XIX
Kenca Trinitatis/Zending
Warna Stola : Megara
Invocatio
|
Janah
isuruhNa kami meritaken man jelma si enterem, dinge naksiken maka Ia me si
enggo itetapken Dibata guna ngadili kalak si nggeluh ras si enggo mate (Perb.
10 : 42)
|
Ogen
|
Roma 15 : 15-21 (Responsoria)
|
Khotbah
|
I Kronika 16 : 19-27 (Tunggal)
|
Thema
|
Momoken Perbahanen Dibata Si Mbelin
|
Khotbah
: 1 Kronika 16 : 19-27
16:19 Paksa si e bangsa Dibata langa nterem,
lajang-lajang ia i negeri Kanaan.
16:20 Terpuk si kitik e miser-miser i bas sada negeri
ku negeri si deban, i bas sada kerajan ku kerajan si deban.
16:21 Tapi ise pe la ibere TUHAN nindih kalak enda;
IkawaliNa kalak enda alu mpersingeti raja-raja nina,
16:22 "Ola sakiti suruh-suruhen pilihenKu; ola
kuit nabi-nabingKu."
16:23 Rendelah muji TUHAN , O kerina doni! Momoken
tiap wari berita si mehuli maka Ia enggo nelamatken kita.
16:24 Momoken kemulianNa man bangsa-bangsa,
perbahanenNa si mbelin man kerina bangsa-bangsa.
16:25 TUHAN e me si mbelin janah arus ipehaga asa
ganjangna; Ia arus ipehaga lebih asang kerina dibata-dibata si deban.
16:26 Dibata-dibata kerina bangsa si deban gana-gana
ngenca, tapi TUHAN , Ia si njadiken langit kerina.
16:27 Kemulian ras kuasa ngkeleweti Ia, gegeh ras
keriahen ndemi Rumah PertotonNa.
Pembukaan/Lead
Syalom mejuah juah kita
kerina?
Nande bapa turang ras senina. Pernah
nge igejapndu lit pemere kalak si mbein kal bas geluhndu, tapi labo tandai ndu
ise situhuna jelma si erkeleng ate e ?
Berdampak kal keleng
atena e man bandu, tapi labo itandaindu sitik
pe ise ia?
Pasti lit mbarenda sekalak
jelma, tah pe sekelompok jelma si mpetandaken Tuhan, mpetandaken Yesus man banndu,
tapi labo tandaindu ise ia.
Bagepe situhuna kita
kerina ipindo guna mpetandaken TUHAN man jelma si labo itandai kita.
Khotbah ta sekalenda,
ibas minggu Zending enda thema na : Momoken Perbahanen Dibata Si Mbelin.
Mari sinen
terdauhen
Fakta
1.
Perikop enda menceritakan 3 point
a.
Uga Dibata ngkelengi bangsa pilihanNA
b. Ise kin Dibata e
c.
Uga harus jelma nuriken Dibata e
2.
Bangsa Pilihen DIBATA e kalak pertandang I Kanaan
3.
Jumlahna sitik
nge tantangna, janah rumah na pe miser miser ibas sada ingan ku ingan si deban,
ibas sada kerajaan ku kerajaan si deban
4.
Tapi ikawali TUHAN bangsa Na e, aminna pe miser miser.
Dibata jine langsung ngerana ku raja raja guna ngkawali bangsa pilihenNA
5.
Penulis Kronika mindo man kerina jelma gelah
ngemomoken Kerna kekelengen Dibata ras
kemulianNA man kerina bangsa bangsa. Tuhan e harus ipehaga lebihen asangken kerina
dibata dibata si lit.
6.
Dibata dibata sideban gana gana ngenca, tapi TUHAN, Ia
sinjadiken langit kerina. Ia TUHU TUHAN si erkuasa.
7.
Kemuliaan ras kuasaNA ngkeleweti IA, rumah pertotonNA idemi sukacita ras
gegeh.
Makna
1.
Tuhan memilih bangsa pilihanNYA , guna menyatakan
kemulianNYA ras mpetandaken ise diriNA,
ise IA situhuna .
2.
TUHAN ngenca DIBATA,
dibata dibata si deban labo lit.
Gana gana ngenca, bohong
bohongen. Dibata dibata sideban lit
erkiteken pemikiren bangsa bangsa si la
nandai DIBATA situhu tuhu.
3.
