Bahan Penelaahan
: Kejadian 2 : 8 – 17
Thema : Ngusahai
ras Njagai Batang Kayu
Tujuan : 1. Meteh maka Dibata si nepa doni ras manusia si
ngusahai ras njagasa
2. Ertanggung
jawab guna ngusahai ras njagai doni sitepa alu mehuli ras sempurna.
Kejadian 2 : 8 – 17
2:8 Kenca
bage ibahan TUHAN Dibata sada peken i Eden, arah Timur, janah i je me
itamakenNa manusia si enggo ijadikenNa e.
2:9 IjadikenNa erbage-bage batang kayu si mehuli turah i je janah buahna pe mehuli.
I tengah-tengah peken e, lit turah sada batang kayu si mereken kegeluhen ras
sada batang kayu si mereken pemeteh kerna si bujur ras si jahat.
2:10 I
Eden lit sada lau belin, janah ipalerina peken e. Kenca ngepari Eden, lau ndai
erbelah empat.
2:11 Si
pemena Pisun gelarna, maler ngkeleweti negeri Hawila. (
2:12 I
je lit emas, si merim-merim, ras batu permata si meherga.)
2:13 Si
peduaken Gihon gelarna, maler ngkeleweti negeri Kus.
2:14 Si
peteluken, Tigris, maler arah Timur negeri Assur, janah si peempatken Eprat.
2:15 Kenca
bage, itamaken TUHAN Dibata manusia ndai i Peken Eden, guna ngusahai ras
njagaisa.
2:16 Nina
Dibata man manusia, "Kerina buah batang kayu si lit
i bas peken enda banci ipanndu,
2:17 seakatan
buah batang kayu si mereken pemeteh kerna si bujur ras si jahat. Buah batang
kayu e la banci ipanndu; adi ipanndu, la banci lang mate kam i bas wari
e."
Fakta
1. Luar biasa kal informasi kerna penciptaan enda ipeseh
man banta senina senina mamre. Lit idah
kami 3 bagin informasi si seh kal pentingna si berguna kal man kerina manusia khususna
mamre segedang lit kegeluhen ibas doni enda.
Sipemena lebe, ibahan/ijadiken Tuhan me sada peken I Eden ingan manusia si enggo ijadiken TUHAN e
nggeluh.
2. Ibas peken e
turah erbage bage batang kayu si mehuli, janah buahna pe mehuli. I tengah peken
e lit turah sada batang kayu si mbereken
kegeluhen ras sada batang kayu si mereken pemeteh kerna si bujur ras si jahat. Untuk njagai kesuburen peken e, ilitken Tuhan
ka sada sungai (lau belin) gelah ipaleri kerina peken e. Janah kenca ndarat bas peken e nari Sungai
ndai bercabang 4 ia gelar na, Pisun, Gihon, Tigris ras Efrat. Sungai Efrat e lit denga she gundari. Kenca bage itamaken Tuhan me manusia ndai
ibas peken e guna ngusahaisa.
3. Emka ipasu pasu Tuhan manusia e, ras iberekenNa pe
pedahNa.
Nina Tuhan, "Kerina buah batang kayu si lit i bas
peken enda banci ipanndu, seakatan buah batang kayu si mereken pemeteh kerna si
bujur ras si jahat. Buah batang kayu e la banci ipanndu; adi ipanndu, la banci
lang mate kam i bas wari e."
Sumber photo : https://owlcation.com/
Arti
Dan Makna.
1. Leben nge TUhan ngukuri kebutuhen manusia
nggeluh. Em sebab na mehuli kal ibahan
Tuhan peken ingan manusia ndai nggeluh.
Panganna pe cukup, lit ka pe batang kayu si njagai kegeluhen manusia
ndai. Tuhan njadiken ingan si mehuli ras
sangat sempurna gelah manusia ndai banci nggeluhken geluhna rembak ras Tuhan. Emaka she gundari pe, tetap nge iperdiateken
Tuhan doni enda ingan manusia nggeluh. Labo lit kai pe siman kebiarenken bas
geluh enda sebab Tuhan njagai sa.
2.
