Pengantar
Mathias Berahmana adalah seorang pertua yang melayani di Rgn Karawaci Tangerang. Dia berprofesi sebagai wartawan yang sangat profesional, dan bekerja di Media Indonesia hingga menjabat sebagai redaktur senior. Hobby menulis sejak Sekolah Menengah Pertama, dan pada saat sama sama kami sekolah di SMA teruh buluh Kabanjahe tulisannya selalu menghiasi Majalah Dinding pada saat itu.
Setelah Pensiun dari Media Indoensia Grup Pt Mathias yang hobby ngelucu dan tertawa ini mempunyai banyak waktu menulis dan melakukan pelayanan pelayanan yang lain. Nah sejak akhir tahun 2021, beliau menulis semacam refleksi teologis dalam bahasa Karo dengan judul Siman Ukuren.
Tulisan ini mengangkat thema dari kejadian kejadian yang ditulis di Alkitab baik Perjanjian Baru dan terutama Perjanjian Lama. Ditulis dalam bahasa yang sangat renyah mengalir, sehingga begitu kita mulai baca, tidak bisa berhenti sampai akhir. Bahkan ada semacam perasaan berdosa jika tidak menyelesaikan membaca tulisan ini. Hahahahahha. Membaca tulisan "Siman Ukuren" membuat kita merenung dalam dalam akan makna terpenting kehidupan ini.
Namun yang paling istimewa adalah, tulisan ini disajikan dalam Bahasa Karo full. Bukan Bahasa Karo campur campur, apalagi campur sari. Sehingga membaca Siman Ukuren akan terasa sekali nuansa turi turin Karo nya. Bagi generasi muda, membaca Siman Ukuren bisa dijadiken evaluasi seberapa mampu kam berbahasa karo. Maka bacalah, simak lah, dan refleksikan lah semua tulisan dari pertua yang ganteng ini. Pertua ini ganteng, bahkan paling ganteng di rumahnya. hahahahha
Kesah Si Badia Maler
JERUSALEM – Tanah Karo Simalem. Dilah api Pentakosta sinialoken kalak si tek man Jesus Kristus i Jerusalem lanai terpengadi.
Kalak singaloken kuasa Tuhan e reh belang-belang doni nari (Perbahanen Rasul-Rasul 2:5-12). Lit piga-piga perubahen siterjadi man kalak enda.
Kenca kalak enda ngaloken Kesah Si Badia sirupana bagi dilah api, kerinana baci ngerana ibas cakap jelma sinterem si lit i Jerusalem.
Cakap sipake kalak sidumi Kesah Si Badia e iangkai Bangsa Partia, Media, Elam, Mesopotami, Judea, Kapadokia, Pontus, Asia, Perigi, Pampilia, Mesir, Libia, Kreta, Arab, Roma, Jahudi, ras sidebanna.
Kalak singaloken Kesah Si Badia ibas Wari Raya Pentakosta e ermburak-murak pusuhna lako ersaksi kerna Kristus Jesus.
Sumber photo : https://faithccpalmer.org/
Bena-benana Jerusalem nari, terus maler pemberitaan ku sebelang-belang Israel, Tanah Arab, Yunani, Roma, Asia, Indonesia, dungna seh Buluh Awar, Tanah Karo Simalem.
Mari cuba sigargari kerna dirinta. Piga wari nge dekahna maka seh Berita Simeriah e man kalak Karo?
Kelahiren Jesus Kristus itandai jadi tahun masehi. IA isalibken ibas usia 33 tahun. Sehna berita kematenNa, kekeken, kenangkihen, ras nusurna Kesah Si Badia bagi dilah api e, ku Tanah Karo Simalem, sekitar tahun 1890.
Tuhu-tuhu ndekah kal maka ialoken nini bulangta berita e eme 1.867 tahun kenca kematen Jesus.
Adi tep-tep generasi ikirai 70 tahun, sidat angka 26 kali kesusuren maka kalak Karo nandai Berita Simeriah. Janah kita me kesusuren pe-28-ken.
Andiko seh kal buena kade-kadenta si la sempat nandai Kristus paksa sie. Ku ja nge perdalanen geluh keluarganta si enggo mate e?
