Joel 1 : 1 – 7
Thema :
Meteh sura sura Tuhan arah bencana alam
Joel 1 : 1 – 7
Bahasa Karo
1:1 Enda
me kata TUHAN man Joel anak si Petuel.
1:2 O
Pertua-pertua, megermetlah, kerina kalak si i Juda dengkehkenlah. Lit kin
pernah jadi bagenda i bas jamanndu ntah i bas jaman nini-ninindu nai?
1:3 Turiken
man anak-anakndu kerina si jadi enda, maka iturikenna ka kempak anak-anakna,
anak-anakna nurikenca ka kempak kesusuren si arah pudi.
1:4 Pegancih-gancih
reh labang erdemuyung ipanganina sinuan-sinuanndu. Kenca lawes si pemena, reh
ka labang si deban erdemuyung. Keri ipanganina sinuan-sinuan si lit denga
tading.
1:5 O kalak pemabuk, kekeken jenari ngandungken, o kam peminem-minem anggur,
tangislah; buah anggur enggo kernep, lau anggur si mbaru lanai banci ibahan.
1:6 Sada bala labang enggo reh nerang negerinta; gegehna lanai teralang, buena
lanai terkira. Ipenna bali telapna ras ipen singa.
1:7 Enggo
ikernepkenna buah anggurta, enggo ingatngatina batang aranta. Kulit batang kayu
e pe keri ipanganina, seh maka enggo mbentar dahan-dahanna.
.Fakta
1. Perintah
Tuhan ipesehNa arah nabi Joel, anak Petuel. Sada persinget si she kal mbages makna na. O pertua pertua ras kerina kalak Juda
megermet lah. Janah turikenlah man anak
anakndu kerina si jadi enda (kai si jadi e, ijelasken kenca ayat sienda)…gelah
anak anakndu nuriken ku anak anak na ka, janah anak anakna nurikenca seh ku
kesusuren si arah pudi.
2. Pegancih gancih reh labang si erdemuyung
ipanganina sinuan sinuanndu. Kenca lawes si pemena reh ka sipeduaken
erdemuyung, keri ipanganina sinuan sinuan si tading denga.
3. Kenca
mindo pertua ras kerina kalak Juda, emaka ikhususken Tuhan perintahna man kalak
pemabuk ras peminem minem nina kekeken ngandungken. Tangisah sebab buah anggur enggo kernep, janah lau anggir simbaru
lanai banci bahan.
4. Igambarken
uga belinna bencana e “ sada bala labang enggo reh nerang bangsa Juda, gegehna
lanai teralang, Buena la terkira, ipenna bali telapna ras ipen singa. Buah anggur
enggo kernap, batang ara ingatngatina… kulit batang kayu lain lit, janah enggo
mbentar kerina.
Sumber photo : https://gbaringkasanpl.wordpress.com/
Makna
1. Reh
labang si engkernepken, janah kerina ingat ngatina. Sebab gegehna la teralang,
Buena la terkira ras ipenna entelap.
Tapi ope si e, ngerana lebe Tuhan man pertua pertua, pemabuk ras peminem
bagepe kerina penduduk Juda e. Diluar
logika manusia, sebab turah penungkunenta. Kai nge maksud Tuhan situhuna maka
iperingetina lebe ope I suruhna labang labang pelahap ndai reh? Ma seri nge bagi pinangko… kataken man anak
anakndu sekale kutangko me rumahndu, janah ku kernepken kerina barang
barangndu. La sekalak ngenca aku reh,
tapir as pasukanndu aku reh njarah rumahndu, senjatana lebih kejam asangken pedang
si entelapna. Jenari maka tangkona… uga
maka la mis tangkona? Bagendam banci
turah penungkunenta. Kai nge maksud Tuhan ?
2. Ope
si jawab sinen lebe kinatana bahwa she asa gundari lit nge labang e. She asa gundari lit nge bencana e. Tapi
adi lit bencana, , lit nge ndia peringatan Tuhan ope terjadi ? Adi si maknai teks enda, lit. Setiap kali lit kerugian manusia, bencana
ibas manusia, kecedan ate bas manusia, kebenen, kemesengen, kecelakaan pasti
lit nge lebe peringaten bas Tuhan nari.
Tapi kita manusia nge si la ngeteh, si la megermet, si la erdiate. Emaka ndai ibas ayat 2 Tuhan arah Nabi Joel
ngerana… megermetlah…
3. Emaka
banci si simpulken bahwa kai pe kejadian ibas pengalaman manusia, kai si
terjadi ibas alam semesta enda palas na situhuna kekelengen Dibata. Keleng ate Dibata e la arah kejadian si
mejile ngenca, termasuk arah rehna bala tentara labang rakus pelahap kerina
sinuan sinuan pe ituduhken Dibata keleng ateNA.
Emaka harus sigejapken bahwa ibas segala situasi TUhan e tetap erkuasa,
tetap erdolat, tetap keleng ateNa nandangi kerina manusia si tek BANA. Emaka adi lit pe bencana bas geluhta labo e
tanda kebencian Dibata, tapi e tanda keleng ateNA nge.
Pengkenaina
·
Tangis ula tangissa, sedih ula
sedihsa. Tangis banci sebagai respon
kemanusiaan ta. Sedih, kecewa, marah,
benci, menyesali banci saja jadi adi lit musibah tah bencana alam, bencana
buatan terjadi bas geluhta. Tapi inget,
Tuhanta arah anakNA Yesus Kristus tetap engkelengi kita. La masap masap keleng
ate Tuhan.
·
Megermetlah mbegi saura Tuhan ras pe
ngenehen kerina tanda tanda. Sebab pasti
lit Tuhan erbelas man kam, man aku man kita kerina adi lit bencana si nandangi
reh. Sebab labo bencana e guna
engkernepken manusia si kelengin Tuhan.
Sinuan sinuan, harta benda, kinibayaken banci kernep. Tapi manusia si ikelengi Tuhan tetap ijaga
ras ikawaliNa. Amin. Mejuah juah kita
kerina.
Pt. Analgin
Ginting.
.jpg)
Komentar