Galati 5 : 22 – 26
Thema : ULIH KESAH SI BADIA
Kejadin 1 : 31
5:22 Tapi
ulih Kesah Si Badia e me: lit kekelengen, lit keriahen
dingen lit kemalemen ate, lit kesabaren, idalankenna perbahanen si mehuli,
mehuli ia, setia.
5:23 Meteruk
ukurna dingen ngasup engkuasai diri. Kerna si enda la lit isingetken pe i bas
Undang-undang.
5:24 Bage
me kalak si enggo jadi sikerajangen Kristus Jesus; perukurenna secara manusia
enggo ibunuhna i kayu persilang rikut ras kerincuhen dagingna bage pe
sura-surana.
5:25 Erkiteken
Kesah Si Badia me si mereken kegeluhen man banta, e maka lagu langkahta pe arus
rikutken peraten Kesah e.
5:26 La
banci meganjang ukurta, ntah sitokoh-tokohen, ntah pe sician-cianen.
.Fakta
1. PJJ
ta ibas minggu enda ngajuk kita kerina lebih nandai Kesah Si Badia, ras ulihna
ibas geluhta. Mejile kal penuriken Rasul
Paulus man jemaat i Galatia, janah banci si gargari lebe piga piga hal
mendasar. Ikatakan Paulus maka ulih
Kesah Si Badia e lit.
a.
lit
kekelengen,
b.
lit
keriahen dingen lit kemalemen ate,
c.
lit
kesabaren,
d.
idalankenna perbahanen si mehuli,
e.
mehuli
ia,
f.
setia.
2. Lit
ka pe ulih Kesah Sibadia tapi la tersurat bas Undang Undang emekap meteruk ukur
dingen ngasup engkuasai diri.
3. Kalak
si enggo jadi si kerajangen Kristus, maka
perukurenna secara manusia enggo ibunuhna I kayu persilang rikut ras kerincuhen
daging ras sura Surana.
4. Kesah
Si Badia si mereken kegeluhen man banta, emaka lagu langkahta pe arus rikutken
peraten Kesah e. La banci meganjang ukurta, tah sitokoh tokohen, tah pe si cian
cianen.
Sumber photo : https://lakeharborumc.org/
Makna
1. Doni
si enggo ijadiken Dibata, ibas Yesus Kristus la banci itata manusia alu
mengandalkan diri kedagingenna saja. Harus
lit penampat, harus lit teladan man manusia e, maka ngasup ia njagai kerina
tinepa e alu mejile, bagepe nggeluhken geluhna alu mehuli. Emaka bas doni enda hadir Tuhan situhu tuhu si
gelarna Kesah Sibadia. Kesah Sibadia e,
mbereken contoh kegeluhen si mehuli kal sue ras peraten Dibata, gelah manusia
ngasup njagai, ngusahai, ras mendayagunakan kerina sinasa lit alu mehuli
mejile, bagepe ibas ia mbangun komunikasi sesame manusia guna menciptaken
kiniersadaan, persekutuan singena ate Dibata.
Kesah Si Badia mbereken teladan manusia uga rukur, uga ngerana,uga
ersura sura, uga prilaku ndalanken kegeluhen enda, alu mehuli ras banci menciptaken
doni si mehuli.
·
Nggeluh peru kal lit kekelengen,
kekelengen man manusia bagepa man tinepa sideban
·
Lit keriahen ibas tep tep wari, uga pa kecibal geluh, kai pe
siman hadapen. Melala pe masalah ras kesulitan kesuliteh nggeluh adi Ras Tuhan
Kesah Si Badia e kita banci nge kita ermeriah ukur ras erkemalemen ate.
·
Nggeluh perlu kal lit kesabaren sebab
labo kerina bagi ukurta kalak sideban, bahkan dirinta sendiri pe labo kerina
bagi ukurta. Emaka perlu kal kita sabar ibas kegeluhen enda. Kalak si la sabar
usur kal ia menuduh kalak sideban si la payo, si la tengteng, si salah. Padahal
kita sendiri nge si la sabar e.
