Bahan Penelaahan
: Ibrani 6 : 9 – 12
Thema : Labo
ilupakenNa dahin si enggo Idahikenndu .
Heber 6 : 9-12
6:9 Tapi
o senina-senina si ikelengi kami, amin bage gia ikataken kami, kerna kam tek
nge kami maka lit i bas kam si terulin si lit pertalinna ras keselamatenndu.
6:10 Dibata
bujur nge. Labo pagi ilupakenNa dahin si enggo idahikenndu e. IingetNa nge
keleng atendu nandangi Ia, si icidahkenndu arah nampati teman-temanndu kalak
Kristen, subuk si enggo idalankenndu bage pe si paksana idalankenndu.
6:11 Ngarap
kami gelah kerina kam tetap ergiah-giah ukurndu, gelah kai si iarap-arapkenndu
e ialokenndu pagi dungna.
6:12 Ate
kami ola min kam mekisat. Tapi nggeluhlah kam ngusih kalak si enggo tek aludingen
saber, gelah ialokenndu kai si enggo ipadanken Dibata
Sumber Photo : https://www.scripture-images.com/bible-verse/kjv/hebrews-6-9-kjv.php
Fakta,
Arti Dan Makna.
1. Tek nge kami maka lit ibas kam si terulin si lit
pertalinna ras keselematenndu. Penulis kitab Heber enda, ipelajarina kal uga struktur masyarakat ,
kerajinen, ras pendahin pelayanan jemaat I Heber. Em sebabna ikatakenna, Tek
nge kami maka lit ibas kam si terulin.
Lit dua sifat/kebiasaan penulis kita Heber si perlu kal si gali ras sicontoh. Sipertama iperdiatekenna kal kecibal geluh
ras keria pengkebet kalak Heber. Idah
mbue si postif, lit ka si kurang payo misalna perkisat ras la saber. Tapi ipilihna ngangkat si mehuli si positif si
lit ibas jemaat Heber. Kebiasenna si
peduaken emkap ipujina, iapresiasina ibas suratna enda… “lit ibas kam si
terulin” enda contoh na. Adi sikatakan kalimat enda man kalak sideban,
tentu ia pe mis kal positif ras senang perukurenna. Misalna nina Moria man Mamrena nina mamre man moriana “ Mak e tek, aku bas
kam lit si terulin si lit hubungenna ras keleng atendu nandangi aku”. Bicara belaskenndu bage, kenca tatap matana pasti
idahndu semakin bersinar mis tatapenna. Dem keleng ate ras kinihamaten. Amin ?
2. Labo ilupaken Tuhan dahin si enggo idahikenndu e. Enda kalimat si sangat teologis itulisken penulis kita Heber enda. Payo
kal enda, bahwa kerina sinibahan kita, sinibahanndu, sinibahan siarah lebenta,
la pernah I lupaken Tuhan Dibata s idem alu perkuah ate e. Emaka lit nge bas Perjanjian Lama itulisken
bahwa pasu pasu man sekalak bapa, she pagi ku anak kempu ras kempuna. Sebab la kin ilupaken Tuhan perbahan nini
bulang, tah nini tudung janah perbahanenna situtus ras mehuli e, ialoken anak
anakna ras kempu kempuna nge pagi. Enda
me bukti bahwa la ilupaken Dibata perbahanen si mehuli e.
3. Ngarap kami gelah tetap ergiah giah ukurndu gelah kai
siarapkenndu ialokenndu pagi dungna, Itekanken
penulis kitab Heber bahwa ngelai Tuhan, erbahan si mehuli bas geluh enda labo
dahin temporer, tapi dahin si rasa lalap, dahin asa umur geluh. Emaka dahiken lah alu tutus ras komitmen
jangka Panjang. Ula patah semangat, ula
putus asa. Tetap ergiah ergiah. Lit
kemampuan resilient (daya bangkit). Emaka
kerina Mamre pe, terlebih adi ia pengurus baik I sector PJJ, I runggun, klasis she
ku pusat (moderamen) adi enggo alokenndu dahin/tanggung jawab e, dahiken lah
alu tutus, tetap ergiah ergiah. Bagepe tah
kam ipindo Majelis jadi panitia, janah uekenndu. Dahiken lah dahin kepanitiaan
e alu tutus tetap ergiah giah ukur. Ula banndu kali kali doni kubas kepanitiaan
tah pe kepengurusenndu e. Sebab e dahin
ngelai lako mpebelangken Keleng Ate Dibata.
Adi banndu hitung hitung doni , mis kam patah semangat. Lanai ergiah giah. Emaka kali kali Tuhan lah bas adi kam
pengurus entahpe panitia I peken anggur Tuhan.
4. Ate kami olak min kam mekisat, tapi nggeluh lah ngusih
kalak si enggo tek dingen saber, gelah ialokenndu kai si enggo ipadanken
Dibata, peseh penulis sada solusi tah pe kiat uga erbahansa la turah ukur
mekisat. Nina “nggeluhlah ngusih kalak si enggo tek”.. Nggeluh
lah bagi pergeluh HC Kruyt tah pe JH Neumann, atau nggeluhlah bagi pergeluh
Sakeus kenca enggo reh TUhan Yesus ku rumah na.
Nggeluh lah bagi orang tuanta nai ibas ia mpebelang berita simeriah
enda. Erdalan sisada, mentasi rima
raya tengah berngi singongo. Labo kutera
sebab Tuhan teman na. Si usih kerina kalak si enggo tek, maka kita
pe jadi tek janah la mekisat ndahiken dahin pelayanennta. Amin ?
Pengkenaina.
· Tuhan ta labo
pernah IA ngelupaken kerina dahin si mehuli si enggo idahiken kalak. Diberu balu balu I Sarpat, pe ikelengi Tuhan
janah iangkat Tuhan kubas nilai sejarah si luar biasa abadi perban mehuli
perbahanenna man suruh suruhen Tuhan.
Mari erlomba lomba kita erbahan si mehuli man suruh suruhen Tuhan,
bagepe man kerina kalak sideban.
· Tetap kita ergiah
giah she maka siidah dingen sialoken kai sura suranta ibas Tuhan Dibata
nari. Suandu rimo labo banci kena cit
cit adi Tuhan sinjagai sa. Ijagai Tuhan kerina
asset ras kerina pendahin kalak situtus dingen erpengendes ma Bana. . Amin.
Bujur ras
mejuah juah
Pt Analgin Ginting
.jpg)
Komentar