Kepeken Kesah Si Badia la pernah ngadi erdahin. Mbelin kal perkuah ateNa. Sedekah dua wari dua berngi IA ibas doni kematen, igunakenNa lako meseh Berita Simeriah man bulang nininta ibas doni kematen.
“Janah ibas kuasa Kesah e, lawes IA meritaken berita ibas Dibata nari man tendi-tendi si tertaban.” (1 Petrus 3:19)
Kalak sitendina tertaban si nggit ikut Tuhan Jesus dungna ibaba ku ingan kesenangen. “Asum IA nangkih ku ingan si meganjangna, nterem ibabaNa kalak tabanen i bas barisen arak-arakenNa; dingen iberekenNa pemere-pemere man manusia.”
Kai kin ertina “IA nangkih” e? Ertina e me: perlebe IA nusur ku ingan si meterukna kal, i doni enda. IA si nusur e, IA ka si nangkih ku ingan si ganjangen dingen dauhen asa kerina langit, gelah idemiNa kerinana. (Epesus 4: 8-9)
Lit ka peristiwa si la teraloken perukuren tapi tuhu-tuhu terjadi eme labo kalak si la nandai Tuhan ngenca ibaba Kesah Si Badia tapi kalak badia si lit ibas doni kematen pe ipekeke waktu Jesus keke.
Siori sitik ku peristiwa Jesus Kristus isilangken i Bukit Golgota. “Sekali nari serko Jesus jenari keri kesahNa. Paksa si e merigat kire-kire Rumah Pertoton idas nari seh ku teruh. Taneh linuren, uruk-uruk batu pecah, kuburen-kuburen talang, janah nterem kalak si badia si enggo mate ipekeke Dibata i bas si mate nari. Itadingkenna kuburen e; janah kenca keke Jesus ibas si mate nari bengket ia ku Jerusalem; ije nterem kalak ngidah ia kerina.” (Matius 27:50-53)
Gundari seh ku kita si nggeluh denga. Kenca peristiwa nusurna Kesah Si Badia bagi dilah api i Jerusalem, kerina kalak singalokensa erpenggejapen rutang kegeluhen.
Kesah Si Badia si lit ibas ia terus erdahin janah la lit ise pe ngasup pengadisa. La lit simbiar mate ibas pesehsa. Tersurat maka kerina ajar-ajar mate martir seakatan Johanes.
Johanes pe sempat nge igoreng ibas belanga siminakna seh kal melasna tapi la mate. Igudami salu perpalu janah ibenteri tapi tetap la mate. Dungna ibuangken ke Pulau Patmos.
Emaka dungna seh Kesah Si Badia ndai ku Belanda janah sitergelar Pendeta H.C. Kruyt nggit neruskensa ku Tanah Karo tahun 1890.
Gia ibas tanna lenga nggit kalak Karo ngaloken Berita Simeriah tapi benih siisuan H. C. Kruyt erbuah ibas masa Pdt. J.K. Wijngaarden. Tersurat lit enem kalak Karo ngaloken peridin ibas 20 Agustus 1893.
Kesah Si Badia bagi lau endarami dalan maler. Adi kita la nggit pepalersa, lit kalak sideban si nggit.
Si perlu siinget, Wari raya Pentakosta i Jerusalem enggo erbahan tanda man kerina kalak si tek bagi siisuratken rasul Paulus.
“Man banta sekalak-sekalak enggo ibereken kengasupen si khusus sue ras baginta si patut si ibereken Kristus erpalasken lias ateNa.” (Epesus 4:7)
Ibas Siman Ukuren wari enda ipersingeti mulihken pedahNa man kita sekalak-sekalak: “Laweslah ku kerina bangsa manusia, bahanlah ia jadi ajar-ajarKu: Peridiken ia ibas gelar Bapa, gelar Anak, ras gelar Kesah Si Badia, janah ajari ia ngikutken kerina si enggo Kupedahken man bandu. Janah ingetlah! Aku tetap kap ras kam seh ku kedungen jaman.” (Matius 28:19-20)
Kesah Si Badia e, ibas sada paksa pagi nungkun man banta: engkai maka la kap nggit pepalersa?
Salam Pt Mathias Brahmana (7/6/2022)
.jpg)
Komentar