Bahan Penelaahan : Lukas 18:1-8
Thema : Dibata ndengkehken penderkuh anak
anakNa
18:1 Kenca
bage, guna ngajari ajar-ajar gelah ia ertoto rusur maka ola peltep
pengarapenna,
18:2 ituriken
Jesus perumpaman enda nina, "I bas sada kuta lit sekalak hakim si la
erkemalangen man Dibata dingen la erkeleng ate man manusia.
18:3 Lit
ka pe i bas kuta e sekalak diberu enggo mbalu. Ia rusur reh ndahi hakim e,
janah nina, 'Sampati min aku i bas perkarangku nandangi imbangku.'
18:4 Ndekah
la nggit hakim e, tapi dungna nina i bas ukurna, 'Aminna gia aku la
erkemalangen man Dibata dingen la erkeleng ate man manusia,
18:5 tapi
perbahan rusur aku igangguna, kupejore gia perkarana e; gelah olanai ia reh
rusur dingen dungna iraukina ayongku.' "
18:6 Iterusken
Tuhan nina, "Begindu kai si enggo ikataken hakim si la bujur e?
18:7 Ma
kin ibegiken Dibata nge kalak pilihenNa si erlebuh suari ras berngi mindo penampat
man baNa? Melawen kin Ia nampati kalak pilihenNa?
18:8 Kukataken
pe man bandu, pedas nge iberekenNa keadilen man kalak si mindo man baNa. Tapi
asum reh pagi Anak Manusia si isuruh Dibata lit nge pagi idapetiNa kalak si
erkiniteken i doni enda?"
Fakta
1. Tuhan Yesus ngeteh suasana batin murid muridNa, janah
idarami solusina. Bas nas enda ibuatna
solusi alu bentuk perumpamaan.
2. Isi perumpamaan e, kerna sekalak diberu si usur reh
mindo penampat man sekalak hakim si tading ideher rumahna. Awalna labo diate
hakim e ia. Tapi erkiteken rusur ia reh,
mbiar dungna iganggu diberu e hakim ndai.
Emaka ibegikenna pemindon diberu balu balu e, janah isampatina ia.
3. Ijelasken Tuhan Yesus makna perumpamaan e, adi hakim
si la bujur pe mbegiken pemindo sekalak diberu balu balu si erperkara ma tentu
ibegiken Dibata nge kalak pilihenNa si erlebuh rusur suari ras berngi mindo
penampat man Bana. Kukataken man bandu Nina Tuhan Yesus man murid murid, Pedas
nge ibereken Tuhan keadilen man kalak pilihenNA si mindo Bana. Bas kerehen Anak Manusia si isuruh Dibata it
nge pagi idapetiNA kalak sierkiniteken I doni enda.
Sumber photo : https://achristianpilgrim.wordpress.com/
Arti
Dan Makna.
1. Tuhan Yesus nandai kerina murid muridNA bagepe kerina
anak anak si enggo ipilihNa. Janah ieteh
Na nge kai kebutuhen kebutuhen kerina murid murid e. Ieteh Tuhan Yesus nge kai
siibutuhken anak anak Na si enggo berusia zaitun pe.
2. Tuhan Yesus leben ngukuri kai si perlu ibahanNa lako ngkelengi kerina anak anak
pilihen Na. Janah sada hal sipasti,
pertoton tah pemindon kalak si erkiniteken man Bana ipastiken Tuhan Yesus
iberekenNA. Emaka man kam kerina zaitu
pe ula leza leza ertoto mindo man Tuhan saja amin ?
3. Lit nge pagi kalak si erkiniteken idapeti Tuhan Yesus
sanga Ia reh sipeduakaliken. Ise si
idapetiNa e, tah zaituk kin ? Emaka
berushalan tetap erbahan si mehuli, sin gena ate Dibata ibas kegeluhenta
kerina. Lanai saat na jungut jungut entahpe
nalah nalahken kalak si deban. Bereken
pedah pedah simehuliNa man anak kempu.
Sumber photo : https://achristianpilgrim.wordpress.com/
Pengkenaina.
· Tetap mindo
man Tuhan ula sekali pe erleza leza. Adi hakim si la bujur pe mbereken pemindon
diberu balu balu, apai ka Tuhan Dibatanta si seh kal belinna perkuah atena. Janah Nina Tuhan Yesus pedas nge ibereken
Tuhan keadilen man kalak simindo Bana. Sue ras thema, Dibata si perkuah dingen
melias e ndengkehken penderkuh anak anakNa. Pasti. Pasti.
· Usahakan usur
positive thinking, positive respon man kerina kalak. Ula pergelut, ula permenek, tapi jadilah
kalak si ceria, ermeriah ukur, janah ngarap lalap man Tuhan. Bereken pasu pasu man anak anak ras kempu
kempunta, gelah lit kebanggan ras kemalemen ate bas ia . Kemalemen ate pasti ka mulihken ku kita
kerina. Alu bage wari wari ibas usia zaitun banci ibentasi alu dem pengataken bujur
ras kemeriahen.
Amin ras mejuah juah kita kerina.
Pt Analgin Ginting
Komentar