Khotbah : Masmur 71 : 5 – 6
Ertoto Ras Pengarapen
71:5 Kam
kap pengarapenku, man baNdu kap aku ernalem kitik-kitikku nari.
71:6 Mulai
tubuhku ndube ku Kam aku ertunande, i kawaliNdu aku mulai kin i bas bertin
nandengku nari e maka lalap Kam kupuji.
Fakta
1. Pengakun
pemasmur, bahwa Kam (Tuhan) adalah pengarapenna, janah man baNdu, Tuhan, ia
ernalem kitik kitik nari.
2. Pada
ayat 6 “ kitik kitik nari” semakin nyata dijelasken pemasmur/ disaksikan
penulis masmur bahwa, mulai tubuh ndube ku Kam (Tuhan) ia ertunande. Janah pengakun penulis masmur ini Tuhan enggo
engkawali ia mulai kin ia ibas bertin (kandungan) nande nari. Selanjutna isaksikenna maka emaka lalap
ipujina Tuhan Dibata.
Sumber photo : https://www.heartlight.org/
Makna
1. Ibas
ebrngi sipeduaken nderbi, enggo siidah bahwa gelah pertotonta ergegehna ras
ibegiken Dibata, maka harus lebe lit pengakunta ise kin Tuhan Jesus e, ras pe turah
kinitekenta bas pusuh bahwa Tuhan Ta Jesus Kristus e enggo naluken
kematen. Ibas berngi si peteluken enda
ibabai kita ngoge ras ngerenungken sada contoh pengakun si ialami penulis
Masmur pasal 71 enda. Jelas ikatakenna,
bahwa Tuhan lah pengarapenna. Janah enggo ia ernalem kitik kitik nari. Menurut penafsiran ahli ahli teologi, labo
jelas ieteh ise penulisna, tapi kemungkinan sanga itulis na Masmur enda makai a
enggo metua. “Kitik kitik nari aku
ernalem man bandu nina, tentu banci siartiken ie enggo metua tupung e.” Janah adi bage, payo kal maka kalak ngakui
Tuhan ibas geluhna, turah mbelin pengarapenna bas geluh enda. Itambahi si pemasmur ndai, sada bentuk kesadarenna,
bahwa kitik ningen e pas sanga ia tubuh nari, bahkan lebihen ka asangken si e
bahwa ibas bertin nari pe situhuna Tuhan enggo engkawali ia. Jadi sempurna kal kekelengen Tuhan e. Sangap kal kalak si ngaku TUhan arah babahna,
ras tek ibas pusuhna. Sebab pengarapenna
bas geluh enda ku TUHAN. Adi Tuhan
pengarapenta, lit kin si la mungkin?
Populer kal gundari motto “Impossible is Nothing”. La lit nari si la mungkin terjadi bas kam,
bas ku, bas kita kerina adi ku Tuhan kita erpengarapen. Adi ku jelma, kam erpengarapen, apai ka guru
sibaso, tah preman, tebu tebu nge kam.
2. Pengakun
nandangi Tuhan, labo mis turah ibas ukur sekalak jelma. Pengakun e banci turah melalui proses
kegeluhen si cukup Panjang. Emaka perlu
waktu si cukup Panjang ras proses kegeluhen si bervariasi gelah turah kesadaran
ras pengakun maka Tuhan e kap singkawali kita. Pemasmur pe kenca metua isadarina maka, kitik kitik nari kal situhuan Tuhan e enggo ngkawali ras masu
masu. Emaka perlu kal siajari anak anak
ta kerina, gelah banci iangkana ras iakuina TUhan ibas ia kitik kitik nari. Janah adi kitik kitik nari pe enggo iakuina
Tuhan, emaka pengarapenna pe pasti ku TUHAN.
Tugas ta selaku orang tua, ngendesken pengarapennta nandangi anak anakta
bagepe kempunta ku TUhan saja. Sitotoken anak anakta Ku Tuhan, siajari
anak anakta e ise kin Tuhan. Sijadiken
dirinta sebagai contoh, teladan man anak anakta bahwa Tuhan Jesus eme Tuhan
situhu tuhu. Janah Tuhan Jesus e enggo
naluken kematen, arah kekekenNA ibas si mate nari. Ma payo akapndu teman teman?
Pengkenaina
·
La lit sada pe jelma banci tubuh ku
doni enda adi la kin iijinken Tuhan, ras bekas pemasu masun Tuhan. Aku tubuh
erlkiteken lias ate Tuhan, kam tubuh erkiteken lias ate Tuhan kerina kita tubuh
erkiteken lias ate Tuhan. Bicara kanci
kin pe mbarenda susu siinem kita, tambah giji simehuli kal sebab pemasu masun
Tuhan. Akuken lah Tuhan ibas geluhndu,
janah erpegarapen lah ku IA saja. Toto
ras pengaraenta Ku Tuhan saja, ibas Jesus Kristus Tuhanta.
·
Ajari anak anakta, gelah ia pe pedas
nandai ras ngakuken Tuhan ibas gelunna.
Kalak si erpengarapen ku Tuhan kitik kitik nari, akan menorehkan
ccatatan
kehidupan si mpermuliaken gelar Tuhan. Amin.
Bujur ras mejuah juah kita kerina.
Pt. Analgin
Ginting
.jpg)
Komentar