Khotbah : Matius 6 : 16 – 18
Ertoto Ras Puasa
6:16 Adi
erpuasa kam, ola peberjut-berjut ayondu bagi kalak pekulah-kulah. Kalak
pekulah-kulah iperberjut-berjutna ayona bagi kalak melihe, gelah ieteh kalak ia
erpuasa. Inget! Ia lanai ngaloken upah i bas Dibata nari.
6:17 Tapi
adi erpuasa kam, erduhaplah jenari suri bukndu,
6:18 gelah
la ieteh kalak kam erpuasa. Tapi Bapandu si ngidah perbahanenndu e, Ia nge si
mereken upahndu..
Fakta
1. Penulis
kitab Matius menuliskan pedah Tuhan Jesus kerna erpuasa. “Adi erpuasa kam, ula peberjut berjut ayondu
bagi kalak pekulah kulah,” nina Tuhan Jesus.
Itambahi Tuhan Jesus penjelasanNa, “kalak pekulah kulah
iperberjut-berjutna ayona bagi kalak melihe, gelah ieteh kalak ia erpuasa. Ia
lanai ngaloken upah bas Dibata nari”, nina Tuhan Jesus alu tegas.
2. Cara
si benar ras payo erpuasa emekap, erduhap lah janah suri buk, gelah la ieteh
kalak kam erpuasa. Tapi Bapa I Surga
ngidah perbahanenndu e, IA simereken upah kalak sierpuasa alu benar.
Sumber photo : https://www.bicf.org/scripture-references/
Makna
1. Sejak
jaman perjanjian lama, enggo melala kal sibegi turi turin kerna puasa. Ibas kitab Juna (Junus) kerina penduduk
Niniwe termasuk ras rubia rubia na pe ikut erpuasa, emaka dungna mekuah ate
Dibata. Sanga anakna sakit mekelek Raja Daud
erpuasa, Sanga Musa I datas Deleng Sinai, ia erpuasa, Ester pe erpuasa. Bas
Kitab Perjanjian Baru pe ijelasken Tuhan Yesus sendiri pe bahwa IA erpuasa 40 wari 40 berngi, la man, la minem I gurun
pasir. Jadi isiidah kal maka inisiatif erpuasa
reh ibas Tuhan nari. Janah tujuan
erpuasa pe emekap gelah fokus ku Tuhan saja, erpuasa
pe mempunyai tujuan gelah er rembakna ras Dibata. Jadi erpuasa labo guna manusia, labo
inisiatif manusia janah labo ka tujuan erpuasa gelah , ndat kinihagaan bas manusia
nari.
Kerina kalak Kristen harus mengetahui secara lebih jelas dasar ras tujuan
erpuasa enda. Jadi erpuasa la banci
idalanken alu pekulah kulah. Erpuasa
harus total konsentrasi man Tuhan saja, lanai liaptt sura sura na tah motif
motif sideban ; Erpuasa tujuanna gelah terjalin hubungan si lebih dekat ras
TUHAN. Jadi la banci pekulah kulah,
sebab kalak sipekulah kulah la focus ku Tuhan, pikirkenna kal pandangan kalak si
deban kerja ia. Kalak sierpuasa pe la kata-katakenna
man kalak sideban bahwa ia sangana melihe atau peberjut berjutna bana, gelah
ieteh kala kia sangana erpuasa. Jadi
erpuasa man kalak Kristen harus
irahasiaken ibas kalak sideban nari,
sangana ia erpuasa ia ngenca ngetehsa ras Tuhan. Emaka man kalak si erpuasa ibereken Tuhan
upahna. Amin ?
2. Kalak
Kristen si erpuasa harus teridah ia ermeriah ukur, labo pura purasedih tah
sangana gulut tangkelenna, hahahahah, tapi
teridah ia sangat optimis, erduhap ia, ersuri ia alu mejile, pakaina ka tancho
na, tah pe minak rambutan. Ija nari
dasar na ermeriah ukur sanga erpuasa?
Jawabna simple ras sederhana kal.
Sanga sekalak erpuasa, ia focus ku TUhan saja, janah tentu saja Tuhan
ndeher kal ras ia. Sangana si gejapken Tuhan
ndeher ku kita, tentu lit sukacita bas kita.
Sebab Tuhan simada kuasa, ras IA me ulu kerina kesangapan bas geluh.
3. Puasa
erat kal hubunganna ras ertoto. Janah ertoto siidasari alu puasa, megegehlah pertoton
e. Puasa erbahanca kita focus ras ndeheer
ras Tuhan, janah ertoto kita ercakap cakap ras Tuhan. Erpuasa ras ertoto, ertina na rembak ka ras
Tuhan, ercakap cakap ka Ras Tuha. Woooow
Adi ndeher Tuhan e, terida kuasaNA, janah nggit ka IA cakap cakap ras kita (kalak si erpuasa ras
ertoto) tentu mis kal begiken Tuhan pertotonta e.
Pengkenaina
·
Kita kalak Kristen pe iajuk gelah
ikut erpuasa, jadi erpuasa labo ku sada agama sideban saja, termasuk kita kalak
Kristen perlu kal erpuasa. Terlebih adi isangana lita masalah sinihadapi kita. Maka ertoto ras erpuasalah man Tuhan Jesus
saja. Tentu misa kal kita isampatiNa.
·
Labo perlu kal ieteh kalak kam sangana
erpuasa, emaka ula pekulah kulah. Ula
kita sakit, ula kita merangap, ula kita ajimumpung, tetapi tetap kita erpuasa sue ras dorongan si
lit bas dirinta masing masing. Erduhap
kita, mehuli peruis ta, sikap persurita.
Gelah la idah kalak kita tempa tempa melihe.
·
Ertoto ras erpuasa dua kombinasi si seh
kal gegehna. Tapi ula pekulah kulah. Nina Tuhan Jesus, kalak si ertoto ras erpuasa
alu tutus ras mehuli, maka ibereken BapaKu upahna. Lita kepe upah na adi kita erpuasa.
Emaka ertotolah ras erpuasalah.
Amin.
Bujur ras mejuah juah kita kerina.
Pt. Analgin
Ginting
Komentar