Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mahias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca siman ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha. Karena nora dan tiga putri yang diberikan Tuhan perempuan semua. Tentu dia lah yang paling ganteng. CKR ....hahahaha.
SoraNa Medate
MEKUAH ateta man dirinta peturah ate mesui. Sikitik ipegalang-galang piah erdandan keguluten sierbahan tangis teriluh.
Ibas ujungna perukuren sibage lanai iakapna dalih ilegi kematen bagi siterjadi man Nabi Elia. “Enggo me TUHAN, buatlah kesahku; madin me aku mate!” nina Elia ertoto (1 Raja-Raja 19:4)
Gulut kal ukur Elia seh terpedem iteruh batang kayu. Reh sekalak malekat ngkuit ia janah isuruhna man (sabab ibas sada wari erdalan ndai la lit kai pe ipanna).
Ipernehen Elia ku sekelewetna, idahna sengkibul roti ras sada guci lau deherken takalna. Man ras minem ia, jenari ipedemkenna ka mulihi.
Reh ka mulihken malekat TUHAN ndai, iingetina Elia peduakaliken nina, “Kekeken Elia, manken. Adi lang, la kam kari ngasup erdalan ndauh.”
Keke Elia, emaka man ras minem ia. Pangan e mereken gegeh cukup man bana lako erdalan 40 wari 40 berngi ku Deleng Sinai, deleng sibadia.
Idas deleng e ibengketina sada gua, janah ije me ia erberngi. Rempet reh kata TUHAN man bana nina, “Erkai kam ijenda, Elia?”
Sumber photo : https://id.pinterest.com/
Ngaloi Elia, “TUHAN Dibata si Mada Kuasa, man banNdu, man banNdu saja ngenca aku tetap ersembah. Tapi Bangsa Israel enggo ngelanggar perpadanenna ras Kam; iruntuhkenna batar-batarNdu. Aku nari ngenca tading, janah aku pe ibunuhna atena.” (1 Raja-Raja 19:5-10)
Kekelengen Dibata la ersibar. Dibata reh ibas ingan simeganjang nari njumpai Elia si lit ibas paksa kote kiniteken bage pe daging kula.
Ise kin Elia maka la saja malekat reh naruhken roti ras inemen man bana, tapi Dibata pe ndahi ras perkuanken ia.
Andiko sangapna Elia banci erkuan ras Dibata. Kata-kata sipeseh Dibata pe erbahan malem kal atena, “Erkai kam ijenda, Elia?”
Dibata reh labo lako nalahken Elia bagi rusur perbahanen manusia sapih-sapih ia. “Hei anakku, meteh mela min kam. Isebel, sekalak diberu perdewal-dewal pe la terlawanndu. Ija Tuhan siitekindu e, ija… ija.”
La bage TUHAN ngerana. “Erkai kam ijenda, Elia?” Sora simedate e mabai Elia ergegeh, ndarat ibas gua nari, tedis i tampuk deleng lako petala-tala ras Dibata.
Kenca bage mentas TUHAN, ibahanNa rembus angin kaba-kaba seh maka erbelah ibahanna uruk-uruk, janah batu irimpukkenna. Tapi TUHAN la lit ibas angin e. Ngadi angin ndai rembus, jenari jadi me linur.
Kenca ngadi linur ndai gurlah api, tapi TUHAN la lit ibas api e. Kenca nimpet api lit sora medate bagi sora erkusik.
Kenca ibegi Elia sora e, itutupina ayona alu jubahna jenari ndarat ia, janah tedis ibas babah gua e. Ije terbegi sora ngerana man bana nina, “Erkai kam ijenda, Elia?”
Angin kaba-kaba merimpuk ibahanna batu, linur siayak-ayaken, api sigurlah, Elia itengah-tengah; la merimpuk ban angin, la tertutung ban linur ras la meseng pe jubahna ibahan api.
Ibas si telu e; angin, linur, api, la lit ije Dibata. Simada Kuasa e encidahken baNa arah sora simedate.
Sora simedate ndai mabai Elia ndarat ibas penjara perukurenna sigetem dingen gulut.
Icidahken Dibata pe bana maka TUHAN banci pereh angin kaba-kaba sierbahan batu pecahen, linur, ras api. Gegehen kin daging Isebel asa batu e?
Elia nginget uga belinna kuasa TUHAN, janah ia ngidah sendiri kalak mate ipegeluh, pangan diberu balu-balu Sarfat la kekurangen, dibata Baal la kemekik.
Maun kita pe bagi Elia enda. Lit paksana kote. Nalahken kelebihen kalak, nalahken kekurangen diri sendiri. Ndarat lah ibas gua sigelap e nari bagi sinilakoken Elia.
Idarat gua e ertima Dibata. Pegejapken sorana simedate reh bagi angin sierkusik.
Sora simedate e mekatep kal reh ku pusuhta, erkusik, tapi la siertiken. Sora e bene itelen peraten rubia sigejek ibas pusuhta.
Sora singa simaksa kita ngayaki kuasa ras jabaten; sora nipe sabah sinelen segalang-galangna rubia; sora perik Merak simeganjang rukur. Sie kerina ibas paksana maba keguluten.
“Manjar-anjar kam rukur, sabab perukurendu kap simabai kegeluhenndu.” (Kuan-Kuanen 3:23)
Salam Pt Mathias Brahmana (7/5/2022)
.jpg)
Komentar