Minggu
Passion V/Letare à Teridahlah
Warna
Stola Ungu
|
Invocatio
|
Padan si Kubahan, tuhu, janah la
mobah-obah; i bas gelarKu jine Aku ersumpah. Kerina manusia, i lebengKu pagi
erjimpuh, janah ersumpah, maka rasa lalap tutus atena nembah Jesaya 45 : 23
|
|
Ogen
|
Bilangan 21 : 4 – 9 (responsorial)
|
|
Khotbah
|
Efesus 2 : 1 - 10
|
|
Thema
|
“Icidahken Dibata Lias AteNA ”
|
Khotbah : Efesus 2: 1 - 10
2:1 I bas
paksa si lewat, erkiteken salahndu ras dosa-dosandu, mate pertendinndu.
2:2 Paksa
si e nai iikutkenndu kebiasan doni si jahat. Iikutkenndu peminpin
penguasa-penguasa si lit i bas awang-awang, e me kesah si genduari erdahin i
bas kalak si la nggit erkemalangen man Dibata.
2:3 Si
tuhuna kita pe nai bali nge ras kalak enda. Kita nai nggeluh rikutken
sura-suranta saja janah sidalanken si sentudu ras sura-sura kulanta ras ukurta.
Sue ras biakta, kita pe bali ras kalak si deban, patut ngenanami pernembeh ate
Dibata.
2:4 Tapi
perkuah ate Dibata la ersibar, janah mbelin kal keleng ateNa man banta.
2:5 Seh
maka asum kita mate i bas pertendin erkiteken salahta, ipegeluhNa kita mulihi
radu ras Kristus. Erkiteken lias ate Dibata nge maka kam enggo terkelin.
2:6 I
bas persadanta ras Kristus Jesus, ipekeke Dibata kita ras Kristus, janah
ipekundulNa kita ras Ia i bas ingan si meganjang.
2:7 Si
enda ibahan Dibata gelah seh rasa lalap icidahkenNa kiniulinNa si lanai kal
lang-lang belinna, e me lias ateNa man banta i bas Kristus Jesus.
2:8 Sabap
erkiteken lias ate Dibata nge maka kam enggo terkelin, erkiteken tek kam man
Kristus. Labo bekas perbahanenndu, tapi pemere Dibata kap e.
2:9 Labo
ulih pendahinndu e, e maka labo lit dalanna ise pe muji bana.
2:10 Tinepa
Dibata kap kita; i bas persadanta ras Kristus Jesus, ijadikenNa kita guna
ndahiken dahin-dahin si mehuli si enggo leben irencanakenNa, gelah sidahiken e.
Lead/Pembukaan
Syaloom ras mejuah juah senina ras turang ibas
kekelengen Tuhan ta Yesus Kristus. Selamat
memasuki minggu Passion V, Letare si ertina Teridahlah.
Pernah nge ukurindu apai belinen kinitekenndu, ibas
dua hal enda.
·
Tek nge kam bahwa ibas wari sipepagi terbit matawari arah Timur
nari?
·
Apai kam teken ras, kam enggo ipilih ras iselamatken Tuhan Yesus?
Mari kita berteology arah nas renungen khotbahta
enda senina senina ras turang kerina na.
Fakta
1. Rasul
Paulus memberi sebuah pelajaran iman yang sangat mendasar kepada Jemaat di
Efesus. Pada masa lalu secara roh jemaat
sudah mati, karena hidup penuh dengan salah dan dosa. Pada masa lalu itu hidup menurut kebiasaan
dunia yang jahat. Menuruti penguasa
penguasa yang ada di angkasa, dan inilah yang menguasai jiwa orang yang sulit
dan tidak bisa membuat komitmen untuk mengikut dan setia kepada Tuhan. Paulus memberi info tentang dirinya bahwa
dulu dia pun mengikuti keinginan keinginan daging, akibatnya kebiasaan hidup hanya
mengikuti nafsu nafsu dunia.
2. Selanjutna
Paulus memberi penjelasan yang sangat kongkrit mengenai keberdosaan manusia,
akibat dosa, lalu bagaimana Tuhan di dalam Tuhan Yesus memberi anugerah penebusan kepada kerina
manusia. Paulus menekankan bahwa kerina erkiteken perkuah ate Tuhan Dibata
(Efesus 2 : 7)
3. Paulus
menekankan bahwa “Erkiteken Lias Ate Dibata nge maka kita manusia terkelin,
erkiteken tek man Tuhan Yesus.” Labo bekas perbahanen manusia , tapi pemere DIBATA kap e”
4. Lalu ibas ayat
10 itekanken Paulus kai tujuan Tuhan mbereken pemere NA kerna keterkelinen e man banta. Emekap “ijadikenNa kita guna ndahiken dahin-dahin
si mehuli si enggo leben irencanakenNa, gelah sidahiken e.” (Efesus 2
:10)
Sumber Foto :https://www.gatewaydowntown.com/
Makna
1.
