|
Invocatio
|
Roma 14 : 8
|
|
Ogen
|
Jesaya 55 : 6 – 9 (Responsoria )
|
|
Khotbah
|
Lukas 13 : 1 – 9 ( Tunggal
)
|
|
Thema
|
“Jera Ntah Mate”
|
Khotbah Lukas
13 : 1 – 9
13:1 Paksa
si e, reh piga-piga kalak maba berita man Jesus kerna kalak Galilea si enggo
ibunuh Pilatus asum ia mpersembahken persembahenna man Dibata.
13:2 Ngaloi
Jesus man kalak ndai nina, "Perbahan kalak Galilea e ibunuh alu cara si
bage, akapndu kin maka keleken dosana asangken dosa kalak Galilea si deban?
13:3 Kukataken
man bandu, labo bage! Kam pe adi la kin kam jera, mate nge kam pagi bagi kalak
ah ndai.
13:4 Kuga
kerna si sepuluh waluh kalak si mate itindihi menara i Siloam? Akapndu kin maka
keleken dosana asangken dosa kerina kalak si ringan i Jerusalem?
13:5 Kukataken
man bandu, labo bage! Kam pe adi la kin kam jera, mate nge kam pagi bagi kalak
ah ndai."
13:6 Jenari
ituriken Jesus man kalak e perumpaman enda, "Lit me sekalak empu kebun
anggur; i bas kebun anggur e turah sada batang ara. Lawes ia ku je ndarami
buahna tapi la lit sada pe idatna.
13:7 E
maka nina man si ngiani kebun e, 'Enggo telu tahun tep-tep aku reh ndarami buah
batang ara enda, tapi la pernah lit buahna. Tabah sajalah! Percuma ia turah i
bas taneh enda.'
13:8 Tapi
nina si ngiani kebun e, 'O Tuan, pelepas i je setahun nari; kukuruk lebe taneh
i kelewetna gelah kutama pupukna.
13:9 Mbera-mbera
erbuah ia tahun si reh; tapi adi lang tabah saja.' "
Fakta (info paling penting dari Nas)
1.
Piga
piga kalak reh maba berita man Tuhan Yesus, janah ikatakenna lit kalak Galilea
ibunuh Pilatus tupung kalak enda ersembah man Tuhan. Ieteh Tuhan Yesus kai
maksud kalak enda nehken berita e, emaka nina Yesus perban kalak Galilea e
ibunuh alu cara sib age, akapndu kin keleken dosana asangken kalak Galilea
sideban ? Jenari itambahani Yesus oiga
piga contoh cara kematen kalak sideban, janah isungkun Jesus kalak sim aba berita
ndai, akapndu kin kelekekn dosana?
2.
Emaka itekanken Yesus man kalak enda, nina : Kam pe adi la
kin jera, mate nge kam pagi bagi kalak ah ndai.
3.
Jenari
ituriken Jesus ka man kalak enda ndai sada turi turin kerna batang ara. Lit
sekalak si puna kebun anggur, janah bas kebun na e lit ka sada batang ara,
lawes si puna kebun ndai ku batang ara, daramina atena buahna, tapi la lit buah
na. Tiap tahun reh ia ku je, janah enggo
tande tahunna 3 la lit buahna.
Emaka nina si puna kebun anggur man sierdahinna
si ngian i kebun e, tek tek saja batang ara e, labo lit buahna.
Tapi nina si ngian e, o tuan pelepas sada tahun
nari, enta kugali lubang sekeliling batang ara e, gelah kutama pupukna. Mbera erbuah tahun si reh, tapi adi lang tabah saja.
Sumber photo : https://www.heartlight.org/
Makna (magna
atau kerugma dari nas yang sesuai dalam segala jaman)
1. Manusia la banci menilai belin dosa kalak
si deban e arah cara kematenna. Emaka kuga pa pe cara mate sekalak jelma, labo si
e menentuken belinna dosana. (mekelek dosana, si ah kurang mekelek, si ah
kalak bujur). Tapi si penting iinget
emekap, ise pe kalak si la nggit jera mate ka nge bagi kalak ah ndai. Tuhan Yesus menekanken perlukal terjadi
perubahan / pertobatan bas kerina kalak si erdosa. Adi lang mate nge kerina.
2. Ise pe adi la jera mate nge. Jadi si lebih penting, jera e nge, labo
mengukur ukur belin dosa tah kitik dosa. Jera lah, berubah lah. Ula min bagi kuan kuan karo, kam sigutul
kalak si jera hahahahha.. Kam gutul
lalap, kalak si gutul sideban enggo jera.
3. Kerina kalak perlu jera, sebab kerina
kalak punya kecenderungan erbahan dosa tep tep wari. Ise saja sierbahan dosa e, kerina manusia si
nggeluh denga. Pertua, diaken, pendeta, pengurus
kategorial ras jemaat biasa pe punya kecenderungan erbahan dosa, emaka perlu
kal jera tiap wari. Tiap wari ras berusaha jera, berubah ku arah simehuli.
4. Tuhan Yesus dem kal alu perkuah ate,
tetap ibereNa waktu gelah nggit jera. Tek
tek saja batang ara e nina man sierdahinna, tapi timai setahun nari nina sierdahinna,
gelah kupupuki lebe nina, si puna kebun. Berarti sabar kal Tuhan ta, kesabaranna e
membuktikan maka IA pe nggit
berubah. Emaka jera lah kita,
ermetonia (metonia bhs Yunani ertina berbalik arah. Em jera).
Inilah pohon Ara yang berbuah lebat. Sumber https://bibitbunga.com/
Pengkenaina/Target Prioritas
(Pemahaman minimal yang harus didapat jemaat setelah mendengar
Firman yang dikhotbahkan)
1. Arah renungan khotbah ta sekalenda,
icidahken Tuhan man banta kerina sada hal si paling sibutuhken ibas nggeluh
emekap jera. Jera atau bertobat atau bahasa
Yunani na Metanoia. Adi si nen
pengertian metanoia e maka nina bagenda : metanoia is commonly understood as "a transformative change
of heart; especially: a spiritual
conversion. Penjelasan Bahasa Indonesia na : perubahan cara hidup
kita menjadi apa yang Tuhan mau. Kita bisa berubah cara berpikir, cara
berbicara dan cara kehidupan.
2.
Emaka Jera si maksud Tuhan Yesus man kita emekap berubah kerina
cara rukur ta, cara nta ibas nggejapken kerina
pengalaman kegeluhen ta. Nadingken manusia
male, ku manusia baru. Lit denga
waktu nggeluh bas doni enda emekap
erkitekn keleng ate Tuhan, gelah waktu si lit sipake lako Jera. Ulanai pedekah dekah, segera lah. Sebab ndigan keri waktu ta, Tuhan ngenca
ngetehsa. Adi enggo kita diatas 40
tahun, tah pe di atas 50 tahun. Apai ka
si enggo 60 tahun, enggo perlu kal si pe jera dirinta, gelah meriah akap Tuhan
nandangi kita. Adi pohon Ara si la
erbuah, ibere Tuhan waktu sada tahun ngenca… adi manusia, tah lanai kari lit
waktu setahun pe. Jera lah kita,
pala mate atendu rasa lalap?
Bujur Ras mejuah juah kita kerina
Pt Analgin Ginting
.jpg)
Komentar