|
Invocatio
|
Lukas 10 : 27
|
|
Ogen
|
Matius 4 : 23 – 25 ( Tunggal )
|
|
Khotbah
|
Jeremia 17 : 5 – 10 ( Antiphonal )
|
|
Thema
|
“Ernalem Man
Tuhan Ndatken Pasu-pasu”
|
Khotbah Jeremia
17 : 5 – 10
17:5 Nina
TUHAN , "Kalak si nundalken Aku, kalak si erpengarapen man jelma, kalak si
ernalem man gegehna Kuukum kerina.
17:6 Ia
desken kayu kitik-kitik i gurun pasir, turah i taneh mesawang si kerah, i babo
taneh sira, ise pe la lit tading i je, kai pe la turah. La lit kai pe si mehuli
jadi man bana.
17:7 Tapi
kalak si ernalem man bangKu, Kupasu-pasu kap ia.
17:8 Ia
bali ras batang kayu si turah deher lau maler, uratna njoler seh kempak lau. La
aru atena tupung paksa perlego, erkiteken bulungna tetap meratah. La aru atena
tupung paksa perlego, lalap meramis buahna.
17:9 Ise
ngasup ngantusisa pusuh manusia? La lit si deban bali ras pusuh manusia
penipuna; mekeleksa guna ipepalem.
17:10 Aku
kap TUHAN , si mperdiateken perukuren manusia, si nguji pusuh manusia si
ersimulih kempak kalak rikutken lagu langkahna, sue ras kai si ibahanna."
Fakta (info paling penting dari Nas)
1.
Nas
khotbah ta enda menggambarkan kekecewaan Tuhan nandangi manusia sikelengiNa kal,
erkiteken manusia ndai nundalken IA.
Emaka ngerana Tuhan arah Nabi Jeremia, bahwa kalak si erpengarapan man
manusia ras nundalken Dibata pasti iukumNa.
Ukumen Tuhan e igambarkenNa alu analogi bagi kayu kitik kitik si turah I
taneh mesawang si kerah.
2.
Selanjutna
ijelasken Tuhan ka uga kalak si tetap ernalem man Bana, bahwa Tuhan pasti masu
masu kalak si ernalem man Bana. Igambarken Tuhan arah Nabi Jeremia bahwa ia
bali ras kayu si turah i tepi lau maler uratna njoler seh ku lau. La aru atena paksa perlego sebab tetap
bulungna meratah ras buahna meramis.
3.
Jenari
arah Nabi Jeremia Tuhan ncakapken pusuh
manusia, bahwa la lit si beluh ngantusisa pusuh manusia. Tuhan sendiri ngatakensa bahwa pusuh manusia
dem alu penipu si mekelek. Tuhana
menegasken bahwa IA mperdiateken ras nguji pusuh manusia. Ras Tuhan pe ersimulih kempak manusia rikutken lagu langkahna sue ras kai sibahanna.
Sumber photo : https://thedailyword5.home.blog/
Makna (magna
atau kerugma dari nas yang sesuai dalam segala jaman)
1. Tuhan tetap mperdiateken pusuh ras
kerina perbahan manusia, janah ibahanna catatan tah pe evaluasi. Situhuna kal
arapen Tuhan, gelah kerina manusia e, baik secara pribadi bagepe secara kelompok/
bangsa tetap ernalem ku Ia gelah ipasu pasuNA.
Bas Tuhan lalan nge pasu pasu daripada ukumen. Tapi Tuhan sendiri pe ngaku, bahwa pusuh manusia
si menjadi sumber ibas kerina perbahanenna, la lit ise pe ngetehsa.
2. Keleng ate Tuhan man manusia she kal
luarbiasana, iberekenna kebebasen man manusia e, la nggit Tuhan maksa manusia. La iukum Tuhan pusuh manusia, tapi siukum na
emkap perbahanenna. Janah lit dua sipasti si harus siantusi kerina
kita. Bahwa kalak si nundalken Tuhan
PASTI iukumNA, kalak si ernalem man Tuhan
PASTI ipasu pasuNA.
3. Apai lebih penting Kebebasen ras
Kepatuhen? Guna menjawab enda harus lebe sieteh kai isi pusuh manusia si
enggo erdosa e. Ternyata isi pusuh
manusia dem alu tipu tipu si mekelek kal (Jer 17 :9). Emaka adi ipilihndu
kebebasen kemungkinen besar pusuh ndu dem alu tipu tipu ras pe ujungna
nundalken Tuhan. Tapi adi ipilihndu
Kepatuhen man Tuhan, ertina iarahkenndu pusuhndu gelah terbuka man Tuhan,
jenari kerina perbahanen sis umber na bas pusuh nari perbahanen si mehuli.
Kepatuhen man Tuhan emkap ernalem man Tuhan?
4. Gereja nta GBKP enda menganut system Presbiterial
Sinodal, janah secara struktur lit moderamen,
klasis, runggun. Janah bas runggun lit
si sector sector. Perlu nge siterapken
kebebasan tah kepatuhan dari moderamen ku klasis, ku runggun tah pe sebalikna
dari runggun, klasis ku moderamen ? Adi kebebasan sipilih, memang bebas kal runggun erbahan program na la tergantung sitik
pe nandangi klasis tah moderamen. Adi kepatuhen
sipilih tentu, tetap nge kita bebas pe tapi patuh ka nge siiterapken bas runggun nari ku
klasis ku moderamen. Kebiasaan potong
atas ibas runggun nari ku moderamen via klasis, tentu lanai silakoken adi
prinsip kepatuhen sidalanken.
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Tuhan
mbereken kebebasen man kerina manusia, man bandu ras man aku bagepe man kita
kerina. Kebebasen siibereken Tuhan emkap
kebebasen si lit ibas pusuhta. Ertina,
kai pe isindu ku bas pusuhndu la ilarang Tuhan.
Emaka melala kalak kai si lit ibas pusuhna beda ras kai siikatekenna,
beda ka ras kai sidalankenna/prilaku na.
Tapi perlukal siinget, bahwa isi pusuh manusia lalan tipu tipu, termasuk
isina tipuan si mekelek kal. Hati hati
lah kam ras kita kerina nandangi isi pusuhta sekalak sekalak.
2.
Si
mehulina kal isi pusuhta e situngkasken man Tuhan Dibata, lanai lit
siibunikenndu man Ia, gelah alu bage idemi Tuhan e pusuh ta alu KesahNa si Badia,
ras selanjutna turah perbahanen simehuli bas kita nari.
3.
Ernalem
man Tuhan, patuh man Tuhan pasti ipasu pasu TUHAN. Pusuh si ernalem man Tuhan, ipasu pasuNA.
Enda sada kepastian, sada hukum/prinsip ibas kinata kegeluhen enda. Hukum Pasu Pasu
enda setara ia ras hukum gravitasi. Jadi
bage. Emaka ernalem lah man Tuhan, kita
kerina ras isi jabunta masing masing.
Amin. Bujur Ras mejuah juah kita kerina
Pt Analgin Ginting
.jpg)
Komentar