Minggu
Passion III/Reminiscere
Warna Stola
Ungu
|
Invocatio
|
“1:16 Erkiteken Ia dem perkuah ate,
ipasu-pasuNa kita kerina, iberekenNa man banta lias ate si la erkeri-kerin” (Johanes
1 : 16)
|
|
Ogen
|
Keluaran 17 : 1-7 (responsorial)
|
|
Khotbah
|
Roma 5 : 1-11
(tunggal
)
|
|
Thema
|
Lias Ate Dibata
|
Khotbah
: Roma 5 : 1 - 11
5:1 Erkiteken kita enggo rembak ras
Dibata erkiteken kinitekenta, e maka kita nggeluh i bas perdamen ras Dibata
arah Tuhanta Jesus Kristus.
5:2 Jesus Kristus me si maba kita bengket
ku bas lias ate Dibata erkiteken kinitekenta. Janah i bas lias ate Dibata e me
kita nggeluh dingen ringan. Dage meriah ukurta sabap lit pengarapenta maka kita
ikut dat bagin i bas kemulian Dibata.
5:3
Janah labo terjeng je saja, tapi
megah pe siakap i bas kiniseranta, sabap sieteh maka arah kiniseran turah saber
ate.
5:4 I bas saber ateta e teridah maka kita
enggo menang i bas pengujin, janah erkiteken kita enggo menang i bas pengujin,
lit pengarapenta.
5:5
Pengarapenta enda labo erbahanca
kita kecewa, sabap Dibata enggo ncurcurken kekelengenNa ku bas pusuhta arah
Kesah Si Badia. Ia me pemere Dibata man banta.
5:6
Sabap asum kita kote denga, mate
Kristus i bas paksa si payo, man gunanta kalak si jahat
.
5:7 Labo sukah muatsa kalak si nggit mate
guna kalak si bujur. Tapi adi guna kalak si mehuli banci jadi lit kalak si
nggit mate.
5:8
Tapi Kristus mate asum kita
perdosa denga! Arah e Dibata enggo encidahken keleng ateNa man banta.
5:9 Dage tangkas kal man banta maka kita
enggo rembak ras Dibata erkiteken Jesus Kristus enggo engkorbanken diriNa seh
mate; tentu terlebih-lebih pe kita terkelin i bas pernembeh ate Dibata nari
arah Ia.
5:10
Gelgel nari kita imbang Dibata, tapi
enggo iperiahken Dibata kita ras diriNa arah kematen AnakNa. Tentu
terlebih-lebih genduari adi kita enggo meriah ras Dibata la banci lang
ikeliniNa me kita arah kegeluhen Kristus.
5:11 Janah labo e saja, tapi meriah pe
ukurta dingen sipuji Dibata erkiteken Tuhanta Jesus Kristus si enggo mperiahken
kita ras Dibata.
Pembukaan/Lead
Syalomm mejuah juah kita
kerina?
Kai nge bentuk Lias Ate simbelinna kal?
Pernah nge bayangkenndu?
Bas kita kalak karo, ibas kita mpeseh
perkuah ate sekaligus kinihamatan kai nge si berekenen ? Belo, isap, sen, pinggan , amak mbentar, pangan
si entabehna. Uis tading tadingen si mejilena, juma warisan tah lit si deban?
Ue eme kerina tanda kinihamatan. Tapi lit denga nge terbelinen asangken si e kerina.
Kai ? Jelma.
Khotbahta sekalenda pe berkaiten ras
jelma. Jelma si mehulinakal si pernah nggeluh, IA ASli Kalak Karo, amina pe la lit
mergana. Hahaha
Ula mamang atendu, mari sinen terdauhen.
Mari sinen terdauhen.
Fakta
1. Inilah
salah satu teologi penyelamatan Kristus yang paling gamblang disampaikan oleh
Rasul Paulus kepada Jemaat di Roma.
Basis teologinya sangat mendasar sekali, diatas pemikiran filsafat yang
paling maju sekalipun.
