Khotbah : Johanes 14 : 13 – 14
Ertoto Ras Kegeluhen
14:13 Maka
kai pe pagi ipindondu i bas gelarKu, Kubereken nge, gelah Bapa ipemuliaken arah
Anak e.
14:14 Ntah
kai gia ipindondu i bas gelarKu, Kubereken nge.
Fakta
1. Salah
sada pesan paling penting ibas Tuhan Jesus nari I suratken Johanes ibas perikop
enda. Jelaskal ikatakan Tuhan Yesus,
maka kai ipindo manusia ibas gelarKU (gelar Tuhan Yesus) Kubereken nge. Kai pe ipiindo ndu , tah kupindo ibas gelar
TUHAN YESUS, ibereken Tuhan Yesus nge.
Engkai? Gelah BAPA ipermulikan arah Anak e. Enda ibas ayat 13
2. Ibas
ayat 14 iulangi Tuhan Yesus sekali nari
nina, “ntah kai gia ipindo ibas gelarKU, KU bereken nge.
Sumber photo : https://dailyverses.net/
.
Makna
1. Adi
si ukuri mbages mbages, berarti sangap kal kalak si meteh ayat enda. Sebab perkataan Tuhan Yesus enda berlaku man
kerina manusia ise pe ia. Ise pe si mindo
ibas gelar Tuhan Yesus, ibereken Tuhan Yesus e, gelah Bapa ipermulikan arah
Anak. Ibereken Tuhan Yesus kai pe
pemindon si sipindo ibas gelarNA, gelah Bapa ipermulikan. Jadi labo gelah kita hebat, maka ibereken
Tuhan Yesus pemindon ibas gelar NA, tapi gelah imuliakan Bapa. Ermulia kal Bapa adi ibereken Tuhan Yesus
pemindon kerina anak anak NA ibas gelar NA.
tapi perlu sipergermetken, kai kin ertina mindo ibas gelar Tuhan Yesus? Paliing tidak lit idah kami dua ertina
a. Mindo
ibas gelar TUhan Yesus, ertina tek man Tuhan Yesus e. Yesus Kristus e TUHAN si tuhu tuhu, si enggo
ipekeke ibas si mate nari. Janah bas
Tuhan Yesus lit kuasa kuasa untuk ngelitken kai pe si nasa lit. Emaka mindo ibas gelar TUHAN YESUS ertina,
kai pe pemindonta TUhan Yesus menseleksi sa.
Apakah pemindon ta e hanya untuk memenuhi egoisme ta atau tidak. Berguna untuk simehuli atau tidak. Enda Yesus simenentukensa, ia menseleksisa
pemindon ta e.
b. Nambah
kemuliaan Bapa kah pemindonta e? Tentu
adi nambahi kemuliaan Bapa, enggo pasti ibereken TUHAN YESUS. Harus sisadari pe, bahwa pemindonta guna
dirinta, usur nge labo siangka. Siakap
enggo mehuli, tapi situhuna ego nge siutamaken.
Tentu pemindon sibage situhuna harus kita meralat pemindonta man
Tuhan. Tapi jarang me siralat pemindonta
man Tuhan. Emaka adi mindo kita ibas
gelar TUHAN YESUS IA ka simpepayosa pemindonta e, gelah erguna alu mehuli ras
mulia kal gelar BAPA arah TUHAN YESUS.
2. Mindo
ibas gelar TUHAN YESUS labo ngenca ibas babah.
Labo asal sibelasken ibas gelar Tuhan Yesus, bereken man aku enda Tuhan
ninta…. Enggo pasti e sipayo. Langa tentu, sebab labo hanya babah siperlu mindo
ibas gelar TUHAN YESUS. Tapi harus
berurat berakar ibas iman ta, bagepe
kiniteken ras pengakunta si mbages na kal nandangi TUHAN YESUS. Emaka ibas kita mindo ku Tuhan Yesus si belasken ibas pertotonta. Usur kal kita notoken ibas gelar Tuhan
Yesus, tapi labo kita tek… Siakap adi
kita ertoto labo she, tapia di pertua si ertoto banci she, pendeta si ertoto
pasti she ku Tuhan. Kita sendiri la tek,
adi kita notokensa. Tentu labo e contoh
simehuli maksud ayat enda. Tapi kerina
kita si mindo bas gelar TUHAN YESUS pasti iberkenNA, sipenting tek kita ku
TUHAN e. Usur lah ertoto, terlebih
totoken teman temanndu, ttotoken orang tuandu, totoken anak anakndu, totoken
pendeta ndu, totoken serayan ndu ibas gelar TUhan Yesus. Jenari nen kai si terjadi ulih pertotonndu. Tapi bicara ibereken TUHAN pemindo ndu
nandangi serayanndu, ula ka kam cemburu ya.
Ula ka kari nindu, “Tuhan pemindoku arah pertotonku nandangi
serayan ku ibereken NDU, uga maka pertotonku sendiri man bangku la iberekenNdu?”
Hahahahaha. Lucu kapa di bage…
Pengkenaina
·
Ula erleja leja ertoto man
Tuhan. Janah adi pindo ndu bas
pertotondu ibas gelar TUhan Yesus, enda ipasti ibereken TUhan. Emaka pertoton si paling bernilai, adalah
pertoton nandangi kalak si deban, ipindo ibelas gelar TUHAN YESUS.
·
Jadilah pendoa syafaat, notoken kalak
sienterem. Selaku kalak si enggo iselamatken
TUhan Yesus, kita pe rutang notoken kalak sideban ise pe ia, gelah ia pe gejapkenna
keselamatan bas Tuhan Yesus nari. Janah
adi kerina kita notoken kalak si deban, janah tek kal kita pertotonta e, janah
sipindo ka ibas gelar TUHAN YESUS, tentu nyaman kal nggeluh bas doni enda. Adi segat ateta kalak sideban, adi erbuat
jahat kalak sideban man banta, banci kang perban la pernah sitotoken ia ibas
gelar Tuhan Yesus. Uga akapndu ma banci dage ? Amin.
Bujur ras mejuah juah kita kerina.
Pt. Analgin
Ginting
Komentar