|
Invocatio
|
Heber 4 : 16
|
|
Ogen
|
Pilipi 3 : 17 – 21 ( Responsoria )
|
|
Khotbah
|
Kejadian 15 : 1 – 6 (
Tunggal )
|
|
Thema
|
“Tuhan Ngkelengi Kalak Si
Erkiniteken”
|
Khotbah Kejadin
15 : 1 – 6
15:1 Kenca
kejadin si ndai kerina, i bas sada pengenehenen, reh kata TUHAN man Abram nina,
"Ola kam mbiar Abram. Aku ngampang-ampangi kam, janah mbelin kal upahndu
Kubereken."
15:2 Tapi
erjabap Abram nina, " TUHAN si Mada Kuasa, kai
gunana upah si iberekenNdu ateNdu man bangku e, adi labo lit anakku? Si Elieser
kalak Damaskus e ngenca si ngalo tading-tadingenku!
15:3 La
lit iberekenNdu anak kupupus, janah erkiteken si e, sekalak i bas budakku me
enggo jadi si ngalo tading-tadingenku!"
15:4 Jenari
reh ka kata TUHAN man bana nina, "Labo Elieser si
ngalo tading-tadingenndu, tapi anak ipupusndu sendiri nge."
15:5 Ibabai
TUHAN Abram ndarat janah nina, "Tarelah ku langit,
cubaken beligai bintang-bintang ah; bagi buena bintang-bintang e, bage me pagi
teremna sinursurndu."
15:6 Tek
Abram man TUHAN , janah erkiteken kinitekenna e ialoken TUHAN ia selaku kalak
benar.
Fakta (info paling penting dari Nas)
1.
Tuhan
Dibata erinisiatif reh ndahi Abram ibas sada pengenehenen janah terjadi me dialog antara Dibata ras Abram.
a.
Nina
Dibata; “ola kam mbiar Abram, aku ngempang-ngampangi kam, janah mbelin kal
upahndu Kubereken”,
b.
Tapi
erjabab Abram, turikenna isi pusuhna nina njawabsa : " TUHAN si Mada
Kuasa, kai gunana upah si iberekenNdu ateNdu man bangku e, adi labo lit anakku?
Si Elieser kalak Damaskus e ngenca si ngalo tading-tadingenku! La lit iberekenNdu anak kupupus, janah
erkiteken si e, sekalak i bas budakku me enggo jadi si ngalo
tading-tadingenku!"
2.
Mbegi
jawab si Abram itegaskan Tuhan Dibata nina, “, "Labo Elieser si ngalo
tading-tadingenndu, tapi anak ipupusndu sendiri nge." Jenari ibabai Tuhan
Dibata (ibas pengenehenen e) si Abram ku darat, nina DIbata "Tarelah ku
langit, cubaken beligai bintang-bintang ah; bagi buena bintang-bintang e, bage
me pagi teremna sinursurndu."
3.
Tek
Abram man Tuhan, janah ibas kinitekenna e, ialoken Tuhan si Abram selaku kalak
benar.
Sumber photo : https://st-takla.org/
Makna (makna
atau kerugma dari nas yang sesuai dalam segala jaman)
1. Adi megermet kita, maka luar biasa kal dialog
antara Tuhan DIbata ras si Abram, ibas sada pengenehenen siiciptaken
Tuhan. Pengenehenen (penglihatan) sada
kondisi si la banci ibahan manusia, tapi Tuhan Dibata ngenca ngasup mbereken tah
pe menciptaken sa. Pengenehenen e banci pe ikataken sada situasi ija Tuhan
berkenan reh ndahi manusia, ras mpeseh berita si sangat sangat penting. Pengenehen labo sada macam ngenca, tapi
erbage bage macam, Musa pe pernah idahna pengenehenen ija lit api ibas semak
semak, tapi la meseng semak semak e. Si menarik ibas pengenehenen Abram e, terjadi dialog ija
nggit kal Dibata mbegiken sora pusuh Abram.
Ikataken Tuhan man Abram mbue kal upahndu, tapi
erjabab Abram man kai kerina e, adi labo lit anakku. Janah ahli waris ku pe sekalak ibas juak juakku
e nari. Tapi itegasken Tuhan, maka ahli
waris Abram, anak kandung na nge. Ibereken Tuhan pe bukti bukti alu mbabai
Abram ngenen bintang bintang bas langit. Tuhan nggit mbegiken sora Abram. Tuhah nggejapken sora pusuh Abram (empathy)
janah Tuhan konsisten ras janjiNA mbereken keturunan man Abram. Makna na, labo man Abram ngenca Tuhan nggit
mbereken pengenehenen, labo ras Abram ngenca Tuhan nggit mbegiken uneg uneg
na, tapi kerina kita manusia kam ras aku.