2. Kerembaken
Kalak Kristen ras Dibata, labo kerembakan fisik, tahpe kerembaken misterius,
tapi pasti. Kerembakan Kristen ras
Dibata, terjadi arah kiniteken man Yesus Kristus sebagai TUHAN yang punya misi
khusus untuk merembakken Dibata ras manusia.
3. Dibata
enggo nggit erdame ras manusia, manusia si erbahan dosa nandangi IA. Kerembakan arah ras ibas Jesus Kristus.
4.
Perdamen siibayar mahal
kal, emekap arah kematen Yesus kristus e.
Gelah terbayar dosa e, maka harus lit si mate. SI mate e harus si la erdosa, gelah teridah kematenNA
labo perban dosa, tapi nebusi dosa. Emaka Tuhan terpaksa menjadikan diriNA si la erdosa banci
mate.
5. Emaka,
Tuhan Dibata reh ibas Tuhan Yesus
Kristus, gelah IA banci mate, lako nebusi manusia si harusna mate lanai medak medak asa ndigan pe.
6. Mekuah
ate Tuhan, emaka ipemateNA BANA , ibas Jesus Kristus sebagai manusia si la
erdosa. Jenari pagi ibas paksana kerina si enggo mate medak ras Jesus Kristus
selaku TUHAN.
7. Aspek
manusia Tuhan Yesus e gundari enggo seh, enggo tuntas, enggo dung tugasna,
Mission Accomplished.
Makna
1. Yesus
Kristus e Tuhu tuhu Dibata si erkuasa si maha tahu segala sesuatu. Reh Dibata ibas Tuhan Yesus Kristus, gelah misi utama
terjadi. Misi utamana emekap banci mate bagi
manusia, selaku
jelma si la erdosa, gelah nebusi jelma si erdosa. Gelah alu bage terjadi perdamen ras Dibata.
2. Peristiwa
kematen Tuhan Yesus enggo dung, enggo idalaniNA alu penuh kesetiaan, janah IA
pe enggo keke ibas simate nari. Yesus
si keke e eme, Yesus sebagai manusia yang sudah didamaikan dengan DIBATA,
dalam tubuh baru. Bukan lagi dalam ubuh fana.
3. Gundari
manusia si tek e enggo erdame ras
Dibata. Ngena ate Dibata ia, aminna pe ia nggeluh bas doni denga.
4. Kita
banci denga nggeluh bas doni enda, erkiteken si pake denga kula manusia
doni. E jadi sada pengalaman si hebat
situhuna ibereken Tuhan man banta kerina.
Emaka nggeluh ta enda adalah Kristus, mate kita pagi untung kal, sebab kita
ipekeke radu ras Jesus Kristus bagi nina
Paulus.
Target.
1.
Teklah man Tuhan Yesus, selaku Tuhan. Perbaiki ras pehuli lah caranta erkiniteken man
TUHAN YESUS, man DIBATA BAPA
2.
Nggeluh lanai lit kebiaren. Sebab
temanta Dibata simada kuasa.
3.
Ingannta enggo pasti ras Tuhan
Dibata pagi ibas ingan TUHAN YESUS gundari.
4.
Mari sidalanken ras silakoken kegeluhenta
alu dem pengataken bujur man Tuhan
Dibata. Gejapken lah Lias Ate Dibata si la
terturiken belinna alu kata kata e.
Respon
1. Enggo me
igejapndu Kekelengen TUHAN YESUS e ibas
geluh du?
2. Nggejap nge kam
maka lanai lit konsep agama si lebih benar, si lebih payo asangken TUHAN YESUS?
3. Nggit nge kam mabai
geluhndu lako mpetandaken Tuhan Yesus man kerina jelma?
Power Statement
Nina Paulus ibas Filipi 1 : 21
Karena bagiku hidup adalah Kristus dan mati adalah
keuntungan.
Engkai maka bage nina Palus, sebab ia enggo itandainakal
pasti Tuhan Dibata e arah Yesus Kristus Tuhanta.
Bujur Ras mejuah juah kita kerina
.jpg)
Komentar