Bahan Penelaahan : Kejadian 6 :
17 – 22; 7 : 13
Thema : Kiniersadaan Arih
Kejadian 6 : 17 – 22; 7 : 13
6:17 Kuban ateKu banjir si mbelin i doni enda,
gelah kernep kerina si nggeluh. Kasa kai si lit enda la banci la mate kerina,
6:18 tapi ateKu erbahan sada perpadanen ras kam.
Bengketlah kam ku bas kapal ras ndeharandu, anak-anakndu, bage pe ras
permainndu.
6:19-20
Tamaken ku bas kapal e sada pasang i bas tep-tep erbage rubia-rubia ras tep-tep
erbage perik-perik gelah ola keri mate.
6:21 Tamaken ku bas kapal e kerina erbage pangan
man bandu ras man rubia-rubia ras man perik e.
6:22 Ilakoken Nuah kerina kai si iperentahken
Dibata man bana.
7:13 I bas wari e me Nuah ras ndeharana bengket
ku bas kapal e rikut pe ras telu kalak anakna dilaki, Sem, Ham, Japet, ras
teluna permainna
Fakta
1.
Tuhan
teridah berdialog ras Nuah kerna rencana Na man doni enda. Perlebe ipeseh Tuhan tujun si enggo ipikirkenNa,
“Kuban ateku banjir si mbelin doni enda nina Tuhan”, rikutken pe tujun, :
gelah kernep kerina si nggeluh. Kai si lit enda la banci la mate kerina.
2.
Jenari ikataken
Tuhan ka “tapi ateKU erbahan sada perpadanen ras kam” Emaka ijelasken Tuhan
secara detail kai si arus ibahan Nuah…
Janah ilakuken Nuah kerina kai siiperentahken Dibata man bana.
3.
Nuah ras ndeharana
ku bas kapal e rikut pe ras telu anak na dilaki, Sem, Ham, Japet ras teluna
permainna. I datas kapal e nari Nuah
ngidah ras nggejapken perpadanen Dibata ras ia.
Sumber photo : https://dissolve.com/stock-photo/
Arti Dan Makna
1.
Tuhan njadiken rencanaNa bas
doni enda kenca lit perarihen. Bas nats enda teridah man kita maka Tuhan
Dibata arih arih man kakak pilihenNa, Nuah ras
kerina anak permainna ope dengan lit kelenglengen si mesangat kal. Perarihen berlandas kubas kekelengen ras
kinihamaten. Nggit kita arih ras kalak si
deban erkiteken keleng ateta ia, ras pe mehamat kita ku ia. Moria pe nggit arih ras pihak si deban adi
ikelengina ras ihamatina pihak si e.
Moria banci arih arih ras anak anak tengah jabuna perban keleng kal
atena ras ihamatina kal anak na e. Perarihen
gagal, pasti gagal adi la lit keleng ate ras knihamaten.
2.
Ibas nas enda pe banci siidah uga
tahapen erban perarihen si mehuli. Adi
megermet kita ku bas teks maka banci siidah
1.
Ipeseh Dibata rencana ras tujunNa.
2.
Emaka ikataken Na maka lit rencanaNa
erbahan perpadanen ras Nuah
3.
Emaka ipeseh Dibata kai si arus
ilakuken Nuah/
4.
Iantusi ras idalanken Nuah kai
siipindo Dibata.
Jadi erbahan
perarihen harus tahapenna bagi sibahan Tuhan, emekap 4 langkah. Harus jelas man banta kai bentuk perarihen ras
kai tujuanna man kita, ope sipeseh man kalak sideban.
3.
Kerina kalak si ikut bas perarihen e
harus erkomitmen ndalanken kerina kai si enggo iarihken ras isepakati. Nuah ndalanken pas kal bagi ikataken Dibata
man ia. Tuhan Dibata pe ndalanken kai si
enggo ipesehNa man Nuah. Dibata nta e erkomitmen
kal IA ndalanken kai si enggo ipadankenNa.
Diri Tuhan Yesus puncak perpadanen Dibata man manusia si kelengiNa ras
ihamatiNA kal. Haleluya.
Pengkenaina.
·
Hanya kalak si enggo dewasa si banci
arih ras ncikep perarihenna. Adi danak
danak denga langa tercikepna janjina.
Emaka moria si enggo dewasa emekap moria si nggit ras si pang arih arih
ras erbahan perjanjian. Jenari idalankenna
perarihen e. Lit pe ahli singatakensa
bahwa kalak si enggo dewasa emekap adi enggo
seri kata katana ras perbahanenna. Setuju
kam moria kami ?
·
Nggejapken kita ersada ras Tuhan,
mengenal Tuhan lebih dalam, dan percaya kepada Tuhan dalam Yesus Kristus
erbahanca turah keleng ate ras knihamaten ibas diri nta, terlebih pe ibas diri
moria. Mencoba berfikir dan merasa
dengan cara orang lain berfikir dan merasa adalah kunci erbahan perarihen si
mendewasakan ras pe hasil na win win solution.
Imbangna emekap egoisme dan keinginan untuk menang sendiri. Dewasa lah Bersama
Tuhan gelah erbeluhna moria erbahan perarihen si mehuli. Amin.
Bujur ras mejuah juah kita kerina
Pt. Analgin
Ginting.
Komentar