Roma 12 : 9 – 13
Thema : Ersada Ras Si Mehuli
Roma 12 :
9 – 13
12:9 Keleng ate ola min alu pekulah-kulah.
Cigalah atendu si jahat janah persadalah dirindu ras si mehuli.
12:10 Sikeleng-kelengenlah kam bagi si ersenina.
Silebe-lebenlah kam i bas mpehaga teman.
12:11 Ola kam mekisat, tapi tutuslah erdahin.
Ergiah-giahlah ukurndu i bas ndahiken dahin Tuhan.
12:12 Meriahlah atendu i bas kam erpengarapen,
megenggenglah kam i bas kiniseranndu, janah ertotolah kam man Dibata la
erngadi-ngadi.
12:13 Raskenlah kinilitenndu ras temanndu si sada
kiniteken, janah alokenlah kalak si reh kesilang ku rumahndu.
Fakta
1.
Bahan PJJ nta bas minggu enda dem kal
alu ajar tentang prilaku selaku kalak si enggo ipilih ras iserapken jadi kalak
mehuli si ndat pasu pasu bas Tuhan nari.
Lit 5 pedah Paulus man kalak Roma, sipemena kal iajarkan Paulus gelah ula
pekulah pekulah, ula pura pura, ula tidak tulus, ula munafik. Cigalah atendu si jahat e, ras persada lah
dirindu ras si mehuli nina Paulus.
2.
Sipeduaken nina Paulus, sikeleng
kelengen bagi si ersenina, janah silebe-lebenlah ibas mpehaga teman. Enda me Prinsip Human Relation (hubungan antar
manusia).
3.
Sipeteluken ola mekisat tapi
tutuslah erdahin. Ergiah giah lah
ukurndu ibas ndahiken dahin Tuhan.
4.
Sipeempatken Nina Paulus, meriah
lah atendu ibas kam erpengarapen, megenggeng ibas kiniseraan, janah ertoto man
Dibata la engadi ngadi.
5.
Siterakhir emekap sipelimaken nina
Paulus, ras kenlah kinilitenndu ras temanndu sada kiniteken, janah
alokenlah kalak kesilang i rumahndu.
Sumber photo : https://slideplayer.com/
Makna
1.
Apai lebih mesunah ndarami teman
erbahan si mehuli tah ndarami teman erbahan si la mehuli? Ula kam cirem cirem saja, pasti bas pusuhndu enggo
lit jawabanna hahahha. Kubahan sada contoh, apai
sunahan ndiskusiken kai konsumsita ras teman ta, asangken ndiskusiken nakan
komsumsi gelah si sumbangken man kalak musil, misalna pemulung sampah si lit
sekelewetta? Apai kin ulin duana
diskusi e? Nakan sendiri tah nakan kalak
? Mendiskusiken ntah arih arih erbahan
si mehuli me meriah adi kita enggo terbebas ngukuri diri sendiri, entahpe lanai
focus ku ego nta. Arah ogenta enggo jelas kal man ban ta, gelah kita banci
memasuki level kegeluhen si lebih tinggi dalam arti si lebih mehuli maka nina
Paulus man jemaat I Roma,
a. ula
pekulah kulah tapi tulus lah kita janah erpengendes ku Tuhan saja,
b. sikeleng
kelengen lah kita bagi si ersenina artina kalak si deban sianggap seninanta
terlebih kita si sada rarasan,
c. ula
perkisat tapi tutus erdahin, lalan nge
upah kalak situtus asangken kalak
silatutus,
d. ermeriah
ukur ibas pengarapen ras sijadikenlah pengarapan e jadi energi kita megenggeng ras
ertutus ate, ras sada nari energi turbo na emekap ertoto la erngadi ngadi.
e. ras
si pelimaken adi lit bas kita kiniliten (sen, harta ) siras rasken ras temanta
sada kiniteken.
