Thema : Begiken Ras Ikutkenlah
Bahan
Penelaahan : 2 Raja Raja 5 : 1-16
5:1
Naaman puanglima tentera Siria
tuhu-tuhu ipehaga ras isayangi raja Siria, erkiteken arah Naaman me TUHAN enggo
mereken kemenangen man tentera Siria. Ia sekalak tentera si mbisa, tapi lit
penakit kulitna.
5:2
Sekali jadi asum iserangna negeri
Israel, itaban kalak Siria sekalak diberu bangsa Israel si kitik denga, si
dungna jadi suruh-suruhen ndehara Naaman.
5:3 I bas sada wari nina anak diberu e man
ndehara tuanna: "Lawes tuanku ndahi nabi si ringan i Samaria, tentu
ipepalemna penakitna."
5:4 Kenca ibegi Naaman si enda, idahina raja
jenari iturikenna man bana kai si ikataken diberu e.
5:5 Nina raja, "To dahi raja Israel
janah baba surat enda man bana." E maka berkat Naaman, ibabana telu puluh
ribu duit pirak, enem ribu duit emas, ras sepuluh pasang uis mejile.
5:6 Surat si ibabana e bagenda katana,
"Arah surat enda kupetandaken man bandu sekalak tenterangku, Naaman
gelarna. Ngarap aku maka ipepalemndu penakitna."
5:7 Kenca ioge raja Israel surat e,
icaingkenna bajuna perban biarna, janah nina, "Uga banci raja Siria
ngarapken aku pepalem kalak enda? Iakapna kin aku Dibata si erkuasa kerna
kegeluhen ras kematen? Enggo tangkas ndarami perubaten saja ngenca atena ras
aku!"
5:8
Kenca ibegi Nabi Elisa kai si enggo
jadi, itenahkenna berita man raja nina, "Engkai maka aru atendu? Suruh
dilaki e ndahi aku, gelah ietehna maka lit nabi i Israel!"
5:9 E maka lawes me Naaman ras kudana ras
gereta perangna, jenari ngadi ia i bas dalan bengket ku rumah Elisa.
5:10 Isuruh Elisa sekalak suruh-suruhen
ngatakenca man Naaman gelah ridi ia pitu kali i Lau Jordan, gelah malem
penakitna.
5:11 Tapi lawes Naaman alu merawa-rawa nina,
"Kuakap kin reh ia ndahi aku, kenca bage ertoto ia man TUHAN Dibatana,
iapkenna tanna i babo dagingku si penakiten gelah aku malem!
5:12 Tambah si e, ma ndauh ulin Lau Abana ras
Parpar si i Damaskus asa lau belin si apai pe i Israel enda? Bancin aku malem
adi i jah aku ridi!"
5:13 Tapi reh suruh-suruhenna ndeheri ia nina
man Naaman, "Tuan, adi isuruh nabi e min ndai kam ngelakoken sada-sada
dahin si mesera, tentu enggo ilakokenndu e. Genduari ngkai maka la banci kam
ridi saja gelah malem?"
5:14
E maka nusur Naaman ku Lau Jordan,
igedapkenna bana pitu kali i bas lau e, bagi si iperentahken Elisa, e maka
enggo malem ia tuhu-tuhu. Jukutna jadi bersih ras sehat, desken jukut sekalak
danak-danak.
5:15 Kenca bage mulih ia ras kerina anak buahna
ndahi Elisa. Jenari nina Naaman, "Genduari enggo kueteh maka la lit Dibata
i bas kerina doni enda seakatan Dibata Israel, e maka tuan, ngarap aku gelah
ialokenndu pemerengku enda."
5:16 Nina Elisa njabapsa, "Erkiteken TUHAN
si nggeluh si kusembah, ersumpah aku maka la aku nggit ngaloken kai pe."
Meseksek pemindo Naaman: gelah ialoken Elisa pemerena e, tapi la ia nggit.
Fakta
1. Ibas
peperangan Tentara Siria naban (menawan) sekalak diberu kalak Israel sangana
kitik denga, dungna diberu kalak Israel jadi teman (suruh suruhen) sekalak
diberu/istri kepala prajurit (Panglima) simbisa Siria gelarna Naaman.
2. Naaman
Lit pinakitna, emaka ngerana diberu kalak Israel e man tuanna ndehara Naaman
nina, "Lawes tuanku ndahi nabi si ringan i Samaria, tentu ipepalemna
penakitna." Tutus atena mbegiken
saran suruh suruhenna e, emaka ipesehna na man Perbulangenna Naaman
3. Berkat
Naaman ndahi Raja Israel dungna jumpa ia ras Nabi Elisa, jenari isaranken Nabi
Elisa gelah Naaman rid ii Lau Jordan.
4. Naaman
malem ibas pinakitna nari. Dagingna mejila bagi daging anak anak denga. Kalak Non Isarel iselematken/isembuhkan
Dibata Israel.
Arti Dan Makna.
1. Kesembuhan
Namaan berawal dari ifo sekalak diberu
si tertaban erkiteken perang. Tuhan
tetap mperdiatekn kerina diberusi ikelengiNA
2. Ndahara
Naaman memperlakukan budakna /juak juakna diberu kalak Israel alu mehuli, usur
ia diskusi ras ngerana ngerana. Emaka
dat sa info si sangat mejile janah dungna info e nge mpepalem perbulangenna.
3. Kekelengen
Dibata maler arah diberu / moria si nggit jadi pembawa berita kerna Dibata si
perkeleng e
4. Dibata
ngkelengi kerina manusia si ikelengiNA.
La sada bangsa ngenca, tapi ku kerina bangsa bangsa seh Kekelengen
Dibata Nu Israel arah anakNA Yesus Kristus e
Pengkenaina.
· Ibas kerina pengalaman geluhta,
Dibata tetap erdahin. Pangalaman
tertaban, menderita, latih , miskin, ipindahkan ku japa pe sekalak moria ,
tetap nge ikawal ras ipasu pasu TUHAN.
Tetap nge Kuasa ras Kelang ate Tuhan banci maler kuga pe kecibal geluh e
· Sekalak Moria harus selalu siaga ras
cepat bereaksi secara positif nandangi situasi ril na. Ija pe ia, moria e harus cepat memperlajari
situasina, ras ngukurken uga ia mpeseh Kata Dibata nandangi situasi e.
· Prestasi nggeluh paling tinggi man
sekalak diberu/moria adi banci ipesehndu info/tambar/ solusi man sekalak
temanna / perbulangenna kerna Kelang Ate Dibata si rasa lalap e
· Mari Moria, baba gluhndu jadi Tambar
man keluargandu, teman temanndu rasp e kerina teman temanndu kerina. Tuhan simasu
masu.
Terima kasih dan mejuah juah kita kerina .
Pt. Analgin
Ginting.
.jpg)
Komentar