Man bangsa pilihenna si kitik e, si pertandang e, DIBATA mpetandaken diriNA alu lengkap.
Pengajaran, perbahanen, pengkawali NA nandangi bangsa na e, ilakokenna
labo erkiteken ibujuk ras ipindo bangsa pilihenNA e, tapi erkiteken IA nge si
ersura sura lako ngkelengi Bangsa pilihenNA.
4.
Kerina perbahanenNA simehuli nandangi bangsa
pilihenNA harus imomoken man kerina
Bangsa bangsa bangsa I belang belang
doni enda, gelah kerina bangsa bangsa ibas doni enda nandai IA. Maka IA me TUHAN situhu tuhuna kal. IA la gana gana, IA la produk pemikiren manusia. Tapi IA nge sinjadiken kerina bangsa bangsa
ras kerina manusia I doni enda.
5.
Engkai maka IA perlu imomoken ras ipetandaken man
kerina bangsa bangsa, labo gelah itandai
saja. Tapi situhuna kerina bangsa bangsa
bas doni enda keleng ateNA . Kerina
bangsa idoni enda ndatken keleng ateNA adi enggo nandai ras tek man BANA.
6.
Kerina bangsa bangsa, kerina manusiasi enggo nandai IA
ras nggejapken Keleng ATENA, turah ka ibas pusuhna lako meritaken kerna IA .
7.
Misi tah pe
Zending lit erkiteken kuasa DIBATA man kalak si enggo tek nandangi IA.
8.
Kerina manusia, kam ras aku, ras kerina kita perlu nggejapken keleng Ate Dibata ibas geluhna, jenari ikut ibas upaya Misi.
Zending, Pekabaran Injil , ku jelma sideban, ku bangsa si sideban, ku ise pe
gelah kerina nandai, nggejapken ras naksiken kekelengen DIBATA e.
Target.
1.
Lalit DIBATA sideban selain TUHAN, la lit si lebih
erkuasa selain TUHAN, la lit si belinen keleng ateNA nandangi manusia selain
TUHAN. PUNCAK kekelengen ate TUHAN
nandangi bangsa pilihenNA ras nandangi kerina kalak sinandai ras tek ku IA emekap ibas diri anakNA si tonggal TUHAN
YESUS.
2.
Kerina nge manusia idiloNA rembak ku IA, nandai IA ras
dat kekelengen bas IA nari. Tapi melala kalak si la nggit aminna pe enggo
idiloNA. Riahen akapna nembah dibata dibata gana gana. Kam ras aku, mari si gejapken keleng ateNA
ibas geuhta si sh kal belinna e.
3.
Kita kerina si enggo ndatken keleng ATENA, rutang man
IA lako mpetandaken ras ngemomoken kerna IA man kerina jelma si langa nandai IA
ras man kerina kalak si monce monce denga kinitekenna.
4.
Gereja TUHAN harus lah punya program guna mpetandaken
TUHAN e, menjalankan MISI / PI man kalak sideban, bangsa si deban, kerajaan si
deban. GBKP Runggun ……… harus ikut ibas program Pekabaran Injil ku ingan si spesifik ras metoda si spesifik bagepe
ibas paksa tahpe momentum si spesifik.
Respon
1. Lit nge gejapkenndu keleng ATE TUHAN
e ibas geluhndu. Banci kin akapndu lit
jelma si la lit keleng ate DIBATA bas geluhNA?
2. ADi enggo igejapndu keleng ate
DIBATA e, pernah nge tersungkun ukurndu, engkai maka bage kal belinna keleng
ate DIBATA e nandangi kam?
3. Setiap jelma harus lit tujuan
geluhna lako mpetandaken TUHAN e nandangi jelma/kalak si deban. Kam enggo me lit sura surandu gelah ibas sada
paksa ikut program MISI/ Program PI?
Kalak Karo si Nai
Power Statement
Wijngaarden seklak misionaris
si mula mula reh ku Kalak Karo, mbaba momo/berita kerna keleng Ate Dibata. Tapi la gedang umurna. Sakit ras mate ia ibas
kuta sindauh kali i kuta asalna nari.
Melakal Kalak si mate
erkiteken ikut ia mberitaken keleng ATE DIBATA , tapi kematen na la sia sia.
Justru kematen kalak si la
pernah mberitaken kerna Keleng Ate DIBATA e nge si sia sia.
Bujur Ras mejuah juah kita kerina
.jpg)
Komentar