Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Pertoton Bagi Radar
PENGAJAREN Jesus Kristus kerna ertoto bagi anak kitik reh ku bapana. Ideherina alu meriah ukur, sehkenna pemindonna.
Nina Jesus, “Ingetlah! Adi la kin kam tuhu-tuhu robah dingen bali ras danak-danak, asa ndigan pe kam labo banci bengket ku bas Kinirajan Surga.” (Matius 18:3)
Pintun surga terbuka man danak-danak. Adi la kin bagi danak-danak, nina Jesus, asa ndigan pe pintun surga la ibuka man kalak e.
Danak-danak siitandai kami la ibanbanna sorana ibas ertoto. Nai, tep-tep lit kesempaten ngelegi danak-danak ku sekolah, minter teridah keriahen ukurna.
“Horeee… ayah yang jemput. Es krim!!” ersurak ia. Lompat-lompat ia. Kenca es krim, reh pemindonna erbage-bage.
Sumber photo : https://insightsfromtom.com/
“Bisa gak temanku ikut mobil kita? Mamanya enggak bisa jemput! Setelah itu kita jajan ya ayah. Aku mau coklat… permen ini… mau itu… Di situ juga dijual kok kue kesukaan ayah.”
Melala kal pemindon beru biring e tapi ibelaskenna ka maka ibas ingan e pe lit ka nge pangan sintabeh siakap.
La Tersilahi
Ialo-alo kerina pemindonna alu cirem. Kerina sibelasken anak e la tersilahi. “Makasih ayah,” nina janahna ndakep awakta.
Beluhen kin manusia mere man anakna asangken Dibata mere man anakNa?
Jesus meseh pemindonna man BapaNa ibas ingan simesuni. La pekulah-kulah gelah idah kalak, la petua-tuaken gelah sorana ibegi kalak.
“Tapi adi ertoto atendu, bengketlah ku bas kamarndu, eruk pintun jenari ertotolah man Dibata si la iidah e. Dibata si ngidah perbahanenndu e mereken upah man bandu.” (Matius 6:6)
Pertoton labo erjile-jile ntah bagi kalak ngerana ibas kerja-kerja kerna siman jilenken. Sorana iban-ban, ipilihi kata-kata silumat.
Ngeranalah bagi semalna kalak mindo, tan iteruh, tungkuk, ras ukur erlayas. Dibata la mempan ipertakiken alu cakap lumat sabab ertoto labo bagi kalak naki-naki.
“Bage pe adi ertoto kam ola mulih-ulih bagi kalak si la nandai Tuhan. Ia erpengakap maka adi gedang pertotonna ibegiken Dibata kap. Tapi kam, ola bage. Sabap ope denga ipindondu, enggo leben ieteh Bapandu kai si iperlukenndu.” (Matius 6:7-8)
Jesus la ngajarken pertoton arus cakap lumat, arus iatur perlandek sora, arus benar pembelasken.
La lit malekat simenilai salah piga, benarna piga; dung sie rapat malekat nentuken nilai pertoton ndai.
Siiajarken Tuhan Jesus, adi ertoto tangkas ukur tangkas kata, ula erbuni-buni, talangi pusuh, belasken kerina sindongkeli perukuren.
Ieteh Dibata
Adi ibas paksa mberat e, la terbelasken turi-turin sierbahan sedak pusuh; reh saja ku IA. Ngerana asa bancina.
Dilo saja, “Bapa… Bapa… Bapaku Jesus Kristus…” Lanai padah pegedang. Arah iluh simambur, enggo ieteh Dibata kai siterjadi.
“Sabap ope denga ipindondu, enggo leben ieteh Bapandu kai si iperlukenndu.” (Matius 6:8)
Ertoto iandingken bagi kalak mindo udan, kiniteken mere kepentaren gelah maba payung. Kalak simaba payung tek ia maka rehna me udan.
Danak-danak tek ngalo nari es krim siipindona man bapana. Engkai? Kinitekenna bagi radar pesawat mengketi remang sigelap. La pe teridah dalan e tapi tek ia maka pesawat e kabang ku alamat sinituju.
Salam Pt Mathias Brahmana (14/5/2022)
.jpg)
Komentar