Siman Ukuren , 6 Mei 2022. Bagi Teh Celup

Pengantar 

Mathias Berahmana adalah seorang pertua yang melayani di Rgn  Karawaci Tangerang.  Dia berprofesi sebagai wartawan yang sangat profesional, dan bekerja di Media Indonesia hingga  menjabat  sebagai redaktur senior.  Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.   

Setelah Pensiun dari Media Indoensia Grup Pt Mahias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain.  Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.  

Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama.  Ditulis dalam bahasa yang sangat renyah mengalir, sehingga  begitu kita mulai baca, tidak bisa berhenti sampai akhir.  Bahkan ada semacam perasaan berdosa jika tidak menyelesaikan membaca tulisan ini.  Hahahahahha.  Membaca tulisan "Siman Ukuren" membuat kita merenung dalam dalam akan makna terpenting kehidupan ini.  

Namun yang paling istimewa adalah, tulisan ini disajikan dalam Bahasa Karo full.  Bukan Bahasa Karo campur campur, apalagi campur sari.  Sehingga membaca siman ukuren akan terasa sekali nuansa turi turin Karo nya.  Bagi generasi muda, membaca  Siman Ukuren bisa dijadiken evaluasi seberapa mampu kam berbahasa karo.  Maka bacalah, simak lah, dan refleksikan lah semua tulisan dari pertua yang ganteng ini.  Pertua ini ganteng, bahkan paling ganteng di rumahnya.  hahahahha.  Karena nora dan tiga putri yang diberikan Tuhan perempuan semua.  Tentu dia lah yang paling ganteng.  CKR ....hahahaha.  

Bagi Teh Celup 

ENGKAI Nabi Elia mbiar man Isebel? Mbiarna pe man kebiaren. Perban mbiarna, la ia ngadi-ngadi erdalan.

Ibentasina baleng Kerajan Utara/Israel/Samaria inganna ngelai seh ku Kerajan Selatan/Juda/Jerusalem. 

Ije itadingkenna suruh-suruhenna, terus ka ia erdalan ku daerah Berseba eme tampuk wilayah Kerajan Juda.  

“Elia lawes sisada ku taneh si melenget sada wari perdalanen dauhna. Dungna seh ia ku sada batang kayu, emaka kundul ia cicio ije. Madin iakapna ia mate ije emaka ertoto ia: enggo me TUHAN, buatlah kesahku; madin me aku mate!” (1 Raja-Raja 19:4)

Kereta api megegeh kepe ibas rel ngenca. Bage ndarat ibas dalanna e nari, mbulak me ku taneh. Suruh-suruhen Tuhan sierkotbah 6-8 kali ibas sada wari Minggu e, alu tema siberbeda, tentu danci igejapkenna kai siterjadi man Elia.

Suruh-suruhen Tuhan situtus atena ngelai tentu la iakapna bias pesikap kotbahna ibas sada wari. Apai ka reh pemindon ibas gereja sideban nari alu tema siberbeda.  

Sumber photo : https://aceh.tribunnews.com/

Enem seh waluh ingan man pesehenken Kata Tuhan ibas sada wari Minggu. Kotbah siperpudi enggo me iakapna seh ku ujung gegeh. Wari Senen tergejap kal perkotena daging kula. 

Ibas wari Senen e, adi iganggu kin waktu suruh-suruhen Tuhan e pekesahken, danci nangkih sorana. 

Alu jagar-jagar bagenda kira-kira. Bagi perkote kereta api sindarat ibas rel nari, bage ka mon perkote serayan Tuhan ibas wari Senen. 

Adi ibas wari Senen lit guru sibaso ermangmang nandangi serayan e, banci nge mbulak, bagi Elia. “Enggo me TUHAN, buatlah kesahku; madin me aku mate!” nina Elia. 

Tentuna labo sada dua minggu ngenca   perdalanen adu kuasa TUHAN ras 850 nabi Baal/imam Asyera i Deleng Karmel.

Wari pemena, Nabi Elia peseh tenah man Raja Ahab lako mbuktiken Dibata situhu-tuhu. Runggu ka me raja, pesehna tenah man nabi-nabi ras imam-imam sebelang-belang kerajan. 

Paksa sie lenga lit taksi. Emaka erbulan-bulan nge maka jadi perjumpan i Deleng Karmel. Ibas kelang-kelang sope adu kuasa e tentu melala ka nge kejadin singguluti Elia.  

Gendek ranan, kerina keguluten imenangken Elia, ibunuhina me nabi ras imam berhala ndai. Siterakhir, iujungi Elia lego 3,5 tahun alu udan meder. 

