ibas simelket. Ipenusur Dibata kertah api.
Lut ras anakna sidiberu ngenca selamat. Ndeharana jadi tiang sira. Anakna sidiberu epe pagi erbahan si melket bagi pergeluh kalak Sodom ras Gomora nandangi Lut. Ipemabukna bapana ras ipejabuina (Kejadin 19)
Ibas Perjanjin Baru pe lit icidahken sada contoh keganjangen rukur kite-kite dalan ku kematen.
Ibas sada wari si enggo itetapken Herodes, ipake Herodes paken kerajanna, janah kundul ia i kursi kinirajanna. Jenari ngerana ia.
Kalak sinterem ersurak-surak nina, “Labo manusia singerana enda, tapi sekalak dibata kap.”
Minter iparap malekat TUHAN si Herodes, sabab iperajangna kemulian siarusna ibereken man Dibata. Berngan ia, jenari mate.
Herodes ngaloken pendilo rayatna maka ia dibata. Iparap malekat, ndabuh sakit mekelek, berngan pe dagingna seh mate. Perbahanen Rasul-Rasul 12:21-23)
Enterem kalak mbandingken dirina maka pengelakona labo bagi Isebel ntah pe Herodes. Kuta siinganina pe lenga bo semelket Sodom ras Gomora, gia enggo melala dilaki ras dilaki derjabu, bage ka pe diberu ras diberu.
Erjaga-jagalah, ula mekeng. Bage reh belas-belas Tuhan, “enggo bias”, lanai lit dalan pulah.
Adi lit kalak erpengakap maka Dibata pasti mere serpang pulah man bana ibas paksana, emaka gundari pekeri saja, kalak sibage enggo kecandun, konseling lah!
Salam Pt Mathias Brahmana (9/5/2022)
.jpg)
Komentar