Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha.
Iangkat Ku Surga
LA gejap seh me kita ibas perpudi turi-turin kerna Elia i doni. Enggo meganjang umurna, melala sira kegeluhen siakapina, mulai si masin nari, si pagit, seh pe ku sintebu.
Latihen kiniteken i tepi Lau Kerit; praktekken i Kuta Sarfat; make kuasa Dibata si la teralang belinna i Deleng Karmel; ndatken teman sigantiken dirina, Elisa si setia.
Elia berkat ku surga la engkeleweti kematen. Dua ngenca siisuratken ibas Pustaka Sibadia si la mentasi kematen eme Enoh (Kejadin 5:21-24) ras Elia.
Sumber photo : https://seedsoffaith.cph.org/
Pengangkaten Elia terjadi i tepi Lau Jordan. Paksa sie, ercakap-Elia ras Elisa janahna erdalan. Rempet reh sada gereta perang ernala bagi api irintak kuda siernala-nala bagi api, mentas arah kelang-kelang Elia ras Elisa. Ije me Elia iangkat ku surga alu angin kaba-kaba si megegeh (2 Raja-Raja 2:11)
Sope lenga kejadin e, lit siman tinggelen kerna kuasa siperpudi sinilakoken Elia. Ngepari Lau Jordan ate Elia ras Elisa.
Italangi Elia jubahna, igulungna, ipekpekna lau e alu jubahna, minter erbelah. Emaka ngepar ia ras Elisa ibabo taneh kerah.
Elia sienggo meteh warina iangkatken TUHAN, nungkun man Elisa, “Turiken man bangku kai atendu kubahan man bandu ope aku iangkat ibas kam nari.”
Elisa mindo dua kali lipat asa kuasa si lit ibas Elia. Terjemahen sindeherna ku bahasa aslina ibuat kami ibas Alkitab Bahasa Indonesia nari, nina Elisa, “Biarlah kiranya aku mendapat dua bagian dari rohmu.”
Iumputi Elia alu ngataken mesera kal nehkenca pemindon Elisa e sabab ipindona dua kali lipat.
Bage gia, nina Elia, pemindon e banci ialoken Elisa adi idahna kari Elia iangkat TUHAN. “Adi la idahndu aku, la banci ialokendu.”
Paksa Elia iangkat TUHAN teridah terang man Elisa. Nderkuh kal Elisa ngelebuh Elia nina, “O bapangku, bapangku! Pengawal Israel simbisa!” Jenari lanai idahna Elia. (2 Raja-Raja 2:8-12)
Kegeluhen Elia, encidahken gambaren si seri ras kegeluhen Kristus sipaksa sie ndekah denga kal man timan.
Sisada endalani percuban, petala-tala ayo ras sierpangkat bage pe ras sierkuasa ibas peseh kata TUHAN.
Melala kuasa si la terukuri manusia icidahken Elia bage pe Kristus Jesus. Diberu balu-balu i Sarfat lanai kekurangen minak ras tepung, anakna simate ipegeluh mulihken, naluken kuasa kegelapen, ras melala denga kal sidebanna. Pengangkaten ku surga pe labo sindauhen kal.
Kita singgeluh denga tentu ngarapken banci min bagi Elia e la endalani kematen. Situhuna, enterem nge pagi kalak singaloken kesangapen bagi Elia e.
Rasul Paulus nuratkenca bagenda: O senina-senina, ate kami maka ietehndu min kuga si tuhuna kerna kalak si enggo mate, gelah ola ceda atendu bagi kalak si la erpengarapen.
Tek kita maka Jesus enggo mate janah enggo nggeluh mulihi. Bage pe tek kita maka kalak si enggo mate si tek man Jesus ibaba Dibata pagi ku Jesus gelah ersada ras IA.
Pengajaren Tuhan si ituriken kami man bandu e me: Kita si nggeluh denga asum reh pagi Tuhan mulihken, labo pagi silebei kalak si enggo mate.
Lit pagi sora erlebuh, sora malekat si mbelin ras sora terompet Dibata janah nusur me Tuhan i Surga nari. Kalak si enggo mate, si tek man Kristus me pagin si pemenana ipegeluh mulihi.
Kenca bage maka kita si nggeluh denga paksa si e ipepulungNa ras kalak ndai i datas embun guna njumpai Tuhan i awang-awang. Kenca bage tetap kita ras Tuhan. (1 Tesalonika 4:13-17)
TUHAN nehken padan man Elia la endalani kematen. Padan e pe seh ka nge man banta.
Singgeluh denga waktu IA pagi reh peduakaliken, bali ras Elia, la endalani kematen. IpepulungNa pagi kerina guna iangkatken ku surga.
Salam Pt Mathias Brahmana (10/5/2022)
.jpg)
Komentar