Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha
Ertutur Syafaat
ENGGO gelapen i kuta kalak. Lanai lit motor sewa ku kuta kemulihen. Bagem nai serana transportasi i kuta.
Lawes ku tiga, baba buah sinuan, lenga keri, matawari enggo cebuni ku kesunduten, itadingken sada-sadana motor sewa. Pepagi ka maka reh motor e.
Gelah banci pekesahken ibas berngi singongo e, igargari perkade-kaden si lit i kuta e. Italangi rakut sitelu: senina/sembuyak, kalimbubu, anak beru.
Arah rakut sitelu e iserseri ku tutur siwaluh. Siapai ngenda rumah sipemeren, siparibanen, sipengalon, anak beru, anak beru menteri, anak beru singikuri, kalimbubu, seh ku puang kalimbubu.
Rikutken tutur siwaluh e ijumpai perkade-kaden 12 tambah 1: nini, bulang, kempu, bapa, nande, anak, bengkila, bibi, permen, mama, mami, bere-bere, ras teman meriah.
Salah sada saja petembe ibas perkade-kaden 12+1 e, enggo aman ingan pekesahken. Labo lit sinulak adi berngi e kesilang i rumahna. Bage kin biak kalak Karo, mekade-kade ras kepate.
Emaka rulih nge kalak simesikel niksiki kade-kadena si lit ibas kerina kuta. Adi berngin i kuta kalak ibas sada paksa, lanai lit kebiaren, enggo ieteh ku ja perlawes.
Paksa sie, lenga bo lekket man kalak Karo adi ketadingen motor, darami ingan pekesahken ku hotel. La bias ulih peranin siidayaken ndai nggalari sewana. Emaka hotel isina kalak pertandang si la ndarami perkade-kaden 12+1.
Biak simehuli ibas kalak Karo e, enggo iajarken Tuhan Jesus lebih 2000 tahun silewat. Bagi kalak Karo niksiki perkade-kadenna, nina Tuhan Jesus, bagem arusna kalak ertoto.
Sumber photo : https://studyingprayer.com/
Mari sisiksiki ibas Lukas 11 : 5 – 10. Ayat 5-6: Nina Jesus man ajar-ajarNa, “Adi sekalak i bas kam lawes ku rumah temanndu i tengah berngi janah nindu, ‘O teman, kupinjam min rotindu telu ngkibul, sabap temanku si i bas perdalanen singgah ku rumahku janah la lit si man berenken man bana.
Ayat 7: Banci jadi temanndu e erjabap i rumah nari, ‘Ola ganggundu aku! Pintun enggo ieruk, janah aku ras anak-anakku enggo medem. La terbahan aku keke guna merekenca man bandu.’
Ayat 8: Bage gia, Kukataken pe man bandu, aminna gia ia la keke mereken roti man bandu erkiteken ia temanndu, tapi perbahan la kam mela mindo alu meseksek, keke nge ia, iberekenna man bandu kai si iperlukenndu.
Ayat 9: Perbahan si e Kukataken man bandu: Pindolah tentu ngalo kam; daramilah, tentu idatndu; tuktuklah, tentu italangi pintun man bandu.
Ayat 10: Sabap ise si mindo ngalo kap, janah ise si ndarami idatna kap, bage pe ise si nuktuk pintun italangi kap.
Adi meseksek nuktuk pintun, nina Tuhan Jesus, tentu keke sipuna rumah, jenari italangina pintun.
Ertutur
Bagi kalak ertutur, bagem pertoton syafaat singena ate Dibata. Isiksiki seh tembe perkade-kaden, ibahan gelarna: nini, bulang, kempu, bapa, nande, anak, bengkila, bibi, permen, mama, mami, bere-bere, ras teman meriah.
La dat gelar ibas ertutur, la tandai sipuna rumah, la dat ingan kesilang. Wari enggo gelapen, lanai lit motor sewa, medem ibas emperen, kebiaren ras bergehen. Beltek pe erkata bedil.
Uga gia ma ipangpangken nge ngetoki pintun gelah lit ingan kesilang. Adi sekali dua lenga lit singaloi, iterusken telu empat ku sepuluh, seh medak si puna rumah.
Kenca medak sipuna rumah, labo minter talangina pintun. Pegarana lebe lampu, emaka isungkunina ibas nari ise singetoki e.
Kenca ipetandaken diri maka sipuna rumah nggit nalangi pintun. Rikutken ayona simacem perban enggo ndai badeh pertuduhna, alu mberat ukur, isuruhna masuk ku bas rumah.
Ipepayo me terbagesen kerna orat tutur. Kepe, erbapa man simada rumah. Adi enggo bapa pendilonta, banci denga kin kita ipelawesna?
Nina Tuhan Jesus, “Tentu la lit i bas kam selaku bapa mereken nipe man anakndu adi ipindona nurung. Ntah iberekenndu kacip gelang man bana adi ipindona tinaruh.” (Lukas 11 : 11-12)
Itegasken Tuhan Jesus kerna sie; adi kalak ertoto seh tande ku perkade-kaden, pasti ngalo.
Ayat 13, “Dagina, adi kam pe kalak si jahat ietehndu mereken si mehuli man anak-anakndu, apai denga ka Bapa si i Surga. Tentu iberekenNa nge man bandu Kesah si Badia man si mindo man baNa.”
Adi enggo ndekah kita lanai ertoto bagi kalak erkade-kade ras Dibata, pebagesi lah mulihi. Kenca tangkas perkade-kaden ras ibahan gelarna, tentu ndarat nge sientebu-entebu.
Toto guna ngaloken sientebu-entebu e bagenda: “Bapa, berngi enda i rumahNdu ateku kesilang. Bagi niNdu ndai waktu kita ertutur, maka aku anak, rumah enda pe rumahku kap. Melihe kal aku. Man aku ya Bapaku? Amin!”
Pertoton e lanai mindo man tapi sibar pebetehken ngenca, enggo ngalo.
Adi lit anakta melihe ras mindo man bagi pertoton e, uga nge ninta? Pangan mbue. Akap kami jawabenna bagi sinisuratken ibas ayat 13.
Salam Siman Ukuren, Pt Mathias Brahmana (24/5/2022)
.jpg)
Komentar