Ulangan 32 : 11 - 14
Thema : Ngajari Dingen Natang Natang Anak
Ulangan 32 : 11 – 14
Bahasa Karo
32:11 Bagi
rajawali ngajari anakna kabang, natang-natang anakna e i babo kabeng si
ikirbangken, bage me TUHAN njagai Israel gelah ola guling.
32:12 Sisada
kap TUHAN mabai bangsana, la Ia perlu penampat dibata si deban.
32:13 IbereNa
bangsana ngkuasai uruk-uruk si meganjang, mangani buah sinuan-sinuan si turah i
bas mbalmbal. Idatca tengguli i bas batu-batu; batang saitunna turah mehumur i
bas taneh si erbatu-batu.
32:14 Lembuna
ras kambingna melala susuna; la lit si terulin asa biri-birina, kambingna, ras
lembuna, la lit si terjilen asa gandumna ras lau anggurna
.Fakta
1. Penulis
Kitab Ulangan mengganalogikan uga Burung Rajawali ngajari anakna ras cara TUHAN
njagai Israel gelah ola guling
2. TUhan
Mahakuasa, la ia perlu penampat ise pe, penampat dbata dibata sideban mabai
BangsaNA.
3. Ibere
Tuhan Bangsa sukses ras makmur ngkuasai kerina daerah pertahian, kehutanan, pertambangan
uruk uruk si meganjang. Idatsa tengguli bas batu batu. Batang saitunna turah
mehumur ibas taneh si erbatu batu.
4. Peternakan
perikananna pe si paling maju, lembu ras kambingna melala susuna, la lit si
terjilen asa biri biri ras kambingna, la liy terjilen asa gandum ras lau
anggurna.
Sumber photo : https://a-z-animals.com/
Makna
1. Lit
proses ibas ndatken kemaetjuan ras keberhasilan. Maun maun proses e jatuh bangun. Suin, luka, terdareh, bengkak, ndabuh,
patinggalak jenari maka ndatken hikmah, kesimpulen ras keberhasilan
nggeluh. Bagi anak rajawali siajari
nandena kabang, ibas embang si meganjang.
Cedaken nande rajawali e karangna, gelah ulai medem saja ngenca anak
anakna, jenari terpaksa ia erlajar kabang, ndabuh, tedempas. Tapi bage nandangi ndabuh, adi ibas ingan si
meganjang nari mis kal tatang nande rajawali anakna. Tapi adi meteruk nge inganna erlajar kabang
e, pediatna nge ndabuh. Persis kal bage
cara Tuhan njagai bangsa pilihenNa. Iijinken
Tuhan mengungsi ku Mesir, tapi dungna dilona I Mesir nari bengket ku tanah
perjanjian. Ibuang ku Babel, tapi dungna
isuruhna ka Raja Koresh mpelepas bangsaNA dingen mulih ku Yerusalem. Melala pengaman si deban si terjadi ras
ialami bangsa enda, jatuh bangun, bangun jatuh, patinggalak, ndehereng ras
sidebanna. Tapi dungna ibalutiNa kerina
luka luka fisik ras psikis bangsaNA.
Puncakna kal ipetubuhNa anak si tonggal Yesus Kristus kubas doni enda.
2. Secara
pertanian, peternakan, parawisata pe Israel si hebatna. Sebab pasu pasu Tuhan sierbahanca maka Bangsa
ngkuasai kerina pusat pusat pertanian, peternakan, kehutanan ras pertambangan
bas doni enda. Uruk uruk, lembah lembah,
taneh si erbatu batu pe banci ibahanna berhasil menghasilan buah, gandung, lau
anggur, susu, kulit biri biri si mejilena bas doni enda.
3. Pasu
pasu Tuhan labo hanya arah pemereNA hasil akhir, tapi ibas proses na pe iajari
TUhan kap bangsa enda. Iajarina ras
itangtangna, emaka hasil pembelajaren e nge sierbahanca kesuksesan bertahan
entahpe sustain nina istilah sigundari.
Erlajar iteruh perkuah ate Tuhan, arah pengalaman hidup siburukna pe
melala dat kesimpulen. Nggit erlajar pe sada
bentuk proses Tuhan ngajari kerina anak anak si enggo ipilihna
4. Secara
pribadi ibas konteks erlajar, kita kerina jadi anak tahpe murid ibas kita
erlajar ku Tuhan, ku gereja, ku majelista.
Kita sekaligus guru si idemi kekelengen Tuhan ibas kita ngajar anak anak
ta kerina.
Pengkenaina
·
Kita harus leben jadi murid sebelum
kita jadi guru. Emaka kita, kam ras aku
harus nggit ras ngasup erjalar.
Pengalaman ta, termasuk pengalaman paling menyakitkan ras paling
memalukan, akan jadi guru yang paling baik.
·
Selain jadi murid, kita pe berperan
ras bertanggung jawab sebagai guru man anak anakta. Siusih lah Rajawali ibas kita ngajar anak
anakta. Si tatang tatang anak ta… Natang
Natang ibas erlajar labo hanya ngajar teorina, termasuk pe nimai ras ngevaluasi
cara anak ta erlajar. Contoh adi anakta
sanga ikut program katekisasi, si sungkun ka anakta e kerna metode ras isi pelajaran
demi pelajaren siikutina.
·
Ibas konteks kepemimpinan otentik, maka
pengalaman ta situhuna kal singajari kita jadi pemimpin. Apalagi ka akapndu adi pengalaman ta e ikut
campur tangan Tuhanta, ma she kal akapndu ergana proses pembelajaran ta e. Emaka erlajar lah dingen ngajarlah guna
kemuliaan Dibata Tuhanta saja. Amin.
Mejuah juah kita kerina.
Pt. Analgin
Ginting.
.jpg)
Komentar