Catatan Tambahan Khotbah Minggu Trinitatis 10 Juli 2022

 

Invocatio	Masmur 119 : 66
Ogen	2 Timotius 2 : 14-19
Khotbah	Kuankuanen  9: 7- 12
Thema	“Kepentaren Erbahanca Umur Gedang  ”

 

Kuankuanen 9 : 7 – 12

 

9:7         Adi icidahken kesalahen kalak si megombang nembeh ngenca atena. Adi iajarken kalak jahat, ate mesui ngenca datndu.

9:8         Kalak si meganjang rukur ola pandang, gelah ola atena nembeh man bandu. Tapi adi icidahkenndu kesalahen kalak pentar tentu keleng atena man bandu.

9:9         Adi iajarkenndu kalak pentar, reh pentarna ia. Adi kalak benar iajarkenndu, ertambah-tambah pemetehna.

9:10       Maka banci kalak jadi pentar la banci lang erkemalangen ia lebe man TUHAN . Adi itandaindu Dibata si Badia e, lit kap pengertinndu.

9:11       Kepentaren erbahanca umurndu reh gedangna.

9:12       Adi lit i bas kam kepentaren, bandu jine nge untungna; tapi adi itulakndu, kam jine nge si rugi

Fakta (info paling penting dari Nas)

1.    Enda me sada informasi si seh kal payona ipeseh man banta kerina, tentang kebiasan ras sikap nggeluh kalak si pentar ras kalak si meganjang rukur. Kalak si megombang, adi icidahken kesalahenna mis ia nembeh, janah adi iajarken kalak jahat, responna erbahanca mesui ateta. Adi kalak pentar icidahkenndu kesalahenna, keleng atena kita.  Adi kalak benar iajarken, ertambah tembahna pemetehna.

2.    Kalak pentar berhubungen ras Tuhan.  Kalak si erkemalangan man Tuhan, jadi pentar ia.  Bahkan ikataken maka kalak sinandai Tuhan, turah pengertin na.

3.    Ternyata lit ka hubungen kepentaren ras umur si gedang. Bagi siitulisken ijenda, bahwa kepentaren e erbahanca umur gedang. Kepentaren e bersifat sangat personal.  Adi lit bas kam kepentaren, kam sendiri nge si ndat untungna.  Janah adi tolakndu kepentaren maka kam sendiri nge si rugi.  

Sumber photo : https://wisdom-trek.com/

Makna Makna  atau kerugma dari nas yang sesuai dalam segala jaman)

1.    Kepentaren ras ukur meganjang/megombang membentuk kebiasaan ras tabiat sekalak jelma.  Bagepe sebalikna, tabiat jelma nge si menentuken ia pentar tah dungu (Bahasa Rocky Gerung).  Kalak pentar akan semakin pentar, sebab iapresiasina kal kerina masukan ras kritikan si reh man bana.  Sebalikna kalak si megombang ras meganjang rukur la ia siap menerima masukan tah pe kritiken, emaka rawana ka reh.  Janah selanjutna mekisat kalak mereken masuken ku ia.  Dampakna tambah warina erkerina kepentarenna.  Jadi sayang kal ras mekuah kal ateta adi lit temanta si la banci ikritik ras nggit ndatken masuken.  Ia si rugina. Tapi kalak pentar ndai, igejapna maka eruntungna ia adi lit kalak si mere masuken ku ia.  Lit pepatah China nina, “dari setiap 3 orang yang saya temui, setidaknya 1 orang pantas jadi guru saya”.  Emaka melala “guruna” inganna erlajar.  Mungkin lit hubungennna pepatah enda ras kemajuan negara China ibas jaman gundari enda.

2.    Kepentaren sekalak jelma ipake Tuhan lako nuduhken keleng ateNA. Ipake Tuhan kalak pentar e lako mpeseh ras menjelasken keleng ateNA nandangi kerina jelma.  Emaka ipasu pasu Tuhan kalak pentar, janah kerina kalak si erkemalangan man Tuhan, ipakeNa kegeluhenna.  Alu bage dage kerina kalak si nandai Tuhan, ras erkemalangan man Tuhan ertambah tambahna ka kepentarenna.  Kalak si erkemalangan man Tuhan lit bas ia sifat sifat ras tabiat Tuhan, salah sada contohna meteruk ukurna.  Emaka kalak si meteruk ukur mesunah kal akapna ndarami guruna.  Adi mbue ia jumpa guru, tentu melala masukan ras pemeteh si reh ku ia.  Emaka payo kal maka kalak sierkemalangan man Tuhan, la banci lang pentar me ia.   Janah kepentaren e ka erbahanca erlengkap na pengidahna nandangi doni ras kegeluhen enda.  Jadi ndatken kepentaren e harus lit upaya, la ia reh bage bage saja. Lit proses na.

3.    Buah kepentaren man sekalak jelma emekap ietehna apai simehuli ras lang,.  Iangkana apai sibujur apai si lat lat, janah ietehna pe apai si mejile man kula apai si lang.  Apai si mehuli ras mejile nandangi roh/jiwa manusia apai si lang.  Emaka beluh kal  ia njagai kegeluhenna.  Tentu kerina kalak si pentar, kalak si beluh njagai geluhna maka umurna pe gedang.  Serayan TUhan, ras jemaat Tuhan penting kal kepentaren e man ia.  Emaka berusaha lah ndatken kepentaren e, gelah sangap kita makeken kepentaren e.   Piga piga Langkah siperlu silakoken lako nambahi kepentarenta emekap.

a.     Erkemalangan man Tuhan. Janah nggit tetap mengkaitken pengalaman pengalamenna man Tuhan. Perlu ka pe kesadaran bahwa ketubuhen na ku doni enda perlebe kal guna erkemalangan man Tuhan ras ngaloken pasu pasu Tuhan.

b.    Kembangken tabiat meteruk ukur, ras nggit erlajar. Adi lit tabiat meteruk ukur nggit ngaloken masukan ras ngataken bujur nandangi masuken e.

c.     Nggit erbahan proses ndatken kepentaren e;  kuliah S2 nambahi wawasan, pengalaman ras pe pemeteh., bagepe kursus kursus si relevan ia.

d.    Mempunyai disiplin diri dalam belajar ras nambahi kepentaren e

Sumber photo : https://slidetodoc.com/

Pengkenaina/Target / Penerapan

(Peuamahaman minimal yang harus didapat jemaat setelah mendengar Firman yang dikhotbahkan)

1.      Kalak  pentar umurna gedang,  artina kalak pentar e enggo ngeteh perbahanan ras perukuren siapai si perlu ipertahanken, ras perukuren si apai ka si harus ikurangi.  Perukuren à Perbahanen à Kebiasaan à Tabiat/karakter

2.      Tetap lah rembak ras erkemalangn man Tuhan.  Sebab Tuhan nge simberekensa kerina kepentaren man kalak sierkemalangan man Bana.  Kepentaren ndu mbaba kesangapen man kalak sideban adi buah kepentaren enggit kita mbagikensa man kalak sideban

3.      Ula mekisat erlajar, ngikuti webinar, ndarami artikel bas google, kursus, bahkan sekolah ku S2, S3.  Semangatndu erbahansa kam nguda, kepentarenndu erbahanca gedang umurndu.   Amin.

BMujur Ras mejuah juah kita kerina  

Pt Analgin Ginting