Bahan Penelaahan
: Kidung Agung 4 : 12 – 15
Thema : Kemberahenku
.
Kidung Agung 4 : 12 – 15
4:12 Dinda, pengantinku,
kebun tertutup engkau, kebun tertutup dan mata air termeterai.
4:13 Tunas-tunasmu
merupakan kebun pohon-pohon delima dengan buah-buahnya yang lezat, bunga pacar
dan narwastu,
4:14 narwastu dan kunyit,
tebu dan kayu manis dengan segala macam pohon kemenyan, mur dan gaharu, beserta
pelbagai rempah yang terpilih.
4:15 O, mata air di kebun,
sumber air hidup, yang mengalir dari gunung Libanon
Bahasa Karo
4:12 Impalku, kemberahenku
peken si terbuni kap, peken si erbenteng, sumbul si ibide.
4:13-14 Mehumur sinuan-sinuanna,
desken peken batang galiman, buah si mejilena kap ulihna. La kurang i je kacar,
narwastu, kayu manis, tebu, kuning gersing, kumenen, mur ras rempah-rempah pilihen
si melala erbagena.
4:15 Arah peken e maler lau
i bas sumbul nari lau anak erburak-burak i das deleng Libanon nari. Diberu
Sumber photo : https://kathrynwarmstrong.wordpress.com/
Fakta,
Arti Dan Makna.
1. Impalku, kemberahenku seri ras peken (kebun) si
tertutup, janah lit ije mata air si termeterai. Ndehara si mejile ras si mehaga (anggun) ibarat peken si erbenteng ras
terbuni (private). Janah
kinijelen sekalak kemberahen turah ibas pusuh ras mata perbulangenna nari. Mejile tah lang ndehara e, impal ta e, kepeken
uga kita perbulangenna / mamre natapsa.
Janah adi ia enggo mejile ibas tatapennta, tuhu tuhu ia mejile, tertutup
tapi dem alu semangat nggeluh si luar biasa. Sebab lit ije mata air sumber
kesegaran ras sumber kemalemen ate. Istri
ku adalah mata airku, ndeharaku emekap
sumbul la uku… Ioooh romantis kal teman…
2. Mehumur sinuan nuanna, desken peken batang galiman,
buah simejilena ras bunga bunga si semerbak
bagepe tanaman herbal melala turah ije
Ibarat kebun / peken kemberahenta e, nina Salomo. Ertina ndeharata e sumber pangan (buah buahen)
si mejilena, sumber bunga bunga (keharuman) si mejilena,
bagepe sumber tanaman herbal (tambar) si mehulina kal. Bas peken e nari turah
buah buahen si mburnis na, turah bunga bunga narwatsu si merim na kal, turah
pe kuning gerising, jahe (tanaman herbal si mejilena). Ndehara si mejile,
emekap sumber semangat man, sumber romantisme, bagepe sumber kesehatan bagi
perbulangenna Karo mergana, Ginting mergana, Tarigan mergana, Sembiring mergana
bagepe Perangin-angin ras mama bayangna. Emaka tugas mamre/perbulangen nge erbahan ca
mejile ndehara ta e. Tukur min cincinna tah
burana, tah padung na, dahndu semangat mis ia; adi semangat ia erjilena ia,
jenari erngenana ateta. Hahahahha. Ibarat motor nge, adi si service rusur, si
tambahina aksesorisna motorta e, dahndu kita pe erngenana ate ta motor ta
e. Bage ka pe kemberahennta e, adi si
patut patut lalap, pasti erkelengna ateta.
Jadi keleng ate mamre nandangi ndehara/kemberahenna erbelinna tergantung
perbahanen mamre e. Ma setuju kam senina
mamre ? hahahahha.
3. Arah peken e maler lau ibas sumbul nari lau anak erburak
burak idas deleng Lebanon nari. Mata lau e la erkeri kerin, sebab reh na idas deleng Lebanon nari. Dem embun ije, mata lau kin ije. Bageka pe kemberahen ta e, ia me si paling tahu segala sesuatu ibas diri
sekalak mamre. Emaka si keleng kelengen
ras ndehara eme sumber kesegaran ras kesehatan si paling utama. Mamre si keleng atena kemberahenna, janah
ipekena kena ka lalap, maka sehat nge ia.
Bicara sakit pe mis nge sehat.
Kesaksin Raja Brunei, Sultah Bolkiah.
Tah piga kali enggo empo ras kalak kai pe lit selirna. Tapi gundari ceraikenna kerina selir selir
na ndai, mulihken ia ku istri tuana.
Sebab nina, ras sintua e ngenca tatapen matana ku diringku. Selir selirna natap ku Soltan Bolkiah labo ku
dirina, tapi ku sen na ras artana. Hahahaha. Emaka ise kita mamre si lit ersura empo
petelu kaliken tah pedua kaliken, nggit
diberu e labo perban dirindu, tapi perban gajut ndu nge. Hahahahha.
Pengkenaina.
· Tugas utama
sekalak perbapan emekap ngkelengi kemberahenna.
Adi sikap kemberahen e, maka mamre e ersehatna ras segar lalap la sakit
sakit pe. Lit ukur gulut siarihken ras
kemberahenta, dahndu ia pe berarti kal akapna bana. Janah ertoto ia mindo penampat Tuhan.
· Ngkelengi
kemberahen labo pasif, tapi aktif. Adi
keleng ateta kemberahennta, emaka aktif kita lako nghamati ras menghormati
ia. Janah pindolah gegeh man Tuhan gelah
erngasupna kita engkelengi ndeharata.
Payo kal pepatah enda, “disamping semua laki laki yang hebat, ada wanita
yang hebat”. Amin.
Bujur ras
mejuah juah
Pt Analgin Ginting
.jpg)
Komentar