Jesaya 61 : 1-2
Thema : Meritaken Kebebasan
– Diakonia Transformatif
Jesaya 61 : 1 -2
Bahasa Karo
61:1 Kesah
TUHAN si Erdolat lit i babongku. Enggo ipilihNa aku, lako maba berita si mehuli
man kalak musil. Isuruhna aku pepalem kalak si getem pusuhna, meritaken
kebebasen man kalak si tertaban; janah kalak si i bas penjara enggo banci
ndarat ia.
61:2 IsuruhNa
aku momokenca, maka enggo seh kepe paksana TUHAN ngkawali bangsaNa, janah
erbalas Ia man musuh-musuhNa. Kerina kalak si rate ceda, isuruhNa aku
ngapulisa.
Sumber photo : https://bibleteachingnotes.blog/
Fakta Dan Makna
1. Kesah
Si erdolat lit ibabongku.Kesah Tuhan e erdolat. Ertina erdolat tentu saja berkuasa, mehaga,
berwibawa, benar, ras mbaba kemalemen ate.
Kesah Tuhan e banci igejapken kuja Ia.
Emaka ikatakan penulis kitab Jesaya… Kesah Tuhan si erdolat lit ibabongku,
igejapken kalak si nggejapkensa. Tuhan e
maha adil ras maha penyayang, emaka ise pe banci ngenanami kinirehen Kesah
Tuhan si erdolat e ku babona. Kam, aku
ras kita kerina pe, banci nge ikunjungi/idatangi Kesah Tuhan Si erdolat e. Emaka kita pe kerina banci mbaba Kuasa,
wibawa, ras kemalemen ate si reh bas Tuhan Yesus nari. Amin?.
2. Enggo
ipilihNa aku lako maba berita si mehuli man kalak musil. Ipilih Tuhan singena ateNA gelah
maba berita man kalak si musil, kalak si memerlukan penampat. Emaka adi ipilih Tuhan sekalak serayan tah
sekalak jemaat, labo hanya tujuan man serayan tah jemaat e, tapi gelah ia maba berita
si mehuli man kalak musil. Adi ipilih
Tuhan kam lako ndatken sada karunia, tujuana pe gelah arah karunia si lit bas kam e
banci ipake lako ndanketkan tugas , ibas mberitaken berita si mehuli man kalak
si si ikelingi TUhan. Adi Tuhan milih sa, ula min itolak manusia. Sebab adi penuruh Tuhan pe sitentang, tentu
la mehuli ras Misi Tuhan pe banci gagal.
Darami lah lalap alu proaktif
rencana Tuhan ras penuruh Tuhan. nandangi sekalak prajurit senang kal ia adi isisuruh atasanna. Siaaappp. nIna mis.
3. IsiruhNa
aku momokenca, maka enggo seh kepe paksana Tuhan ngkawali bangsaNA, janah
erbalas Ia man musuh musuhna. Keleng ate Tuhan e nandangi manusia,
la cukup hanya pebetehkan secara
individu ku individu, tapi pe perlu imomoken seluas lausnya. Sebab Tuhan pe ersura sura kali a mpebetehken
janjNA ku kerina manusia. Kerina manusia I doni enda ikelengi Tuhan, alu
keleng ate si luar biasa. Tapi melala
denga manusia e si langa ngeteh hal enda.
Lit deba erkiteken sulit na baban geluh, erkiteken langa terbuka pemikiren
tah wawasan, lit deba langa kin lit kesadaranna nandangi keleng ate Tuhan e,
maka la ietehna ras la igejapna keleng Ate Tuhan e. Emaka perlu kal lit si ermomo man ia
kerina, kalak si ermomomo e harus lit
dolat Tuhan bas ia. Gelah Tuhan si
ermomo arah ia, je nari Tuhan mbereken
keleng AteNA man ia. Emaka, penungkunenna
“Nggit kam ermomo kerna kiniulin Tuhan ta e ? “
Pengkenaina
·
Lit dua hal siperlu si lakuken si
pentingna kal ibas geluhta selaku kalak
si nggit ermomo ku kerina jelma. Sipertama emekap Mindo Ku Tuhan gelah Kesah
Tuhan e erdolat ibas geluhta. Pindolah
ku Tuhan, gelah berkenan Ia mbereken keleng AteNA janah KesahNa SI Badia e,
erdolat ibas geluhta.
·
Adi enggo igejapndu Kesah Tuhan e
erdolat ibas kam, peseh ras momoken berita si mehuli e. Dalanken
Diakonia Transformatif (melakukan perubahan) man ise pe si cukup kuat
pengaruhna nandangi ia. Lakukan secara
pribadi, jenari lakukan secara team (sector PJJ tahpe runggun). Bahanlah kelompk binaanndu secara gereja.
Bahan program setahun, tah program per semester untuk melakukan transformasi
man kalak si deban. Ula mbiar, sebab
Kesah Tuhan erdolat ibas kam, ras pe ibas kita kerina.
https://bibleteachingnotes.blog/
Amin
Bujur ras mejuah juah kita kerina.
Pt. Analgin
Ginting.
Komentar