2 Korinti 4 : 1 - 6
Thema : Idilo Jadi Terang (Gereja Yang Ideal)
2 Korinti
4 : 1 - 6
4:1 Erkiteken pendahin kami e erpalasken perkuah
ate Dibata, e maka la kami erleja-leja.
4:2 Enggo itulak kami kerina perbahanen si
erbuni-buni si erbahanca mela iakap kami. Kami labo nggeluh nipui, bage pe labo
iputar balikken kami Kata Dibata. Tapi kebenaren si icidahken kami e jadi sada
pujin kerna diri kami gelah kami ialoken kerina pusuh peraten manusia i adep-adepen
Dibata.
4:3 Janah adi kin Berita si Meriah si iberitaken kami e tertutup denga man kalak,
e tertutup man kalak si perlawesna kempak kebenen nge ngenca.
4:4 Kalak e kalak si la tek, si ukurna enggo
ipepentang dibata palsu jaman enda. La ipelepasna kalak e ngidah terang
sinalsal erpagi-pagi si sangana mbincar man bana. Terang e, e me Berita si
Meriah si encidahken kemulian Kristus si
segambar ras Dibata.
4:5 Labo kerna diri kami si iberitaken kami, tapi
kerna Jesus Kristus selaku Tuhan, janah kami enda budakndu erkiteken Jesus.
4:6 Dibata kap si ngataken, "Ersinalsallah
terang i bas gelap nari." Ia me pe Dibata si erbahanca terang e ersinalsal
i bas pusuhta, gelah jelas man banta pemeteh kerna kemulian Dibata si teridah i
bas ayo Kristus.
Fakta
1.
Nas bacaan ta enda berisi kerna pengakuan Paulus tentang jabatan ras
pendahinna selaku Rasul, man jemaat I Korintus. Itegaskenna maka la ia erleja leja ndahiken
dahinna sebab erpalasken perkuah Ate Dibata. Serius kal Paulus ngataken
maka enggo itulakna kerina dahin si erbuni buni, si memutar balikken kata
Dibata gelah nipui. Itambahina ka pe bahwa kebenaren si icidahkenna e jadi
sada pujin man dirina, gelah ia ialoken kerina pusuh manusia iadep adepen
Dibata.
2.
Jenari ikataken Paulus ka tentang Berita si Meriah , bahwa adi
lit kalak si nulak Berita si Meriah e,
em perban kalak e perlawesna kempak kebenen. Kalak sibage
nina Paulus, kalak si enggo ipepentang ukurna oleh dibata palsu jaman enda.
3.
Jenari ikuhi Paulus penjelasenna alu
ngataken bahwa labo kerna dirina siberitakenna e, tapi kerna Kristus selaku
Tuhan, janah kami enda nina Paulus budakndu erkiteken Jesus.
Sumber Photo : https://www.heartlight.org/
Makna
1.
Paulus tetap banci ngerana alu benar
ras mehuli sekalipun kalak Korintus complain man bana, janah meragukan gelar
kerasulanna. Emaka alu dem ukur meteruk
iturikenna kerna dahinna e. Igejap
Paulus, bahwa uga serana dahinna mberitaken Berita si Meriah e, la ia erleja leja sebab igejapkenna kal
bahwa kerina e erpalas ken perkuah ate Dibata.
La ia nggit ngataken si la benar tah pe memutar balikken Kata
Dibata. Mberitaken Berita si Meriah labo mesunah, dem alu kiniseraan fisik ras
perasaan. Tapi tambar na sada ngenca,
Nggejapken Perkuah ate Dibata. Ndahiken
dahin gereja ras kerina pelayanan erpalas kubas keleng ate Dibata. Ndahiken dahin pelayanan labo gelah mehaga
kita selaku manusia, labo ndatken keuntungan adat, keuntungan ekonomi,
keuntungan/ kehormatan diri pribadi.
2.
Kalak si ndatken ras kalak si tek man
Berita si Meriah e, eme kalak si ipasu pasu Dibata. Emaka sangap kal
kalak si tek ku Berita si Meriah . Sebab
lit nge kalak si la pernah mbegi berita simeriah e, janah enterem ka kalak si
nulak Berita si Meriah . Kalak si nulak Berita
si Meriah e rkiteken perdalan geluhna
(kebiasaan ras karakterna) lawes ku kebenen.
Janah kalak sibage, itutupi dibata dibata palsu kap pusuh peratenna. Emaka adi lit kalak si nulak Berita si Meriah
, situhuna mekuah kal ateta, sebab itulakna kesangapan ras kekelengen Tuhanta
Jesus Kristus.
3.
Mberitaken Berita si Meriah ertina mberitaken kerna Kristus si perkuah
perkeleng e, labo mberitaken kerna diri sendiri. Mari si evaluasi dirinta, janah siusih lah
Paulus, ija nina labo kerna dirina siiberitakenna e. Adi kita mberitaken Berita si Meriah e, maka kita harus taat full man Jesus Kristus
Tuhanta selaku pusat berita simeriah e. Kristus Tuhan me anak Tunggal DIbata Bapa lako ngkelengi
doni ras nelamatken doni si enggo ceda ras dem dosa enda. Tujuan Berita si Meriah gelah kerina manusia menyadari dosa dosa na ras
reh ku Jesus gelah iampuniNa ras iselamatkenNA.
Pengkenaina
·
Mari sisungkun pusuhta sekalak
sekalak, tuhu kin Kebenaren Dibata sinipeseh/sipraktekken kita ibas kerina
pelayanennta e. Janah tuhu kin maka erkiteken
perkuah ate Dibata nge maka kita iatankenna ikut erdahin I peken anggurNA?
TUhan Jesus nge petunggung ras melengkapi kita bas kita idiloNa jadi Terang, Gejapkenlah turang ras senina, adi lit semangatta
terlebih komitmennta selaku serayan tah selaku jemaat Tuhan, em erkiteken Ia sindilo
kita jadi Terang. Maka yakinlah kam
Tuhan Si NDilo Kam jadi kalak Kristen, jadi Terang Ni Kristus.
·
Ula kecewa adi lit si nulak
pelayanenndu, adi lit si nulak Berita si Meriah e.
Sebab kalak sinulak e, kalak si perdalanna (perbahanenna) ku ingan
kebenen. Mekuah situhuna ateta nandangi
ia, emaka ula kita Baper adi li si nulak.
Sebab labo kita (secara pribadi) siitulakna e, tapi Berita si Meriah . Ula erleja leja, totoken ia, kelengi ia, ras
ngerana ras ia kerna Berita si Meriah e
terus menerus. Amin.
Bujur ras mejuah juah kita kerina. I
Pt.
Analgin Ginting
Komentar