Hari 1
Khotbah : Matius 6 : 5 - 15
Pengajaren Kerna Ertoto
6:5 "Adi
ertoto kam, ola bagi kalak si pekulah-kulah. Kalak si pekulah-kulah e megati
tedis ertoto i rumah-rumah pertoton bage pe i simpang-simpang gelah iidah
kalak. Inget! Ia lanai ngaloken upah i bas Dibata nari.
6:6 Tapi
adi ertoto atendu, bengketlah ku bas kamarndu, eruk pintun jenari ertotolah man
Dibata si la iidah e. Dibata si ngidah perbahanenndu e mereken upah man bandu.
6:7 Bage
pe adi ertoto kam ola mulih-ulih bagi kalak si la nandai Tuhan. Ia erpengakap
maka adi gedang pertotonna ibegiken Dibata kap.
6:8 Tapi
kam, ola bage. Sabap ope denga ipindondu, enggo leben ieteh Bapandu kai si
iperlukenndu.
6:9 Dage,
bagendalah nindu ertoto, O Bapa kami si ni Surga. GelarNdu ipebadia min;
6:10 reh
min KinirajanNdu; sehlah min peratenNdu, i bas doni enda bagi ni Surga.
6:11 Bereken
min man kami nakan cukup i bas wari si sendah enda.
6:12 Alemi
min salah kami bagi nialemi kami salah kalak kempak kami.
6:13 Ola
min kami ibaba Kam kubas percuban, tapi olangilah kami idur si ilat nari.
[Sabap Kam kap si mada Kinirajan, ras kuasa, ras kemulian si ndekah-ndekahna.
Amin.]
6:14 Adi
ialemindu salah kalak, salahndu pe ialemi Bapandu si i Surga ka nge.
6:15 Tapi
adi la ialemindu salah kalak, salahndu pe la ialemi Bapandu.'
Fakta
1. Jesus
ngajari murid murid NA kerna ertoto. Sipemena
na kal itekanken Tuhan Jesus, Ertoto ula pekulah kulah. Ula gelah idah kalak mehuli ta rajin ertoto,
tapi situhuna pertoton e la she ku Tuhan Dibata.
2. Ertoto
la perlu idah kalak, tapi si pentingna kal iidah TUhan Dibata. Emaka masuk ku kamar, kunci, erjimpuh dengan
tulus man Tuhan. La perlu idah kalak.
3. Pertoto
Tuhan si ajarken Tuhan Yesus, lit telu bagin.
a. Jelas
ku ise itujuken Toto e, emekap ku Bapa Sini SUrga.
b. Nehken
pemindon, mindo pangan sada wari ras pe mindo pengalemi salah man Tuhan, alu
komitmen ngampuni salah kalak man kita.
c. MIndo
penegu negu TUhan, gelah ola papak bas geluh enda, tep tep wari,
Sumber photo : https://www.rutherfordtonchurchofchrist.com/
Makna
1. Ide
sipertama maka manusia perlu ertoto reh bas Tuhan nari. Emaka kalak si ertoto harus sadar bahwa sinuruh
kam ertoto e emekap Tuhan DIbata arah Kesah Sibadia. Manusia si erdosa la lit niat ertoto. Kalak doni enda kebanyakan labo ertoto lebe
maka man, sebab la lit bage penuruh
kalak doni. SInuruh manusia ertoto,
emekap DIbata nge. Emaka adi Dibata
sinuruh kita ertoto, maka ku IA ras bagi sin gena ateNA lah kita ertoto. Ula
pekulah kulah, ula gelah ndatken pujin manusia maka kam ertoto. Tapi ertoto harus seh Ku Dibata, bagi
pertoton siajarken TUhan Yesus.
2. Adi
Tuhan nge sumber kerina niat ras sura
sura ertoto, maka bagi saran Tuhan nge
siban cara ras sikapta ertoto. Masuk ku
kamarndu eruk pintun jenari ertoto ku Bapa I Surga nina Tuhan Yesus. Ertina bage me caranta ras sikapta
ertoto. La perlu ieteh kalak, sipenting
Tuhan idahNA ras ibegiNA kan ertoto. Janah
la perlu mela adi ipindo kita maba pertoton, aloken ras totoken. Ula kam mela, ula ka banding bandingkenndu
cara ras keterampilan ndu ertoto ras ise
pe. Sipenting totoken alu tutus, Kesah
Sibadia si ngajari kam ibas memilih kata kata siibelasken. Ula mela, ula mbiar,
ula nulak adi ipindo kam mabai pertoto.. Amin
Pengkenaina
·
Penuruh Tuhan kap kita ertoto. Emaka
adi si tolak mabai pertoton, kepeken
TUhan kap sitolak kita e. Adi mela kita
ertoto, bererti ku Tuhan kita mela. Uga
maka kita nggit mela ku Tuhan, adi kade ta pe ietehNa nge. Sipayona ertoto lah rusur, rajinlah berdoa, dan jadiken ertoto e jadi
biakndu.
·
Ertoto labo gelah dat pujin bas jelma
nari. Emaka labo perlu ertoto I simpang
simpang, tah simpang 6 tah simpag 4 tah simpang Tiga Binanga. Ertoto ilakoken alu tutus, khusuk ku Bapa I SUrga. Masuk ku kamar, ula begi ise pe, ije me kita
ertoto.
·
Rajin ertoto ertina kita lalap
ngerana ras Dibata, kita lalap erkesah ibas kegeluhenta. Kalak si malas ertoto
situhuna enggo ia bene, ibas adep adepen Tuhan nari. Tapi kalak si rajin, ia tetap lit ibas
pantauan Tuhan Dibata nari, emaka uga pe kecibal geluhna ieteh Tuhan. Tentu Tuhan nampati ia adi lit masalah tah
perbebenna nggeluh. Emaka adi bage gejapkenlah
upahndu ibas kan ertoto e. Amin.
Bujur ras mejuah juah kita kerina.
Pt. Analgin
Ginting
.jpg)
Komentar