Perikop enda hanya sebagai contoh, bahwa Tuhan nggt mbegiken Abram,
Tuhan nggit mbegiken kam ras aku, ras ise pe si erpengendes ku IA. Kai uneg unegndu? Ula peseh man guru sibaso,
ula peseh man paranormal, ula peseh man batu si mbelin, ula peseh man pajuh pajuhen,
tapi peseh lah man Tuhan Si nggeluh, Tuhanta Yesus Kristus. Sebab Tuhan Yesus e kap ayo Dibata Bapa. Dibata Bapa siidah bas Yesus Kristus.
2. TUhan nggit mbereken penjelasen man anak
sikelengiNA. Sabar kal Dibata mbegiken
Abram mpeseh sora pusuhna. La ipotong
Dibata Abram ngerana, labo iinterupsi
Tuhan DIbata, tapi pediatna seh ngadi ngerana Abram. Jenari nina Tuhan alu soraNA
si sangat berwibawa, “labo Elieser
budakndu e jadi ahli waris ndu, tapi anakndu sendiri nge”. Jenari icidahken Dibata man Abram bintang
bintang I langit si seh kal buena ras la
terkira. Nina DIbata, bagi bintang
bintang i langit ah buena pagi kesusurenndu.
Bagi buena bintang ilangit kesusuren Abram, enda sada kiasan tah sada
fakta? Adi penggejapenku fakta, emaka
ieteh Abram nge piga jumlah bintang si ituduhken Tuhan e, janah ieteh Abram nge
piga kalak manusia si jadi kesusurenna.
Adi langa cocok, itimai Abram nge seh maka cocok. (Adi pengakapku buen dengan bintang
bintang e asangken kesusuren Abram si enggo pernah tubuh bas doni enda.)
Penjelasen Dibata man Abram seri kal ras Penjelasen Tuhan Yesus man diberu
Samaria, menguatkan Iman.
3. Kenca ijelasken Dibata man Abram, emaka
tek (percaya atau beriman) Abram man Tuhan Dibata. Perasaan tek ibas Abram,
ieteh DIbata. Jenari maka ialoken Tuhan
Dibata si Abram selaku kalak benar.
Kiniteken Abram erbahanca ia benar iadepen DIbata. Luar biasa kal. Labo kepe pemeteh erbahanca kalak benar
iadepen Dibata, labo kinibayaken, labo kinibeluhen, labo pangkat, labo
perbuatan baik, tapi KINITEKEN man Tuhan Dibata. Kiniteken nge erbahanca kalak benar iadepen
Dibata. Kiniteken man Tuhan Yesus nge
erbahanca kita benar iadepen TUHAN DIBATA.
Ise si ngaku arah babahna Yesus Kristus e Tuhan, janah ise sitek ibas
pusuhna Yesus Kristus enggo ipekeke ibas simate nari, maka ia ibenarken TUHAN
DIBATA janah PASU PASU TUHAN maler kubas geluhna. Kiniteken ertina, tek kita aminna pe la
idah mata ta, janah sigejapken keleng AteNA e, aminna pe Tuhan Yesus enggo I Surga.
Sumber photo : https://www.youtube.com/watch?v=1utUoh816oA
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1.
Gejapkenkal
teman teman, bahwa labo pemetehndu, labo kinibayakenndu si erbahanca kam ndatken sada
pengenehenen. Tapi perkuah ate Tuhan
saja nge ngenca sierbahanca idatkenndu sada pengenehenen e. Abram pe bage nge. Ibas suasana batin si bertanya
tanya man Tuhan nge reh Tuhan e ndahi ia, ercakap cakap ras ia, ras menegasken
janjiNA man Abram. Tersungkun sungkun
lah kam bas pusuhndu nandangi kekelengen Tuhan Dibata e, jenari endesken / pasrahken
kai ate TUHAN ibahanNa man dirindu.
Yakinlah ras percayalah Tuhan mpeseh diriNA man bandu.
2.
Tuhanta
e seh kal ulina, labo ipotongna sanga kam ngerana ku Ia, tapi begikenna kal seh jelas kal man bana, emaka perlu kal mpeseh isi pusuhndu man Tuhan. Peseh lah
isi pusuhndu, peseh lah kerina, maka ibegiken Tuhan kam janah iberekenNA
penjelasen si payona kal ras si benarna kal.
3.
Jadilah
kalak benar ibas Dibata alu tek ku Ia. Kiniteken nandangi Kristus nge erbahanca
kita ibenarken. Labo berdebat ras kalak
si frustasi tentang kebenaren kita ibenarken, tapi erkiteken tek man
Kristus. Sekalak si isalibken ras TUhan
Yesus tek man Tuhan Yesus, emaka nina adi enggo kam jumpa ras BAPA e, ingetlah
aku. Erjabab Tuhan Yesus, gundari pe
enggo ras kita i Firdaus. Payo kal,
erkiteken ia tek man Tuhan Yesus, maka ikatakenna “ingetlah aku”. Seketika ia ibenarken TUhan Yesus. Janah seh
asa gundari ia ras Tuhan Yesus ibas ingan kesenangen e. Sepotong kalimat si menyatakan kiniteken
pe erbahanca sekalak penjahat ibenarken Tuhan Yesus. Amin.
Bujur Ras mejuah juah kita kerina
Pt Analgin Ginting
Komentar