Uga
Tuhan mpersiapken peken I Eden ingan si entabeh nggeluh, bage ka me pe ingan ta
nggeluh gundari enda. Nina Tuhan man manusia, gelah ijaga ras iusahaina peken e
alu mehuli. Gelah mehuli lalap perbuah
batang kayu e, gelah tetap mejile batang kayu kegeluhen e, gelah tetap turah la
lit gangguan kai pe man batang kayu kerna si bujur ras si jahat ndai. Manusia nggeluh situhuna kal tujuanna gelah
patuh man Tuhan. Emaka adi patuh manusia
e nggeluh man Tuhan, ingan nggeluh e erjilena nge lalap. Mamre pe harus patuh man Tuhan gelah tetap ia
kreatif ras inovatif ibas njagai ras ngusahai batang kayu si lit bas doni enda.
Adi la lit batang kayu bas doni enda, adi la lit batang kayu bas sada negara,
adi la lit batang kayu bas sada propinsi, adi la lit batang kayu bas sada kabupaten,
adi la lit batang kayu bas sada kecamatan, adi la lit batang kayu bas sada
kuta, adi la lit batang kayu bas sada lingkungan/RT adi la lit batang kayu deher
rumah,
mehuli denga nge kin akapndu doni enda? Patuh man Tuhan ibas ngusahai
batang kayu emekap salah sada tugas ta mamre si pentingna kal. Amin?
3.
Adi
patuh kita man Tuhan enggom iserapken Tuhan apai buah kayu e sibanci sipan,
apai ka si lang. Sebab Tuhan ngkelengi
manusia e mula mula nari she rasa lalap.
Enggo iserapken Tuhan apai batang kayu e banci sitabah, apai si la banci
tabah. Enggom ibereken Tuhan petunjukNA kai
ka harus siban/sisuan bas ingan batang kayu si enggo sitabah ndai. Emaka ibas inganta nggeluh bas doni enda pe
jelas nge pedah Tuhan ta uga caranta nggeluh, caranta erdahin, caranta menjaga
kelestarian ingan nggeluh enda. Tentu
siinget nge maka asa umurta nggeluh enggom pasti lit panganta nggeluh. Tapi keri kari waktuta nggeluh bas doni enda,
kesusurenta ka ngiani doni enda. Emaka
perlu kal sijaga gelah doni enda tetap kal mehuli ingan nggeluh anak anak ras
kempu ta kerina. Ngkelengi generasi
berikutna salah sada carana emekap njagai batang kayu. Suan lah batang kayu e,
ula sitabahi saja. Apai kita mamre langa
pernah nuan batang kayu, lit denga kekurangen ta bas nggeluh enda. Emaka tah lit juma bapanta, I kuta, tah lit
enggo tukurdu taneh I perantauan enda, suanken lah batang kayu ije. Sada batang
kayu lah gia senina mamre.
Salah satu hutan Rainforest terbaik di dunia yang ada di Sulawesi. Sumber photo https://news.mongabay.com/2020/06/the-worlds-great-rainforests/
Pengkenaina.
· Lit aturen
nggeluh si enggo isuanken Tuhan bas pusuh manusia I doni enda. Kegeluhen si berhasil ras ermeriah ukur
emekap adi ipatuhi manusai aturen ndai.
Selaku kalak Kristen kalak si enggo ipilih Tuhan ras iselamatkenna Tuhan
lit aturen nggeluh si harus kal sieteh guna sipatuhi. Aturen nggeluh e emekap njagai ras ngusahai
doni enda, termasuk njagai ras ngusahai batang kayu. Mamre/ perbapan bas GBKP ipindo Tuhan gelah
njagai ras ngusahai alu mehuli batang kayu si ndeher ras kita. Batang kayu bas jumanta, bas kerangenta, bas
pekaranganngenta harus kal sijagai.
Emaka mari sisuanken ras sipeturah alu mehuli batang kayunta.
· Selaku Mamre
kita pe kerina haru erteman ras siajar ajaren ras kerina kalak si terpanggil
njagai batang kayu bas doni enda, I belang belang negara. Emaka man kerina petugas lingkungan hidup rah
polisi hutan I beang belang doni enda, marilah sitotoken ia gelah tetap ia
semangat ras ngataken bujur man Tuhan ibas tanggung jawabna.
· Kita selaku
mamre tuhu tuhu mbelin kal tanggung jawabta njagai ingan nggeluh ta, gelah
siwarisken alu mehuli man kerina anak kempunta.
Amin. Bujur.
Amin ras mejuah juah
Pt Analgin Ginting
.jpg)
Komentar