Catatan Tambahan PA Moria Tanggal 8-14 Mei 2022 Mother Theresia Bukan Angelina Sondakh

 Bahan Penelaahan  : 1 Samuel 31  : 1-5

Thema : RUKUR SI MEHULI

1Samuel 31 : 1 – 5

 31:1    Bangsa Pilisti erperang ngelawan bangsa Israel i Deleng Gilboa. Nterem bangsa Israel mate i je, janah si debanna subuk Raja Saul ras anak-anakna  enggo lompat.

31:2     Tapi itunduk kalak Pilisti jenari ibunuh kalak ndai telu kalak anak Saul: Jonatan, Abinadap, ras Milkisua.

31:3     Pertempuren e seh kal sangatna isekelewet Saul, jenari ia jine kena panah musuh janah mekelek lukana.

31:4     Ikatakenna man anak perana si maba senjatana nina, "Sentapken pedangndu, jenari bunuh aku, gelah ola pagi iguro-guroken bangsa Pilisti si la erdibata enda aku jenari ibunuhna." Tapi la nggit anak perana ndai erbahan si e, mbiar ia. E maka ibuat Saul pedangna e jenari ibulakkenna bana ku ujung pedang e.

31:5     Iidah anak perana ndai maka enggo mate, e maka ibulakkenna ka man bana ku ujung pedangna jenari mate ia ras Saul.

Fakta

1.    Salah sada kuniken ras keistimewaan Alkitab ta, emekap ituriken kerina kai siakap Tuhan perlu ituriken.  Sada pe la lit isembunyiken.  Bagepe bas perikop enda, ituriken kisah tragis Raja Saul, Raja pertama kerajaan Israel .  Saul mate ibas sada peperangan, erperang ras Bangsa Pilisti I Deleng Gilboa. Enterem kal kalak Israel pe mate erperang ras Bangsa Pilisti.  Saul sempat dengan lompat, tapi telu anakna, Jonatan, Abinadap ras Milkisua gugur ibas peperangan e ibunuh Bangsa Pilisti amin sempat dengan lompat ras Saul bapana.

2.     Saul lompat (melariken diri) dalam keadaan terluka kena panah, janah mekelek luka na e. Putus asa Saul, man pengawal na sekalak  anak perana janah ia me maba senjata Saul.    Mindo Saul man anak perana pengawalna e, gelah isentapkenna pedang na jenari munuh Saul. Nina Saul gelah ola kari ia itangkap Bangsa Pilisti jenari ijadiken bahan olok olok untuk menghina Bangsa Israel.  Tapi la nggit pengawal e, sebab mbiar ia. 

3.    Jenari ibuat Saul pedang e, ibulakkenna badan na ku pedang e, she maka , mate Saul.  Anak perana pengawal na ndai ngidah Saul enggo mate, maka  ia pe bulakkena dirina ku pedang e, mate ia.  Saul ras pengawalna mate alu mbulakken dirina ku pedang.

Sumber photo : https://www.learnreligions.com/

Arti Dan Makna

1.    Rukur kita mbages mbages uga maka bage kal tragisna kegeluhen Raja Saul,raja pertama Bangsa Israel sipilih ras ilantik TUhan ? Pasti perban melala ka pengalaman geluhna si tragis, ija sada si paling parah emekap la ikutkenna perintah Tuhan.  Emaka Tuhan pe enggo nulak ia, janah nggeluh denga pe ia, berkuasa dengan pe ia enggo ilantik Tuhan penggantina pagi emekap Daud anak Isai.  Tragis atau tidak akhir geluh sekalak jelma, tentu sangat itentuken oleh diri na sendiri.   Tragis atau tidak kisah hidupndu moria kami, tentu sentudu kal ras kai sinibahandu ibas geluhndu.  Sekalak diberu si nyaris labo lit sinandai sa, sekalak wanita sangat sederhana bersahaja tapi ibas ia mate, seisi dunia ikut bersedih menangisi kematiannya.  Karena selama hidupnya dia memilih untuk melayani Tuhan ras melayani manusia, termasuk manusia paling miskin di Calcutta India.  Ia emekap Mother (suster) Theresia.

