Sumber Photo :Daily Expres
15:1 "Aku kap batang anggur si
tuhu-tuhu, janah BapangKu kap perkebun anggur e.
15:2 Dahan-dahan si la erbuah itektekNa,
janah dahan-dahan si erbuah ibersihkenNa alu mutiki tunas-tunas si la erguna
gelah reh buena buahna.
15:3 Kam enggo ibersihken alu kata si
Kukataken man bandu.
15:4 Tetaplah min kam i bas Aku, janah Aku
pe tetap i bas kam. Dahan labo ngasup erbuah adi la kin ersada dahan e ras
batangna. Bage me pe kam, adi la kin kam ersada ras Aku labo kam erbuah.
15:5 Aku kap batang anggur janah kam me
dahan-dahanna. Kalak si tetap i bas Aku dingen Aku i bas ia melala me buahna;
sabap adi la kin ras Aku labo kam ngasup erbahan kai pe.
15:6 Kalak si la tetap i bas Aku itektek me
bagi dahan. Jenari kerah me ia. Ipepulung me dahan e jenari iambekken ku bas
api.
15:7 Adi kam tetap i bas Aku janah KatangKu
tetap nggeluh i bas kam, banci ipindondu kai pe atendu, janah ialokenndu me kai
si ipindondu e.
15:8 Adi melala buahndu, kam me ajar-ajarKu,
janah i bas si e ermulia me BapangKu.
Fakta :
1.
Ijelasken Tuhan Yesus hubungen Na ras kerina anak anakNa
si enggo pilihNa. Iban na perumpamaan
pohon Anggur. Perlebe ikatakan Tuhan
Yesus maka IA me batang anggur situhu tuhu, janah BAPA NA siempuna kebun Anggur
e. Dahan dahan si la erbuah itektekNa,
janah dahan dahan si erbuah ibersihkenNa, iputikkenNA tunas tunas si la perlu gelah
erbuena buah NA
2.
Selanjutna nina Tuhan Yesus, maka IA me batang anggur
e, janah kita kerina dahan dahan na.
Tole itambani Tuhan Jesus, maka dahan dahan si la erbuah, la produktif
itek tek me janah itutung bas api. Janah
dahan e labo banci rbuah adi la kin ersada ras Batang Belinna. Sebagai dahan, kita enggo ibersihken Tuhan
Yesus alu kataNA. Emaka enggo pasti
erbuah nari nge kita kerina selaku Dahan nina Tuhan Yesus.
3.
Si paling penting kal ikatakan Tuhan Yesus ibas ayat 7
nina : Adi kam tetap i bas Aku janah
KatangKu tetap nggeluh i bas kam, banci ipindondu kai pe atendu, janah
ialokenndu me kai si ipindondu e.
4.
Ibas ayat 8 ijelasken Tuhan Yesus kai alasanna ipindo
kita ersada ras Ia, emekap gelah kerina kita selaku dahan ndai banci erbuah
meramis kerina, janah alu bage ermulia Bapa NA sini surge.
Makna
1.
Hubungan Tuhan Yesus ras kerina manusia si tek man
Bana emekap hubungan si sangat dekat, bahkan ersada bagi dahan anggur ras
batang anggur. Janah siempuna kerina
anggur e emekap Dibata Bapa. Jadi
hubungan ku ras Tuhan, hubungenndu ras Tuhan Yesus sangat ndeher, sangat dekat. Hubungan si ersada, janah kita kerina punya
potensi guna eruah meramis. Jadi piga pe
umurta, adi tetap kita ersada ras Tuhan maka tetap kita banci produktif.
2.
Banci kin dahanna metua, batangna nguda denga? Atau seri nge umurna antara batang ras
dahan? Arah bacaan enda siidah bas Tuhan
Yesus nguda kerina, bas Tuhan Yesus kerina banci erbuah adi ersadalah dahan e
ras batangna. Saitun banci produktif
janah tetap produktif adi tetap ersada ras Tuhan Yesus. Saitun kerina ipepalem adi tek ras ersada ras
Tuhan Yesus. Buktina Abraham banci denga
ndatken anak tupung umurna hampir 100 tahun, kai sebabna sebab ersada iaras
Tuhan. Tek kali a ras Tuhan. Emaka man
kam kerina orang tua kami, Saitun tetap lah kam produktif aminna pe usia ndu enggo Saitun. Sipenting ersada
ras TuhanYesus
Sumber Photo : Parade.com
PENGKENAINA
1.
Gejapkenla ras tek lah, bahwa kam me dahan e. Tapi dahan kam si harus ersada Tuhan Yesus
selaku batang anggurna. Dahan e tetap
nguda ras erbuah adi ersada ia ras Batang.
Ula lupa, ula ngegah, ula daram darami masalah, tapi dahilah Tuhan Yesus
ras katakaa man BANA maka atendu jadi dahan sierbuah meramis gelah jadi
kemuliaan man Dibata Bapa.
2.
Pikirken mbages mbages, adi ibere Tuhan kam kesehatan
ras gegeh ras semangan si prima, kai atendu ibahanndu? Malabo atendu sinik sinik saja ? Mahathir Mochammad pe nggit denga ia jadi PM
amin umurna enggo 95 tahun. Kam gia ma
nggit kam melayani tah erdahin adi sehat denga kam asakai pe enggo umurndu ?
Sebab sipenting selaku dahan nina Tuhan Yesus HARUS ersada ras batang anggur e.
Janah adi ersada kam ras batang anggur e, janah pindondu gelah produktif maka
sehat nge kam ras produktif ka. Amin.
Bujur ras
mejuah juah kita kerina.
Pt Analgin
Ginting
.jpg)
Komentar