Bahan
Penelaahan : Jesaya 54 : 9-10
Thema
: Keleng Ate Dibata La Miser Ibas Kita Nari
Masmur 144 :
1-2, 12.
54:9 "Tupung paksa Nuah, erpadan Aku nai, ndigan pe lanai Kubahan kelenglengen
ndemi doni. Genduari erpadan Aku, ndigan pe lanai kam Kutembehi; lanai kam
Kuukum, lanai Kurawai.
54:10 Bicara
deleng-deleng miser gia, uruk-uruk pe mundu-undu, tapi keleng ateKu tetap la
miser i bas kam nari, janah padan dame si Kubahan lalap paguh la
mundu-undu." Bage nina TUHAN si ngkelengi kam tetap
Fakta
1.
Ibas perikop enda, ngatakan nubuatan Jesaya nandangi
Bangsa Israel sekaligus berita bahwa Tuhan tetap ngkelengi Bangsa Pilihan Na. Ibuatna contoh sangana doni kelenglengen
bas jaman Nuh. Erbelas Tuhan arah babah
Nabi Jesaya nina “Tupung paksa Nuah
(kejadin kelenglengen) erpadan Aku maka lanai ndigan pe Kubahan kelenglengen
doni. Genduari erpadan Aku Nina Tuhan
man bangsa pilihanNa, Ndigan pe lanai kam Kutembehi, lanai Kuukum, lanai
Kurawai”
2.
Selanjutna nina Dibata arah babah Nabi Jesaya, bicara
deleng miser, uruk uruk mundu undu, tapi keleng ateKu la miser ibas kam nari,
janah padan dame si kubahan lalap paguh la mundu undu, Bage nina Tuhan si
ngkelengi kam tetap.
3.
Jesaya pasal 54 enda, konteksna kenca Bangsa Israel
mulih ibas pembuangan I Babel nari. Ikatakan pe Tirto Jesaya, entahpe Jesaya
bagian si peteluken.
a.
Proto Jesaya Pasal 1 – 39
b.
Deutro jesaya Pasal 40 – 55
c.
Tirto Jesaya Pasal 56 - 66
Arti Dan Makna.
1.
Keleng Ate Dibata nandangi bangsa
Israel enda tetap rasa lalap, janah Tuhan erbahan setiap kejadian kejadian
sebelumna jadi alat untuk nehken keleng ateNA.
IpakeNa, peristiwa kelenglengen doni sanga jaman Nuah sebagai alat man
bana lako nehken pedahNa bahwa IA ngkelengei Bangsa Israel. Uga janjiNA man Nuah, tetap e berlaku asa
ndigan pe, man Bangsa Jahudi bagepe man kerina Manusia. Emaka banci kita tek bahwa asa ndigan pe lanai
lit peristiwa kelenglengen bagi sanga terjadi bas jaman Nuah. Emaka selanjutna
iakatan Tuhan man Bangsa Israel si edenga mulih ibas tanah hukuman nari, “Asa ndigan pe lanai kam Ku hukum, lanai kam
Kurawai nina Dibata. Tapi engkai maka ikatakan Tuhan enda,kenca Ia menghukum
kalak Israel, ibuangNA ku Babel? Ibas sienda Tuhan ngataken bahwa Keleng AteNA NDAUH BELINEN
asangken tembeh tembehNa. Jadi
tembeh tembeh Tuhan e lit erkiteken Keleng Ate Tuhan nge situhuna.
Sumber Foto : https://dailyverses.net/
2.
Tuhan la pernah setengah setengah erdahin, sangat
sempurna ras melebihi asang kai pe. La
lit alat bas doni enda (terlebih fakta sehari hari) sibanci ban jadi gambaren
kerna belinNA kelenga ateNA. Emaka ibas
ayat 10, ibahan Tuhan me sada penjelasan si sangat luar biasa. “Nina bicara deleng deleng miser gia, ras
uruk uruk mundu mundu pe, tapi keleng ateKu nandangi kam la miser, janah padan
dame siKubereken man kam la mundu undu” Sangat
luar biasa makna si lit ibas kata kata Dibata si inubuatken Nabi Jesaya enda.
Sebab labo lit bas pikiren manusia deleng banci miser. Sebab deleng labo benda
si biasa bergerak pindah. Uruk Uruk
mundu mundu banci saja adi lit gempa, tapi piga kali nge setahun? Terlebih ibas lokasi si lakin pusat gempa. Emaka ate Tuhan ngatakensa, bahwa sekalipun si meserana banci terjadi,
tapi Keleng Ate Tuhan e tetap la miser. La pindah, la beralih, la bene, la
kurang, la sepi ras sidebanNA. Jadi
banci sigejapken bahwa Keleng Ate Tuhan nandangi Bangsa Pilihenna lanai banci
miser, lanah berkurang, lanai bene asa ndigan pe.
Adi sinen prestasi Bangsa Jahudi ras kerina
kalak Jahudi she asa paksa gundari, maka payo kal kai siikataken Tuhan
enda. Bangsa start up terbesar,
menguasai teknologi kai pe termasuk teknologi pertanian, emekap bangsa
Israel. Thailand banci majukal
pertanianna, sebab Kalak jahudi nge
konsultanna. Bangsa Ethiopia pe sipernah kelaparan gundari jadi negara
Pertanian terbesar di dunia no 7, erkiteken melala ahli pertanian bangsa jahudi
si jadi penasehatna. Janji Tuhan arah
Nubuat Nabi Jesaya enda enggo terbukti kal
ibal ibas era millennial enda.
Pengkenaina.
Ikelengi Tuhan Bangsa Israel, enda situhuna sebagi bukti bahwa Ia ngkelengi
kerina manusia. Nubuat Nabi Jesaya berlaku ras terbukti man Bangsa Jahudi
sebagai pertanda bahwa nubuat e berlaku ka man kerina manusia, termasuk man
kerina mamre, moria, saitun permata ras anak KAKR ibas gereja ta GBKP Si malem
enda. Emaka gejapken lah ras tek lah kam
bahwa Janji Tuhan e, Keleng Ate Tuhan e pe iberekenNA man kam,selaku Imam ibas
jabundu. Janah tanda keleng ate TUhan si mbelinna kal emekap ibas Jesus Kristus Tuhan ras penebusta.
Emaka berfikir, ngerana, ras bertindak lah kam selaku bapa si keleng kal ate Tuhan man bandu. Bagepe man aku, ras
kita kerina. Bicara deleng miser, ras
uruk mundu mundu pe Keleng Ate Tuhan e nandangi kam ras ise jabundu la miser. Bage nina Tuhan. Ula kam la tek, tapi buktiken. Pindo pemindon ndu man Tuhan. Timai ras sabar lah uga ia njadiken/mbereken
pemindonndu e. Pasti berekenNA.
Bujur ras mejuah juah kita kerina.
Pt. Analgin
Ginting.
Komentar