Masmur 37 : 25 – 26
Thema : Melumbar
Mere
Masmur 37 : 25 – 26
Bahasa Karo
37:25 Mulai
kin kitik-kitikku nari seh bagenda enggo metua, la enggo kuidah kalak bujur
itadingken TUHAN , tah kempuna jadi pemindo-mindo.
37:26 Pepinjamken
dingen melumbar ia mere lalap, dingen anak-anakna mereken kemalemen ate man
bana
Fakta Dan Makna
1. La
enggo kuidah kalak bujur itadingken Tuhan. . Sada
kesaksin nggeluh ipeseh Pemasmur bahwa kalak bujur la itadingken Tuhan. Ikatakenna pe kitik kitik nari she enggo
metua, la pernah idahna kalak bujur mesera ras erserana kegeluhenna ibas ia
mpraktekken kebujuren e. La akapna
mesera geluhna sebab la itadingken tah ilupaken Tuhan ia. Janah sehh ku kempu kempuna pe tetap ikawali Tuhan kegeluhenna. Kinibujuren nini bulang, jadi pasu pasu ras
kesangapen man kempu kempuna. Adi sangap
ateta kempunta marilah bujur kita. Adi
bas jaman sigundari enda, mesera kal ndarami kalak bujur. Lit anekdot singatakensa, mesera kal ndarami si halal gundari, sebab
lanai lit kalak si memproduksi barang barang alu dem kebujuren. Erluma lumba nelamatenken diri sendiri. Bakso, tahu, mie mentah iformalin gelah
ndekah tahan. Mangga, rimo, galuh
sipilih si mejilena seh kenca i rumah
macik setengah. Adi bas pegawai, mbiar ka kala kadi la dat bagin ibas erkorupsi.
Iooh.
Mbiar kalak lanai dat untung, lanai dat man. Padahal kalak bujur nge siikawali Tuhan. Bujur lah, maka Tuhan simbere pangan man
banta.
Sumber photo : https://thewordfortheday.tumblr.com/
2. Pepijamken
dingen melumbar ia mere lalap. Kalak si la itadingken Tuhan, sangap
geluhna katawari pe. Adi bujur ia, la ia
itadingekn Tuhan, janah igejapkenna kal maka Tuhan e tiap tiap wari, tiap tiap
waktu nemani geluhna. Uga maka mehuli
ras ngataken bujur man Tuhan, bage lalap dalankenna. Emaka adi lit kalak si mindo ia guna pepinjamken
hart ana, sen na meriah kal ukurna. Adi
lit begina, tah idahna kalak si memerluken bantuan, penampat, mejingkat kali a mere
man bana. Sebab sada kesangapan kel akapna bana adi banci ia mere man kalak sideban
si butuh. Semangat na mere eme kap
ngataken bujur man Tuhan. La
iipikirkenna banci tah lang kari iulihken kalak pemerena e, tapi tek kali a ibukaken
Tuhan nge tingkap tingkap langit man ia.
3. Anak
anakna mereken kemalemen ate man bana. Kesangapen kempu banci lanai igejapken nini
bulang, sebab enggo ia berkat ku rumah Tuhan.
Tapi kesangapen anak anak igejapken orang tua denga. Emaka kalak si melumbar mere ras nggit
nampati alu pepinjamken (bunga se minimal ungkin. Adi bungana galang tah belgang, e rentenir
nge gelarna. E labo nampati, tapi nimpeti
kegeluhen kalak. Hahahha) inanami
nge kesangapan anak anakna. Janah anak
anak situhuna bangga kali a, janah ersemangatna ia nggeluh, erdahin ras encari alu bujur, adi
idahna bapana ras nande na melumbar mere, ras nggit pepijamken. Amin ?
Pengkenaina
·
Mari siukuri geluhta. Kam enggo melumbar mere tah langa ? mere mere nindu rusur, kita pe melala denga
kita perlu, tah bage bas pusuhndu? Ukuri mbages mbages, adi mesera denga kam
mbere darami kai sebabna, tah mbiar denga kam kerna kegeluhenndu. Adi mbiar
denga kam, coba pelayo kinitekenndu nandangi Tuhan. Sebab kalak si melumbar mere enggo payo penandaina
ras kiniteken na ku Tuhan. Jadikenlah
melumbar ndu e jadi pengataken bujur man Tuhan.
Janah alu bage la kam pernah itadingkenna.
·
Pebagesi pengangkaan kerna kekelengen
Tuhan arah Yesus Kristus penebusta e.
Review kerina pengalaman ras perdalinen kegeluhenndu, piga kali nge
Tuhan enggo nampati kam ? Janah adi
enggo igejapkenndu mis lah melubar kam mere. Sebab melumbar mere orang tua sada
hadiah si la terkira nilaina man anak anakna.
Anakta mbere kemalemen ateta man kerina kita si melumbar mere. Amin?
Bujur ras mejuah juah kita kerina.
Pt. Analgin
Ginting.
.jpg)
Komentar