Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya.
Pertoton Singalo
SADA dua tahun enda pemindon pertoton meramis ku sada ingan i Kota Balikpapan, Kalimantan Timur.
Pemindon la terjeng arah media sosial ngenca, tapi melala pe rehen kalak ku lokasi pelayanen sekalak pastor i Graha YHS, Jalan Martadinata, Kelurahen Mekarsari, Balikpapan Tengah, Kota Balikpapan, Kalimantan Timur.
Lit kang kalak Karo si berkat ku je? Lit! Enterem? Enterem! Ija gerejana? Erbage-bage denominasi nari. Engkai maka erpengarapen kalak e nandangi toto kalak sindauh asangken sindeher?
Enda Siman Ukurenta wari enda? Engkai? Engkai maka padin iakap kalak mentasi lawit, mentasi piga-piga provinsi i Sumatera nari ku Kalimantan Timur, guna ngaloken pertoton asangken dirina sendiri langsung mindo man Dibata.
Apai ka adi ngukuri risiko sidanci nderpa ibas ngite-ngite dalan sigedang. Maba kalak sakit ibas motor (mobil), erwari-wari perdalanen, tapi bage pala-palaina segelah jumpa ras pastor ndai.
Simindo toto ras si reh ku Kota Balikpapan e semalna si enggo ndekah sakit. Bagi turi-turin sekalak diberu si enggo 12 tahun bluding.
Sumber photo : https://www.testifygod.org/
“Lit i je sekalak diberu enggo sepuluh dua tahun dekahna bluding rusur. Enggo keri erta-ertana guna pertambarna man dokter-dokter, tapi la lit sekalak pe si ngasup pepalem ia. Ideherina Jesus i pudi nari dingen idadapna rambu-rambu uis Jesus, janah paksa e pe minter ngadi dareh e.” (Lukas 8:43-44)
Bage ka me kalak Karo si berkat ku Kota Balikpapan ndai, ibas video kesaksinna ngataken malem pinakitna kenca itotoken pastor e; silanglangna enggo terakap.
Si la malem ntah lenga malem la teridah man banta erkiteken la ivideoken. Tapi kesaksin kalak simalem ndai erbahan reh teremna kalak si reh ku provinsi si enggo isahken jadi Ibu Kota Negara e.
Jelma mburtas seh ku dalan. Kendaraan simindo toto ngambati perdalanen kalak. Piah lit tokoh agama/masyarakat nutup kegiatan pertoton e. Emaka itutup me ingan e ibas 24 Maret 2022 ndube.
Lanai kin lit kuasa pertoton ibas ingan kalak sierpengarapen e maka madin iakapna berkat ku ingan sindauh i Balikpapan?
Engkai maka la nolih ku pesah Jesus, “Adi tek kam, ialokenndu kap i bas Dibata nari kai saja si ipindondu man baNa arah pertotonndu.” (Matius 21:22).
Bagem ari, semal kal kalak ertoto man Dibata. Tapi lako erjaga-jaga saja, segelah ula kena percuban, gelah dat pupus, gelah benjolen si lit ibas daging nangtang, gelah la tondel perpan.
Ertoto sitik ras kentisik. La meseksek mindo simetahat e rikutken iluh mambur bagi danak-danak mindo sura-surana man bapana.
Mekatep la idah ibas ayo siertoto e uga pergetemna pusuhna; la teriluh; la mbages; la lit tergejap isapu-sapu malekat kudukna. Mon-mon reh malekat njemak tanna tapi iakapna begu piah ngadikenna ertoto. Ajar si-12 pernah ngenanami sibage (isuratken i teruh).
Ibas perdalanen kegeluhen mbue kal pertoton ipenangkih tapi lenga ngaloken buahna. Erkai pegajang-gajang mbenterken batu adi kita ka nge sibenjol, nina.
Paksa Jesus pegeluh kalak mate, pemalem kalak sakit, pelawes kuasa kegelapen baal/asyera; ajar-ajar lenga ietehna ertoto. Emaka iajari Tuhan Jesus ertoto (Matius 6:9-13)
Tapi pertoton ajar-ajar la ngasup pepalem kalak sakit, pelawes kuasa kegelapen, perban la igejapkenna kai sibelaskenna.
Gayana enggo me seri ras Tuhan Jesus. Tapi setan ndai la mbiar man bana.
Menteri merentah dirjen minter erdalan. Kepala desa gia pakena baju Menteri ndai, ibanna bagi sora Menteri e merentah dirjen, senum-senum saja nge dirjen e. La ia mbiar!
Man pergeremetken nge uga iban Tuhan Jesus
ertoto gia IA Anak Dibata. Sipemena ipujikenna Dibata, ikatakenna bujur, emaka ipesehNa isi pusuhNa.
IA ras Dibata nepa doni enda ras kerina sinasa lit pe gunaken waktuna erjan-jam ertoto man BapaNa.
“Pepagina erpagi-pagi si lampas ope denga terang wari, keke Jesus lawes IA ku ingan si melenget. I je ertoto IA. (Markus 1:35)
Maun-maun seh mbages berngi IA ertoto sisada ibas ingan simesuni.
“Kenca bage, minter isuruh Jesus ajar-ajarNa nangkih perahu gelah leben berkat ngepar ku Betsaida. Jelma si nterem pe isuruhNa mulih.
Kenca berkat ajar-ajarNa, lawes IA ku sada uruk-uruk janah ertoto IA i je.
Kenca wari enggo gelap, perahu ndai enggo seh i tengah-tengah dano, tapi Jesus sisada i daraten.
Idah Jesus maka mesera iakap ajar-ajar engkayuhken perahuna ngelawan angin si nungsang perahu e, e maka kira-kira jam telu erpagi-pagi reh Jesus erdalan i babo lau ndahi ajar-ajar; menam ibentasi Jesus kalak ndai.
Tapi sanga idah ajar-ajar IA erdalan i babo lau, iakapna begu, emaka serko ia kerina perbahan biarna. Sabap kerina ia ngidahsa e maka sengget kal ia.
Minter ngerana Jesus nina, “Tetapkenlah, ukurndu! Aku nge enda, ola kam mbiar.”
Emaka idatasi Jesus perahu ndai, janah angin pe ngadi. Mamang kal ate ajar-ajar.” (Markus 6:45-51).
Mbue kalak sipaksa kote ntah pe mbelin kal pengarapenna man Dibata kerna sakit bage pe perbeben simekelek sideban, la berkat ku ingan simesuni lako ngerana-ngerana ras IA.
Kalak ertoto ibas jelma sinterem, ertoto janah netir, ertoto janah erdahin, ertoto paksa nimai kalak, janah buen ka nitip gelah itotoken.
Dibata la ndauh, la i Balikpapan ngenca, ibas kerina ingan siitepaNa lit IA. Dibata la berjut; Dibata nimai pertoton kalak si tek.
Nina Jesus man banta kerina wari enda: “Nehenlah! Aku tedis i lebe-lebe pintun janah Kutuktuk. Adi lit kalak megi sorangKu jenari italangina pintun, bengket me Aku ku bas rumahna jenari man Aku ras ia janah man ia ras Aku.
Kalak si menang Kuatanken kundul ras Aku i kursi KinirajanKu, bagi genduari Aku enggo menang, kundul Aku ras BapangKu i kursi KinirajanNa. (Ketakasen 3:20-21)
Jesus nimai kita ertoto…..
Salam Pt Mathias Brahmana (11/5/2022)
.jpg)
Komentar