Heber 5 : 11 – 14
Thema : Kesempatan Jadi Guru
Heber 5 : 11 – 14
Bahasa Karo
5:11 Melala
denga si arus ikataken kami kerna si enda, tapi mesera iakap kami nurikenca
sabap kai pe melet kam ngangkasa.
5:12 Si
tuhuna enggo cukup kesempaten man bandu gelah banci kam jadi guru, tapi seh asa
genduari perlu denga kam iajari i bas bena-benana nari kerna ajaren-ajaren
Dibata. Langa bo kam man nakan keras, tapi minem susu denga nge kam.
5:13 Kalak
si arus denga minem susu, anak-anak denga kap ia, la ietehna kai si benar ras kai
si salah.
5:14 Tapi
nakan keras e me guna kalak si mbelin, si arah pengalamenna ngasup perukurenna
meteh apai si bujur apai si jahat.
Fakta
1. Sada
dialog/arih arih si sangat serius teridah arah surat penulis (awalna lit
pengakap penulis kitab enda Paulus, tapia rah study lanjutan lit kesimpulan
maka labo Paulus penulisnya. Lit singatakensa
kemungkinan besar Apolos) kitab
Heber enda man kerina perpulungen Heber (Ibrani) si merap marpar I belang belang doni. Secara terus terang ituliskenna, “melet/mesera
akapndu ngangkasa”, padahal melala denga siarus turiken kami.
2. Ikatakan
penulis “situhuna enggo cukup kesempatan, enggo melala waktu ipake, gelah banci
kalak Heber e jadi guru, tapi kenyataanna nina penulis, perlu denga kam (kalak
Heber) iajari ibas bena banana nari kerna ajaren Dibata.
3. Ibahan
Penulis sada anding andingen entahpe analogi, maka nina “lang abo kam man nakan
keras, tapi minem susu denga kam” .
a. Ijelasken
na kai erti anding adingen / analogi e, bahwa minem susu dengan maknana, anak
anak denga, la ietehna kai sibenar ras kai si salah.
b. Man
nakan keras enda analogi man kalak si mbelin/dewasa à arah
pengalamanna ngasup ia mbedaken kai si bujur ras kai si jahat.
Sumber photo : https://dailyverse.knowing-jesus.com/
Makna .
1. Menjadi
guru terbuka kesempatan man kerina kalak.
Ise pe baci jadi guru adi nggit ia erlajar ras nggit ia mindo man
Dibata. Sebab menjadi guru atau lebih
tegas na imam, labo proses mengangkat diri sendiri, tapi kerina imam ipilih
kalak, tah pe ipilih Dibata. Yesus
ipilih DIbata jadi Imam, imam imam si mbelin bas Bangsa Israel ipilih Dibata
arah pemilihen jelma/umat sideban. Tapi
si pantas jadi guru, haruslah kerina kalak si enggo man nakan keras, lanai minem
susu denga.
2. Teridak
kekecewaan penulis man kalak Heber, si seharusna enggo melala kesempatanna
menjadi guru, menjadi kalak dewasa, si meteh apai si benar apai ka
sijahat. Tapi igejap penulis kitab enda
maka kalak Heber e langa ngasup man nakan keras, Minem susu denga kerina, padahal enggo melala
kesempaten siidatken. Enggo maka jadi
peminem susu denga? Sebab langa meteh
apai si jahat rasa pai si benar iadep adepen Dibata. Melala ajaran ajaran ibas doni enda, kalak si minem susu dengan banci ia tergoda
ras terombang ambing megiken pengajaren e.
Akhirna turah perdebatan ras perjengilen. Tapi man kalak si enggo man nakan keras, uga
pe bentukna pengajaren e enggo ietehna api sibenar ras apai ka sijahat. Pang ras ietehna apai si payo, jenari tetap
ia bas ajaren si payo e. Eme ciri ciri
kalak si enggo man nakan keras.
3. Uga
carana bertumbuh dari minem susu ku man nakan keras. Ijelsken Penulis secara tersirat emekap
belajar arah kerina pengalaman nggeluh.
Sebab ikatakan kalak si man nakan keras, arah pengalaman ngasup perukurenna meteh apai si benar rasa pai si jahat. Pengalaman perlu iukurken, I renungken, I refleksiken
gelah arah je turah pengangkaan kerna si benar ras si jahat. Berarti Tuhan
Yesus reh ku kerina jelma arah pengalaman pengalamen kegeluhenna. Adi bage, la lit sada pengalaman pe si la
jadi gurunta. Payo kal adagium “pengalaman adalah guru terbaik”, bagi setiap
orang.
Pengkenaina
·
Mari si sadari ras si renungken
mbages mbages apakah kita, aku tah kam minem
susu dengan entah enggo man nakan keras ?
·
Ula tolak sada pe kegiatan tah peran
tah dahin si bereken man bandu. Sebab
arah dahin , peran tah tanggung jawab e datndu pengalaman si she kal perluna
ibas meteh apai si benar rasa pai si
jahat. Arah pengalaman e ka nge Yesus
Kristus mpetandaken diriNA man bandu, man aku man banta kerina. Emaka renungken ras refleksiken pengalamanndu
gelah enggo tangkas man bandu sada pengangkaan ras keyakinen apai si benar
rasa pai si salah/benar.
·
Adi enggo tangkas pemahamanndu, adi
enggo ngasup man nakan keras, emaka enggo pantas jadi guru/iman ibas kegeluhen
enda. Sebab sekalak iman I tengah jabu
enggo ietehna tuhu tuhu kerna si benar ras si jahat. Bageme ia jadi guru man kerina isi jabuna. Amin.
Mejuah juah kita kerina.
Pt. Analgin
Ginting.
Komentar