2.    Tindakan manusia ibas geluh na adalah buah perukurenna.  Adi rukur ia mehuli, maka tindakenna pe mehuli .  Tapi adi rukurna macik, emaka tindakenna pe macik.  Adi rukur ia la jelas, emaka tindakenna pe labo jelas.  Adi rukur ia nggit ngelai Tuhan, Tuhan si she kal ulina e, emaka tindakenna pe jelas, mehuli ras ras bersejerah.  “Ula suruhndu aku mulihi bibi, kam kam nandek, kam kap orang tuaku.  Bangsandu emekap bangsaku, agama ndu emekap agamaku, TUhan ndu emekap Tuhanku. Ija ingandu ije aku bibiku, nandeku, nina Ruth man Nomi.  Jelas kal, tangkas kal perukuren Ruth.  Beda ras Orpha cimbang na ndube.  Emaka kisah hidup Ruth Selanjutna tuhu tuhu luar biasa sebab Tuhan si ngaturkensa. Bahkan kenca Ruth erjabu ras Boas, kesusurenna emekap Raja Daud, emekap Jusup perbulangen Maria nande Tuhan Yesus.  Jadi Yesus Kristus kesusuren sekalak diberu si she kal mehulina perukurenna.    Pengawal Saul  ndai pe sada sisi perlu kal sihargai perukurenna, ija ibas pusuhna…geluhku ngkawali Raj Saul, labo munuh Raja Saul, emaka adi enggo mate siman kawalenku e, lanai lit tugas si penting. Emaka bunuhna bana.  Ibas bunuh nab ana, tentu salah e.  Sebab sada pe manusia situhuna labo lit hak na munuh bana.  Sebab simbere kegeluhen e Tuhan simada kegeluhen nge. Ma Fayo akapndu Moria kami???

3.    Rukur mehuli emekap berfkiir mehuli atau Positive Thinking atau Thinking Positively. Berfikir adalah MEMILIH berfikir positif. Sebab pikiren e pilihen.  Labo lit ise pe sibanci maksa kam berfikir, selain kam.  Kebebasan berfikir adalah kebebasan yang paling azasi, paling mendasar.  Uga pe pengajuk, pemaksa , pembiarbiari kalak kam, tapi  adi la kam mbiar, ma labo kam mbiar ?  Ula pe nina bapana man Angelina sondah, ula tadingken agama Kristen e nakku, nina Professor e pe, tetap nge tadingken Angelina Sondakh agama na, erjabu ia ras kalak “ganteng” ah ndai.  Em bukti maka labo lit ise pe banci ngatur pilihen cara ndu rukur.  Berfikir positif kam tah lang,   rukur alu mehuli lah moria kami.

Sumber photo : https://www.nbcnews.com/

Pengkenaina.

·       Bas kegeluhen enda kai pe lit, sikugapana pe lit,  Si bagi ukur pe lit si la bagi ukur pe melala.  Melala kal kisah tragis, melalak kisah kisah si membuat kita miris.  Ibas kerina fenomena ras kejadian bas doni enda rukur lah alu  mehuli. Berfikir positif lah.  Adi mekisat kam ku PA Moria, melalakal alasan banci bandu, gelah payo akap kalak kam bas la kam ikut PA tah kegiatan moria e. Melalakal.  Tapi labo alasan si erbahanca kam la reh PA Moria, pilihenndu nge.  Adi enggo pilih ndu La Reh (Tidak datang) emaka ibas pikirenndu melalakal  muncul si banci jadi alasan.  Emaka, LAbo banci bualindu bandu Moria kami.  Ingetlah e.  Hahahahha.

·       Gelah banci katawari pe rukur mehuli, berfikir positif,  ingetlah Tuhan Yesus e.  Rembak ku TUhan ngenca banci kam ras aku tetap rukur mehuli.  Adi mengandal ken diri sendiri, kemungkinen besar focus na hanya egoism diri.  labo ukur mehuli.  Rukurlah bagi Mother Theresia ula bagi Angelina Sondakh. Amin.

Bujur ras mejuah juah kita kerina

Pt. Analgin Ginting.