Lima ajaran
enda ndai payo kal janah ibas jaman ta sigundari pe tetap denga iperluken
bahkan semakin iperlukan ibas erdahin secara professional guna menghasilkan produksi
si lebih berkualitas. Misalna, jadi
pemain bola pe kita gundari lanai bo banci mau menang sendiri. Selaku sada sektor perpulungen pe kita
erriahna perpulungen e jadi tuhu tuhu mpermuliaken Dibata adi lima hal ndai
sipraktekken ibas sektor perpulungenta.
2.
Ope denga banci siterapkan ibas sektor
ta, tah pe runggunta, tahpe ibas lingkungen si deban, maka perlu kal siterapken
ibas dirinta sekalak sekalak, ibas jabunta.
Usurkal kalak siakap la bujur, padahal kita nge usuren pekulah kulah,
siakap kal kalak sideban sila tutus padahal kita sendiri pe sulit ertutus ate.
Siakap kalak sideban si kurang semangat, padahal kita sendiri nge kurang
semangat. Siakap kalak si deban kurang megenggeng, padahal kita nge si kurang
sabar. Siakap kalak sideban si kurang melumbar padahal kita sendiri nge si usur
kebiaren nandangi panganta tah keperlun keperlun ta.
3.
Tuhan Yesus Kristus la pernah suruhna
kita erbahan si mehuli sisada sisada, tapi siruhna kita erbahan si mehuli ras
teman ta, dua kalak minimal. Sebab Tuhan sendiri pe 3 IA sendalanen ibas kerina
perbahanenNA guna ngkelengi doni enda.
DIbata Bapa, Dibata Anak ras Kesah SI Badia. Emaka kita pe ulin kal adi
ras temanta e kita erbahan si mehuli. Ma
payo akapndu? Tapi adi enggo ras teman
kita, harus lit upayata untuk membenahi dirinta sendiri gelah megegeh
kinersadannta ras teman teman ta. Ula
sitimai temanta ngangkai ise kita, tapi
jauh lebih mehuli kita leben ngangkai tabiat temannta, jenari si sesuaikan
pengerana ras perbahanennta ras ia. Alu bage pasti megeh kiniersadaanta erbahan
si mehuli e.
4.
Lima ajaren Paulus ndai banci
siterapkan alu konsisten adi Tuhan Yesus jadi landasan kegeluhenta, terutama
ngusih IA ibas ia sitik pe la egois. Janah
siinget bahwa labo banci kalak sideban erbahan ukurta gulut adi Tuhan Yesus
jadi focus ta. Labo banci kita sakit
hati ras kecewa ban perkataan kalak sideban, ban perbahanenna, ban kerina
prilakuna adi TUHAN YESUS e sibahan jadi model kegeluhenta.
Sumber photo : https://www.youtube.com/watch?v=cxzp08ZYaBA
Pengkenaina
·
Lit utangta bas kegeluhen enda si
harus sigalari/silunasi sangana kita nggeluh denga. Rutang kita erbahan si mehuli bas geluh enda, emaka marilah silunasi utangta
e. sitik sitik pe labo dalih.
·
Adi erbahan salah kita, adi ingkar
janji kita seri ras erbahan utang ka kita, emaka gelah lunas utangta minter min
kita mindo maaf alu tulus ula pekulah kulah.
Inget ku ise kam pernah erbahan salah, tempa enggo ia lupa tah kam
sendiri pe lupa. Tapi situhuna bas pusuhna lit dengan lubang, sihanya banci
itutupi alu mindo maafndu. Dalankenlah
·
Ula mbiar ibas geluhta, sebab labo
mungkin kita mesera tah jatuh miskin adi kita erbahan simehuli e. Sebab uga serana pe geluhta, ulga miskin na
pe kita tetap kita erpengarapan man Tuhan, janah ibas kita erpengarapan e
iberekenNa ukur meriah ras ide ide kreatif inovatif. Amin.
Bujur ras mejuah juah kita kerina.
Pt. Analgin Ginting
.jpg)
Komentar