Kerina manusia enggo erdosa.
Arah kerina gaya hidup, cita cita, perukuren, sura sura ibas kehidupan
manusia mbabai ia kubas dosa. Kearifan
kearifan dunia, ikemas ras ibungkus alu kata kata sikugapana pe situhuna
manusia e enggo erdosa. La sentudu ras
standar kegeluhen Dibata si dem alu kebadiaan bagepe keleng ate. Terlebih ka pe arah ngikuti penguasa penguasa
langit ras doni enda, kerina e mbabai manusia kubas dosa.
2.
Dosa erbahan manusia sirang ras Tuhan, mate ia. Pertendinna mbabai
ia erdauhna ibas dosa nari. Kai pe sinibahan
manusia e guna mehuli iadep adepen Dibata lanai lit. Jenari mekuah ate Dibata nandangi manusia e,
bekas tinepaNA ndube, si nggeluh erkiteken Kesah Dibata. Emaka ibas keleng ateNA itebusi Dibata me
dosa manusia e, ibas kiniersadaan manusia e ras Yesus Kristus. Ise si ersada ras Yesus Kristus, ersada ia
ibas kematen ras kekeken Yesus Kristus.
Eme pemere Dibata simbelin na kal, sierbahansa manusia ndai enggo
metunggung iadep adepen Tuhan Dibata, ras ndatken kegeluhen sirasa lalap. Kerehen Tuhan Yesus, enda erkiteken keleng
ate Tuhan Dibata si she kal belinna, ras she kal belinna dampakna man
manusia. Enggo ipetunggung ia ibas
dosana nari.
3.
Lias Ate Dibata ertina, lanai lit sideban. La lit kai pe
sierbahanca manusia e metunggung ras selamat ibas dosa. Sebab dosa erbahanca maka kai pe perbahenen
tetap dosa. Emaka perbahanen si mehuli
harus imulai ibas penebusen dosa e.
Kenca dosa tebus nge maka lit perbahenen si metunggung. Adi dosa langa itebus, kerina perbahanen
tetap dosa. Jadi labo perbahanen
erbahanca dosa manusia tertebus. Janah
labo ka kenca dosa itebus manusia lanai perlu erbahan kiniulin.
4.
Paulus menekankan maka lita misi man kerina manusia sienggo itebus
dosana ibas kiniteken ras kiniersadaanna ras manusia e. Enggo lit dahin dahin
si ate Tuhan idahiken kerina manusia si enggo itebusNA. Dahin dahin si enggo leben irencanaken Tuhan
nandangi kerina anak anak manusia si enggo nggejapken keselamatan e.
Pengkenaina/Target
(Pemahaman minimal
yang harus didapat jemaat setelah mendengar Firman yang dikhotbahkan)
1.
Gejapken lah tuhu tuhu bahwa kam enggo ndatken keselamatan ibas
Tuhan Dibata nari. Labo perbahan perbuatanndu ras kiniulinndu. Tapi pemere si Dibata siberekenNA man kerina
manusia sipilihNA. Pemere si imeteraikan ibas kiniersadaan ras Yesus Kristus
Tuhan.
2.
Engkai maka kam si iselamatken Tuhan? Erkiteken Tuhan milih sa,
labo perban kelebihenndu sitik pe lang. Sadari, syukuri,ras dalanken kegeluhenndu
selaku sienggo iselamatken Tuhan.
3. Lit
misi kegeluhen sienggo ipadanken ras irencanaken Tuhan man bandu. Eme siharus idaramindi, isungkunndu khusus
man Tuhan, kai misi e. Janah teridah nge
arah pengalaman kegeluhenndu ras sentudu ng eras bakat bakat si enggo
ikembangkenndu bas dirindu.
Dalankenlah e, sebab arah perbahanenndu e nge ate Tuhan Icidahken
Dibata Lias AteNA. Jadi geluhndu harus lah ingan Tuhan encidahken Lias ateNA man kerina
manusia, gelah Tuhan teridah adil ibas keleng Atena nandangi doni enda.
Respon (Perenungan lebih dalam ).
1.
Ma lanai bo kam ragu nandangi keselamatanndu si enggo ibereken
Tuhanta e ?
2.
Ngasup
nge kam mempetahanken kiniersadanndu ras Yesus Kristus ?
3.
Ma
sangap kal akapdu bandu adi arah geluhndu Icidahken Dibata Lias AteNA ?
Power Statement
Sebuah pernyataan Simeon Iman perlu kal
siinget ibas keselamatan si enggo bereken Dibata Ibas Yesus Kristus Tuhan. “
"Sekarang, Tuhan, biarkanlah
hamba-Mu ini pergi dalam damai sejahtera, sesuai dengan firman-Mu, sebab mataku
telah melihat keselamatan yang dari pada-Mu, yang telah Engkau sediakan di
hadapan segala bangs”
(Lukas 2 : 29-31)
Amin. Bujur Ras mejuah juah kita kerina
Pt Analgin Ginting
Komentar