·
Selama kita nggeluh bas doni enda
marilah kita kerina nggeluh alu mehuli.
Ula perajang si la baginta, ula kita mpergunaken kedudukenta lako
erbahan si la mehuli, lako ndatken upah guna ego ta saja.
·
Janah sada nari siperluna kal emekap
setia. Kesetian reh ibas Tuhan nari. La
lit gegeh ras kemampuan manusia jadi setia, adi la kin maler semangat kesetian
e bas Kesah Si Badia nari. Emaka melala
kal siidah artis/selebriti pindah pindah agama. Demi kai? Demi ketenaran ras
puja puji kalak sideban?
2. Tantangan
tah pe kesulitan si mekelekna nggeluhken teladan Kesah Sibadia ibas dirinta
emekap kedagingenta. Kita siakap
sijagona, kita siakap si pentingna, kita siakap si paling berjasa, kita siakap
si paling berpengalaman, kita siakap siman ikuten, kita siakap si la banci lang
bas kerja e. Emaka menuduh kalak, nokohi
kalak, nebu nebu kalak pe idalanken guna ndatken kepuasan daging. Janah adi kalak si deban siidah lebih
berperan cian ka kita. : Uga ka
maka anak ah ka je, ninta bas pusuhta,
sebab kita kin siakap si lebih layak, ras lebih pantas je. Enda
me kerina siman lawannenta ibas kita nggeluh sentudu ras Ulih Kesah Sibadia e.
Uga carana? Nina Paulus, harus sisadari ras siakui bahwa kita enda enggo si
kerajangen Kristus Yesus. Janah adi
enggo kita sadar ras malem ateta jadi si Kerajangen Kristus, harus sibunuh
kerina sura sura kedagingenta ndai I kayu persilang e, kayu persilang ta
sekalak sekalak. Sebab nina Tuhan Jesus
pe, ise atena ngikutken akum aka harus ipersanna kayu persilangna, bagi si
tertulis ibas Matius 16 : 24. Ibas kita
enggo munuh sura sura dagingta e, nggeluh Kesah SI Badia ibas dirinta, janah
teridah me ulihna. Amin senina ras turang ?
3. Kesah
Si Badia, Tuhan kap. Ibas konsep Trinitatis,
Kesah Si Badia Tuhan si mempunyai kegeluhen / kepribadian. Kesah Si Badia e Tuhan tuhu tuhu si sangat
berkuasa tapi sifatna penuh kelemah lembutan.
La ia pernah merawa, la ia pernah komplein, la ia pernah menuntut. Emaka situhuna kal, adi ngaku kita, usurkal
si kecewa kal Kesah Si Badia siban. Tapi
sinik negenca Ia. Sabar kal IA nimai
kita Sadar.
Terong Belanda yang juice nya sangat uenak. Sumber Photo : https://shopee.co.id/
Pengkenaina
·
Melala kal dampar kegeluhen enda, labo
hanya linier bagi garis lurus, melala belok belokna, nangkeng nangkeng ras
ngincuahna, melala ka pe lubang lubang tah batu batu siman bentasen. Emaka labo kita ngasup ngisi ras ndalani
kegeluhen enda adi la kin isampati Kesah Si Badia e kita. Emaka pindolah penampat man Kesah Si Badia e,
janah mis kal Ia reh nampati kita.
·
Kam ras aku enggo sikerajangen Kristus,
emaka enggo harus si bunuh kerina sura sura kedagingenta e I kayu persilangta
masing masing. Bene enggo sura sura kedagingenta. Emaka adi lit denga, tah mehantu denga sura
sura kedagngenta berarti lupa kita, lupa kam munuh sa I kayu persilang. Emaka mis lah bunuh ras sampetken ku ingan si
ndauhna kal. Ula sampetkenndu ku embang
pasiung, sebab banci denga ia reh ndahi
kam. Amin.
Pt. Analgin
Ginting.
.jpg)
Komentar