Catatan Tambahan PJJ 17 - 23 Juli 2022

 

Masmur 46 : 1 – 6

Thema : Teologi Bencana Alam  

Masmur 46 : 1 – 6

Bahasa Karo

46:1       Ende-enden anak Korah.

46:2       Dibata kap kecion dingen gegehta, lalap ia sikap nampati katawari kita i bas kesusahen.

46:3       E maka la kita gentar, aminna pe doni mundu-undu, janah deleng-deleng gedap ku teruh lawit;

46:4       Aminna pe lawit ergalumbang dingen rugup-ugup, dingen deleng-deleng pe kumetter itendengna.

46:5       Lit kap lau mbelin si mereken keriahen man kuta Dibata, kuta ingan tading Dibata si Meganjangna.

46:6       I je kap Dibata ringan, e maka labo ndigan pe kernep kuta e, sabap iberekenNa penampat tupung matawari pultak.

 .Fakta

1.    Mbages kal hmakna na Masmur 46 enda, Ende Enden anak Korah si menggambarkan kekelengen ras kuasa Tuhan. Dua fakta ipeseh man kita

a.     Dibata kap kecion (tempat berlindung) dingen gegehta

b.    Ia sinampati katawari kita ibas kesusahen,

2.    Kuasa Dibata la terbatas, (Tuhan menguasai alam /emesta siniitepaNA)

a.     Aminna pe doni mundu undu (bergoyang dan berguncang), janah deleng deleng gedap ku tengah lawit, la kita mbiar

b.    Aminna pe lawit ergelumbang, dingen rugup ugup, dingen deleng deleng pe kumetter itendengna, la kita gentar.   

3.    Pemasmur mendapat inspirasi dari Tuhan bahwa ibas kuta Dibata lit lau mbelin si menjadi sumber keriahen man kuta e, janah i kuta e Dibata ringan.  Emaka kuta e aman, sebab  ijagai Dibata kal. Ibereken Dibata penampat tupung matawari pultak.

Sumber photo : https://www.heartlight.org/

Makna

1.    Alam semesta enda kerina Dibata kap si nepasa (menciptakan), janah gelah ratur kerina erdalan (beroperasi) emaka ibaha Dibata aturan, prinsip tah pe hukum alam. Hukum e erdalan alu mehuli, janah labo lit si mencederai manusia.  Janah selama aturan e la ilanggar, prinsipna tah hukum na la icedai  maka labo banci alam e menggagu ras merugikan manusia.  Alam semesta ikatakan jadi bencana, adi kejadian alam e ideheri manusia ras mencederai manusia.  MIsalna banjir,  banjir gia tengah kerangen ah, adi la lit ije manusia, ma labo ikatakan bencana.  Banjir lau e (sungai) e adi bas bantaran sungai e lit pemukiman manusia, emaka ikatakan bencana alam.  Tapi selama manusia ngiani ingan si pas, simehuli labo mungkin lit (fenomena) alam sibanci merugiken manusia.  Emaka pemasmur ndai ngataken bahwa Dibata kap ingan kecion ta.  Payo kal, tuhu kal, DIBATA kap ingan kecion kerina anak anakNA si tek man BANA.

2.    La lit sada titik pe ingan bas doni enda si la tinepa Dibata.  Kerina ingan ras tempat bas alam semesta enda DIBATA nge nepasa, janah IA ngetehsa ras IA pe ngkuasai sa.  Emaka sanga doni mundu undu, deleng deleng gedap ku lawit, tetap DIBATA erkuasa ije.  Jadi la lit dalam nakita, kam ras aku ras teman ta sideban si perlu mbiar.  La lit sada kejadian pe si banci terjadi bas doni enda si la ieteh Dibata.  Janah kai pe siterjadi bas doni enda, banci ipake Dibata lako nehken keleng ateNA man kerina anak anak si tek Bana.  Gempa bumi, Banjir, Gunung Meletus, Air pasang, Longsor, pandemic covid ras pe mara mara si deban, kerina ikuasai Dibata.  Sanga Kalak Jahudi I Mesir denga, ijadiken Dibata Mara lako nuduhken kuasaNA man raja Firaun sekaligus ngkelengi bangsa pilihanNa.

3.    Emaka perlu kal sitambahi pengangkanta, terutam pengangkaan kerna teologi bencana, bahwa :

·       Tuhan engkuasai alam semesta enda ras kerina isina, termasuk siiciptaken Dibata.  Ula ka siakap I surga la lit Komputer tah HP. Hahahha.

·       Bencana Alam igelari vage,  adi ibas alam e beroperasi sue hukum na, lit ije manusia si cedera.     Engkai maka manusia banci cedera?  Sebab ingan si mehuli e, enggo icedai.  Atau ingan si  la perlu ije tading/ringan, ringan ka ije manusia.  Buat lah inganta tading bas kuta DIBATA, si lit je maler lau mbelin kesangapen uga pa pe labo banci kam kena bencana.  Sebab Dibata singkawali sa.

·       Erlebuh ku DIbata adi lit deherndu e bencana, atau bas inganndu tading e wilayah bencana, emaka TUHAN mis kal mbereken penampatNA lako nelamaken kam. 

Sumber : https://www.youtube.com/watch?v=ReOIJFFT9kw

Pengkenaina

·       La lit mara sibaci ncederai anak anak Tuhan Tuhan. La lit bencana si la ikuasai Tuhan.  Si penting kerina anak anak TUHAN e metenget, bijaksana/pentar ibas menentuken inganna tading, janah tetap erpengendes ku TUHAN saja.  Endesken dirinta ku TUHAN, maka IA mpejoreken kita kerina.

·       Selaku anak anak TUHAN, kita sitek Bana perlu kal mperdiaken lingkungenta. Ula min si ngganggu prinsip tah hukum alam.  Ibas ingan batang kayu harus turah, jaga lah gelah tetap je turah batang kayu e.  Gelah alu bage, prinsip keseimbangan tetap terjaga, janah benca. na la terjadi.

·       Sada siperlu kal sijaga emekap hukum alam tah pe prinsip alam si jadi bas dirinta manusia.  Biakta selaku manusia si erdolat ras malang/mbiar man DIBATA sijaga lah prilaku tah pe karakterta.  Adi la sijaga dirinta, maka akan terjadi ketidakseimbangan alam kegeluhen e.  Emaka si la bagi ukur pe banci ka terjadi man banta.  Emaka marilah sijaga alam semesta enda alu njagai dirinta masing masing.   Amin. Mejuah juah kita kerina.

Pt. Analgin Ginting.