Kelatihen erbulan-bulan la sea-sea. Kemenangen simbelin man Elia. Ula lupa maka kemenangen simbelin mekatep mabai ku pengakap maka dahin enggo erkedungen, ipekeri waktu guna pekesahken. 

Kepeken lit denga perubaten siimbangna tergegehen asa siperlebe eme Ratu Isebel. 

Isebel eme anak Etbaal, Raja Sidon, guru mbelin kalak Kanaan. Isebel majuh-majuh dibatana alu iarakken imam Asyera. 

Asyera eme dewa kalak Tirus siigelari pe nande Baal. Kerina imam Asyera si 450 rikut pe 400 nabi Baal enggo ibunuhi Elia. Ban sie la langlang rawana Isebel.

Reh me ancamen Isebel man Elia nina, “Ibas paksa sigenduari e ka pagi, adi la kam mate kubunuh bagi pemunuhndu nabi-nabi e, ibunuh dibata gia aku.” (1 Raja-Raja 19:2) 

Ibas paksa kote daging, urak semangat ras motivasi, reh ancamen. Lanai ergegeh pertahanen. Sengget tendi, reh kebiaren. Sinanami Elia e pe mekatep nderpa kita.  

Piga-piga kali nangkihi Deleng Sibayak ibas tahun 1980-en ras siterakhir 2019. Meriah kal ukur seh ku puncak deleng alu naluken erbage perbeben segedang dalan. 

Seh ku ingan simeganjangna. Lanai lit siman talunken, lupa lit denga kepe dampar sideban eme dalan mulih. Nusur ngite-ngite lingling pe sada tantangen simbelin. Dalan medalit. Adi mekarus banci ndabuh ku embang. 

Sekalak nabi ntah imam la oratna ngadi erkiteken perukuren enggo menang. Ban sie lanai ersikap meseksek erkiteken pengakap meganjang jam terbang. 

Apai ka adi perayakenna enggo ngayaki ketenangen nggeluh; nandangi reh me serangen balik.    

Sinerangsa diberu si mada kuasa, seh kal jilena, mon ntah perban susukna; danci kang perban tuhu-tuhu merupa kin. 

Melala suruh-suruhen Tuhan ndabuh perban diberu mejile ntah sebalikna perban dilaki simerupa. 

Sijelas, ibas sejarah Kerajan Utara/Israel/Samaria, gelar permaisuri sitersurat, Isebel ngenca, nuduhken maka ia diberu siterberita, siberbeda ras nande-nande kerajan sope ia.   

Salah sada Siman Ukuren kerna situasi sipaksa siidalani Elia eme sekalak nabi arus tetap latihen kiniteken kenca ngaloken kemenangen.

La lit waktu pekesahken man sekalak nabi sabab kesahna ras gegehna la pernah iuraki Dibata. 

Labo suruh-suruhen Tuhan ngenca, kerina anak-anak Dibata pe ula lolah ibas kiniteken sabab siman lawanen labo Isebel selaku manusia ngenca tapi penguasa si la teridah, kuasa doni si gelap, ras kesah si jahat ibas ingan si meganjang (Epesus 6:12). 

Kegeluhen bagi teh celup, labo sieteh seh uga perkelatna adi la kin tamaken ku lau las. “Perban kam mbernge, melas pe lang, mbergeh pe lang, Kuutahken kam ibas babahKu nari,” nina Tuhan ibas Ketangkasen 3:16.

Kalak simbernge kinitekenna iutahken Dibata. Silanglangna la lit gegeh Dibata ibas ia. Bagem perdabuh Elia, mbernge kenca kemenangen.

Engkai maka ia mbiar man ancamen Isebel adi ia sekalak nabi sikelengi Tuhan, sienggo naluken 850 nabi/imam Baal. 

Sierdahin ibas Peken Anggur Tuhan arus rusur ingetna maka dirina bagi sen Rp100 ribu. Idedeh-dedeh pe tetap regana Rp100 ribu; itamaken ku kubangen pe tetap regana Rp100 ribu. 

Elia la ingetna maka ia sen Rp100 ribu tapi banna regana Rp500. Ban sie lanai iakapna ia lako itukurken guna sada bonbon pe. 

Ratusen nabi talu ibanna tapi sada diberu la terlawanna. Andiko kal Elia. Dungna tertunduh Elia ndai iteruh batang kayu (1 Raja-Raja 19:5).  

Kai sijadi ibas ia tunduh e? Siorati terdauhen ibas Siman Ukuren wari si reh.  

Salam Pt Mathias Brahmana (6/5/2022)